| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. гходамукасуд̇д̇ам̣
4. Ghoṭamukhasuttaṃ
412. звам̣ мз суд̇ам̣ – згам̣ самаяам̣ ааяасмаа уд̣̇зно б̣аараан̣асияам̣ вихарад̇и кзмияамб̣аванз. д̇зна ко бана самаязна гходамуко б̣раахман̣о б̣аараан̣асим̣ ануббад̇д̇о ход̇и гзнажид̣̇зва гаран̣ийязна. ат̇а ко гходамуко б̣раахман̣о ж̇ан̇гхаавихаарам̣ анужан̇гамамаано анувижарамаано язна кзмияамб̣аванам̣ д̇знубасан̇гами. д̇зна ко бана самаязна ааяасмаа уд̣̇зно аб̣бхогаасз жан̇гамад̇и. ат̇а ко гходамуко б̣раахман̣о язнааяасмаа уд̣̇зно д̇знубасан̇гами; убасан̇гамид̇ваа ааяасмад̇аа уд̣̇знзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа ааяасманд̇ам̣ уд̣̇знам̣ жан̇гаманд̇ам̣ анужан̇гамамаано звамааха – ‘‘амбхо саман̣а, ‘над̇т̇и д̇хаммиго бариб̣б̣аж̇о’ 1 – звам̣ мз зд̇т̇а ход̇и. д̇ан̃жа ко бхаванд̇аруубаанам̣ ваа ад̣̇ассанаа, яо ваа банзд̇т̇а д̇хаммо’’д̇и.
412. Evaṃ me sutaṃ – ekaṃ samayaṃ āyasmā udeno bārāṇasiyaṃ viharati khemiyambavane. Tena kho pana samayena ghoṭamukho brāhmaṇo bārāṇasiṃ anuppatto hoti kenacideva karaṇīyena. Atha kho ghoṭamukho brāhmaṇo jaṅghāvihāraṃ anucaṅkamamāno anuvicaramāno yena khemiyambavanaṃ tenupasaṅkami. Tena kho pana samayena āyasmā udeno abbhokāse caṅkamati. Atha kho ghoṭamukho brāhmaṇo yenāyasmā udeno tenupasaṅkami; upasaṅkamitvā āyasmatā udenena saddhiṃ sammodi. Sammodanīyaṃ kathaṃ sāraṇīyaṃ vītisāretvā āyasmantaṃ udenaṃ caṅkamantaṃ anucaṅkamamāno evamāha – ‘‘ambho samaṇa, ‘natthi dhammiko paribbajo’ 2 – evaṃ me ettha hoti. Tañca kho bhavantarūpānaṃ vā adassanā, yo vā panettha dhammo’’ti.
звам̣ вуд̇д̇з, ааяасмаа уд̣̇зно жан̇гамаа орохид̇ваа вихаарам̣ бависид̇ваа бан̃н̃ад̇д̇з аасанз нисийд̣̇и. гходамукоби ко б̣раахман̣о жан̇гамаа орохид̇ваа вихаарам̣ бависид̇ваа згаманд̇ам̣ адтааси. згаманд̇ам̣ тид̇ам̣ ко гходамукам̣ б̣раахман̣ам̣ ааяасмаа уд̣̇зно зд̇ад̣̇авожа – ‘‘сам̣виж̇ж̇анд̇и 3 ко, б̣раахман̣а, аасанаани. сажз ааган̇каси, нисийд̣̇аа’’д̇и. ‘‘зд̇ад̣̇зва ко бана маяам̣ бход̇о уд̣̇знасса ааг̇амаяамаанаа (на) нисийд̣̇аама. гат̇ан̃хи наама маад̣̇исо буб̣б̣з аниманд̇ид̇о аасанз нисийд̣̇ид̇аб̣б̣ам̣ ман̃н̃зяяаа’’д̇и? ат̇а ко гходамуко б̣раахман̣о ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко гходамуко б̣раахман̣о ааяасманд̇ам̣ уд̣̇знам̣ зд̇ад̣̇авожа – ‘‘амбхо саман̣а, ‘над̇т̇и д̇хаммиго бариб̣б̣аж̇о’ – звам̣ мз зд̇т̇а ход̇и. д̇ан̃жа ко бхаванд̇аруубаанам̣ ваа ад̣̇ассанаа, яо ваа банзд̇т̇а д̇хаммо’’д̇и. ‘‘сажз ко бана мз д̇вам̣, б̣раахман̣а, анун̃н̃зяяам̣ ануж̇аанзяяааси, бадиггосид̇аб̣б̣ан̃жа бадиггосзяяааси; яасса жа бана мз бхаасид̇асса ад̇т̇ам̣ на ж̇аанзяяааси, мамам̣язва д̇ад̇т̇а уд̇д̇ари бадибужчзяяааси – ‘ид̣̇ам̣, бхо уд̣̇зна, гат̇ам̣, имасса гвад̇т̇о’д̇и? звам̣ гад̇ваа сияаа но зд̇т̇а гат̇аасаллаабо’’д̇и. ‘‘анун̃н̃зяяам̣ кваахам̣ бход̇о уд̣̇знасса ануж̇ааниссаами, бадиггосид̇аб̣б̣ан̃жа бадиггосиссаами; яасса жа банаахам̣ бход̇о уд̣̇знасса бхаасид̇асса ад̇т̇ам̣ на ж̇ааниссаами, бхаванд̇ам̣язва д̇ад̇т̇а уд̣̇знам̣ уд̇д̇ари бадибужчиссаами – ‘ид̣̇ам̣, бхо уд̣̇зна, гат̇ам̣, имасса гвад̇т̇о’д̇и? звам̣ гад̇ваа ход̇у но зд̇т̇а гат̇аасаллаабо’’д̇и.
Evaṃ vutte, āyasmā udeno caṅkamā orohitvā vihāraṃ pavisitvā paññatte āsane nisīdi. Ghoṭamukhopi kho brāhmaṇo caṅkamā orohitvā vihāraṃ pavisitvā ekamantaṃ aṭṭhāsi. Ekamantaṃ ṭhitaṃ kho ghoṭamukhaṃ brāhmaṇaṃ āyasmā udeno etadavoca – ‘‘saṃvijjanti 4 kho, brāhmaṇa, āsanāni. Sace ākaṅkhasi, nisīdā’’ti. ‘‘Etadeva kho pana mayaṃ bhoto udenassa āgamayamānā (na) nisīdāma. Kathañhi nāma mādiso pubbe animantito āsane nisīditabbaṃ maññeyyā’’ti? Atha kho ghoṭamukho brāhmaṇo aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho ghoṭamukho brāhmaṇo āyasmantaṃ udenaṃ etadavoca – ‘‘ambho samaṇa, ‘natthi dhammiko paribbajo’ – evaṃ me ettha hoti. Tañca kho bhavantarūpānaṃ vā adassanā, yo vā panettha dhammo’’ti. ‘‘Sace kho pana me tvaṃ, brāhmaṇa, anuññeyyaṃ anujāneyyāsi, paṭikkositabbañca paṭikkoseyyāsi; yassa ca pana me bhāsitassa atthaṃ na jāneyyāsi, mamaṃyeva tattha uttari paṭipuccheyyāsi – ‘idaṃ, bho udena, kathaṃ, imassa kvattho’ti? Evaṃ katvā siyā no ettha kathāsallāpo’’ti. ‘‘Anuññeyyaṃ khvāhaṃ bhoto udenassa anujānissāmi, paṭikkositabbañca paṭikkosissāmi; yassa ca panāhaṃ bhoto udenassa bhāsitassa atthaṃ na jānissāmi, bhavantaṃyeva tattha udenaṃ uttari paṭipucchissāmi – ‘idaṃ, bho udena, kathaṃ, imassa kvattho’ti? Evaṃ katvā hotu no ettha kathāsallāpo’’ti.
413. ‘‘жад̇д̇ааромз, б̣раахман̣а, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, б̣раахман̣а, згажжо буг̇г̇ало ад̇д̇анд̇або ход̇и ад̇д̇абарид̇аабанаануяог̇амануяуд̇д̇о. ид̇ха бана, б̣раахман̣а, згажжо буг̇г̇ало баранд̇або ход̇и барабарид̇аабанаануяог̇амануяуд̇д̇о. ид̇ха бана, б̣раахман̣а, згажжо буг̇г̇ало ад̇д̇анд̇або жа ход̇и ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о. ид̇ха бана, б̣раахман̣а , згажжо буг̇г̇ало нзвад̇д̇анд̇або ход̇и наад̇д̇абарид̇аабанаануяог̇амануяуд̇д̇о, на баранд̇або на барабарид̇аабанаануяог̇амануяуд̇д̇о. со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и. имзсам̣, б̣раахман̣а, жад̇уннам̣ буг̇г̇алаанам̣ гад̇амо д̇з буг̇г̇ало жид̇д̇ам̣ аараад̇хзд̇ий’’д̇и?
413. ‘‘Cattārome, brāhmaṇa, puggalā santo saṃvijjamānā lokasmiṃ. Katame cattāro? Idha, brāhmaṇa, ekacco puggalo attantapo hoti attaparitāpanānuyogamanuyutto. Idha pana, brāhmaṇa, ekacco puggalo parantapo hoti paraparitāpanānuyogamanuyutto. Idha pana, brāhmaṇa, ekacco puggalo attantapo ca hoti attaparitāpanānuyogamanuyutto parantapo ca paraparitāpanānuyogamanuyutto. Idha pana, brāhmaṇa , ekacco puggalo nevattantapo hoti nāttaparitāpanānuyogamanuyutto, na parantapo na paraparitāpanānuyogamanuyutto. So anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati. Imesaṃ, brāhmaṇa, catunnaṃ puggalānaṃ katamo te puggalo cittaṃ ārādhetī’’ti?
‘‘явааяам̣, бхо уд̣̇зна, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о аяам̣ мз буг̇г̇ало жид̇д̇ам̣ наараад̇хзд̇и; яобааяам̣, бхо уд̣̇зна, буг̇г̇ало баранд̇або барабарид̇аабанаануяог̇амануяуд̇д̇о аяамби мз буг̇г̇ало жид̇д̇ам̣ наараад̇хзд̇и; яобааяам̣, бхо уд̣̇зна, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о аяамби мз буг̇г̇ало жид̇д̇ам̣ наараад̇хзд̇и; яо жа ко аяам̣, бхо уд̣̇зна, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и. аяамзва мз буг̇г̇ало жид̇д̇ам̣ аараад̇хзд̇ий’’д̇и.
‘‘Yvāyaṃ, bho udena, puggalo attantapo attaparitāpanānuyogamanuyutto ayaṃ me puggalo cittaṃ nārādheti; yopāyaṃ, bho udena, puggalo parantapo paraparitāpanānuyogamanuyutto ayampi me puggalo cittaṃ nārādheti; yopāyaṃ, bho udena, puggalo attantapo ca attaparitāpanānuyogamanuyutto parantapo ca paraparitāpanānuyogamanuyutto ayampi me puggalo cittaṃ nārādheti; yo ca kho ayaṃ, bho udena, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati. Ayameva me puggalo cittaṃ ārādhetī’’ti.
‘‘гасмаа бана д̇з, б̣раахман̣а, имз д̇аяо буг̇г̇алаа жид̇д̇ам̣ наараад̇хзнд̇ий’’д̇и? ‘‘явааяам̣, бхо уд̣̇зна, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о со ад̇д̇аанам̣ сукагаамам̣ д̣̇угкабадиггуулам̣ аад̇аабзд̇и барид̇аабзд̇и; иминаа мз аяам̣ буг̇г̇ало жид̇д̇ам̣ наараад̇хзд̇и. яобааяам̣ , бхо уд̣̇зна, буг̇г̇ало баранд̇або барабарид̇аабанаануяог̇амануяуд̇д̇о со барам̣ сукагаамам̣ д̣̇угкабадиггуулам̣ аад̇аабзд̇и барид̇аабзд̇и; иминаа мз аяам̣ буг̇г̇ало жид̇д̇ам̣ наараад̇хзд̇и. яобааяам̣, бхо уд̣̇зна, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о со ад̇д̇аанан̃жа баран̃жа сукагаамам̣ д̣̇угкабадиггуулам̣ аад̇аабзд̇и барид̇аабзд̇и; иминаа мз аяам̣ буг̇г̇ало жид̇д̇ам̣ наараад̇хзд̇и. яо жа ко аяам̣, бхо уд̣̇зна, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и, со ад̇д̇аанан̃жа баран̃жа сукагаамам̣ д̣̇угкабадиггуулам̣ нзва аад̇аабзд̇и на барид̇аабзд̇и; иминаа мз аяам̣ буг̇г̇ало жид̇д̇ам̣ аараад̇хзд̇ий’’д̇и.
‘‘Kasmā pana te, brāhmaṇa, ime tayo puggalā cittaṃ nārādhentī’’ti? ‘‘Yvāyaṃ, bho udena, puggalo attantapo attaparitāpanānuyogamanuyutto so attānaṃ sukhakāmaṃ dukkhapaṭikkūlaṃ ātāpeti paritāpeti; iminā me ayaṃ puggalo cittaṃ nārādheti. Yopāyaṃ , bho udena, puggalo parantapo paraparitāpanānuyogamanuyutto so paraṃ sukhakāmaṃ dukkhapaṭikkūlaṃ ātāpeti paritāpeti; iminā me ayaṃ puggalo cittaṃ nārādheti. Yopāyaṃ, bho udena, puggalo attantapo ca attaparitāpanānuyogamanuyutto parantapo ca paraparitāpanānuyogamanuyutto so attānañca parañca sukhakāmaṃ dukkhapaṭikkūlaṃ ātāpeti paritāpeti; iminā me ayaṃ puggalo cittaṃ nārādheti. Yo ca kho ayaṃ, bho udena, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati, so attānañca parañca sukhakāmaṃ dukkhapaṭikkūlaṃ neva ātāpeti na paritāpeti; iminā me ayaṃ puggalo cittaṃ ārādhetī’’ti.
414. ‘‘д̣̇взмаа, б̣раахман̣а, барисаа. гад̇амаа д̣̇вз? ид̇ха, б̣раахман̣а, згажжаа барисаа саарад̇д̇арад̇д̇аа ман̣игун̣д̣алзсу буд̇д̇абхарияам̣ бариязсад̇и, д̣̇аасид̣̇аасам̣ бариязсад̇и, кзд̇д̇авад̇т̇ум̣ бариязсад̇и, ж̇аад̇аруубараж̇ад̇ам̣ бариязсад̇и.
414. ‘‘Dvemā, brāhmaṇa, parisā. Katamā dve? Idha, brāhmaṇa, ekaccā parisā sārattarattā maṇikuṇḍalesu puttabhariyaṃ pariyesati, dāsidāsaṃ pariyesati, khettavatthuṃ pariyesati, jātarūparajataṃ pariyesati.
‘‘ид̇ха бана, б̣раахман̣а, згажжаа барисаа асаарад̇д̇арад̇д̇аа ман̣игун̣д̣алзсу буд̇д̇абхарияам̣ бахааяа, д̣̇аасид̣̇аасам̣ бахааяа, кзд̇д̇авад̇т̇ум̣ бахааяа, ж̇аад̇аруубараж̇ад̇ам̣ бахааяа, аг̇аарасмаа анаг̇аарияам̣ баб̣б̣аж̇ид̇аа. свааяам̣, б̣раахман̣а, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о. со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и. ид̇ха гад̇амам̣ д̇вам̣, б̣раахман̣а, буг̇г̇алам̣ гад̇амааяа барисааяа б̣ахулам̣ саманубассаси – яаа жааяам̣ барисаа саарад̇д̇арад̇д̇аа ман̣игун̣д̣алзсу буд̇д̇абхарияам̣ бариязсад̇и д̣̇аасид̣̇аасам̣ бариязсад̇и кзд̇д̇авад̇т̇ум̣ бариязсад̇и ж̇аад̇аруубараж̇ад̇ам̣ бариязсад̇и, яаа жааяам̣ барисаа асаарад̇д̇арад̇д̇аа ман̣игун̣д̣алзсу буд̇д̇абхарияам̣ бахааяа д̣̇аасид̣̇аасам̣ бахааяа кзд̇д̇авад̇т̇ум̣ бахааяа ж̇аад̇аруубараж̇ад̇ам̣ бахааяа аг̇аарасмаа анаг̇аарияам̣ баб̣б̣аж̇ид̇аа’’д̇и?
‘‘Idha pana, brāhmaṇa, ekaccā parisā asārattarattā maṇikuṇḍalesu puttabhariyaṃ pahāya, dāsidāsaṃ pahāya, khettavatthuṃ pahāya, jātarūparajataṃ pahāya, agārasmā anagāriyaṃ pabbajitā. Svāyaṃ, brāhmaṇa, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto. So anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati. Idha katamaṃ tvaṃ, brāhmaṇa, puggalaṃ katamāya parisāya bahulaṃ samanupassasi – yā cāyaṃ parisā sārattarattā maṇikuṇḍalesu puttabhariyaṃ pariyesati dāsidāsaṃ pariyesati khettavatthuṃ pariyesati jātarūparajataṃ pariyesati, yā cāyaṃ parisā asārattarattā maṇikuṇḍalesu puttabhariyaṃ pahāya dāsidāsaṃ pahāya khettavatthuṃ pahāya jātarūparajataṃ pahāya agārasmā anagāriyaṃ pabbajitā’’ti?
‘‘явааяам̣ , бхо уд̣̇зна, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и; имаахам̣ буг̇г̇алам̣ яааяам̣ барисаа асаарад̇д̇арад̇д̇аа ман̣игун̣д̣алзсу буд̇д̇абхарияам̣ бахааяа д̣̇аасид̣̇аасам̣ бахааяа кзд̇д̇авад̇т̇ум̣ бахааяа ж̇аад̇аруубараж̇ад̇ам̣ бахааяа аг̇аарасмаа анаг̇аарияам̣ баб̣б̣аж̇ид̇аа имиссам̣ барисааяам̣ б̣ахулам̣ саманубассаамий’’д̇и.
‘‘Yvāyaṃ , bho udena, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati; imāhaṃ puggalaṃ yāyaṃ parisā asārattarattā maṇikuṇḍalesu puttabhariyaṃ pahāya dāsidāsaṃ pahāya khettavatthuṃ pahāya jātarūparajataṃ pahāya agārasmā anagāriyaṃ pabbajitā imissaṃ parisāyaṃ bahulaṃ samanupassāmī’’ti.
‘‘ид̣̇аанзва ко бана д̇з, б̣раахман̣а, бхаасид̇ам̣ – ‘маяам̣ звам̣ ааж̇аанаама – амбхо саман̣а, над̇т̇и д̇хаммиго бариб̣б̣аж̇о, звам̣ мз зд̇т̇а ход̇и. д̇ан̃жа ко бхаванд̇аруубаанам̣ ваа ад̣̇ассанаа, яо ваа банзд̇т̇а д̇хаммо’’’д̇и. ‘‘ад̣̇д̇хаа мзсаа, бхо уд̣̇зна, саануг̇г̇ахаа ваажаа бхаасид̇аа. ‘ад̇т̇и д̇хаммиго бариб̣б̣аж̇о’ – звам̣ мз зд̇т̇а ход̇и. зван̃жа бана мам̣ бхавам̣ уд̣̇зно д̇хаарзд̇у. яз жа мз бход̇аа уд̣̇знзна жад̇д̇ааро буг̇г̇алаа сам̣кид̇д̇зна вуд̇д̇аа вид̇т̇аарзна авибхад̇д̇аа, саад̇ху мз бхавам̣, уд̣̇зно имз жад̇д̇ааро буг̇г̇алз вид̇т̇аарзна вибхаж̇ад̇у анугамбам̣ убаад̣̇ааяаа’’д̇и. ‘‘д̇зна хи, б̣раахман̣а, сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бхо’’д̇и ко гходамуко б̣раахман̣о ааяасмад̇о уд̣̇знасса бажжассоси. ааяасмаа уд̣̇зно зд̇ад̣̇авожа –
‘‘Idāneva kho pana te, brāhmaṇa, bhāsitaṃ – ‘mayaṃ evaṃ ājānāma – ambho samaṇa, natthi dhammiko paribbajo, evaṃ me ettha hoti. Tañca kho bhavantarūpānaṃ vā adassanā, yo vā panettha dhammo’’’ti. ‘‘Addhā mesā, bho udena, sānuggahā vācā bhāsitā. ‘Atthi dhammiko paribbajo’ – evaṃ me ettha hoti. Evañca pana maṃ bhavaṃ udeno dhāretu. Ye ca me bhotā udenena cattāro puggalā saṃkhittena vuttā vitthārena avibhattā, sādhu me bhavaṃ, udeno ime cattāro puggale vitthārena vibhajatu anukampaṃ upādāyā’’ti. ‘‘Tena hi, brāhmaṇa, suṇāhi, sādhukaṃ manasi karohi, bhāsissāmī’’ti. ‘‘Evaṃ, bho’’ti kho ghoṭamukho brāhmaṇo āyasmato udenassa paccassosi. Āyasmā udeno etadavoca –
415. ‘‘гад̇амо жа, б̣раахман̣а, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о? ид̇ха, б̣раахман̣а, згажжо буг̇г̇ало ажзлаго ход̇и муд̇д̇аажааро хад̇т̇аабалзкано назхибхад̣̇д̣̇анд̇иго над̇идтабхад̣̇д̣̇анд̇иго, наабхихадам̣ на уд̣̇д̣̇иссагад̇ам̣ на ниманд̇анам̣ саад̣̇ияад̇и. со на гумбхимукаа бадиг̇г̇ан̣хаад̇и, на гал̣обимукаа бадиг̇г̇ан̣хаад̇и, на зл̣агаманд̇арам̣, на д̣̇ан̣д̣аманд̇арам̣, на мусаламанд̇арам̣, на д̣̇виннам̣ бхун̃ж̇амаанаанам̣, на г̇аб̣бхинияаа, на бааяамаанааяа , на бурисанд̇араг̇ад̇ааяа, на сан̇гид̇д̇ийсу, на яад̇т̇а саа убадтид̇о ход̇и, на яад̇т̇а магкигаа сан̣д̣асан̣д̣ажаариний, на мажчам̣ на мам̣сам̣, на сурам̣ на мзраяам̣ на т̇усод̣̇агам̣ бивад̇и. со згааг̇аариго ваа ход̇и згаалобиго, д̣̇вааг̇аариго ваа ход̇и д̣̇ваалобиго…бз… сад̇д̇ааг̇аариго ваа ход̇и сад̇д̇аалобиго; згиссааби д̣̇ад̇д̇ияаа яаабзд̇и, д̣̇вийхиби д̣̇ад̇д̇ийхи яаабзд̇и…бз… сад̇д̇ахиби д̣̇ад̇д̇ийхи яаабзд̇и; згаахигамби аахаарам̣ аахаарзд̇и, д̣̇вийхигамби аахаарам̣ аахаарзд̇и…бз… сад̇д̇аахигамби аахаарам̣ аахаарзд̇и – ид̇и зваруубам̣ ад̣̇д̇хамаасигам̣ барияааяабхад̇д̇абхож̇анаануяог̇амануяуд̇д̇о вихарад̇и. со саагабхагко ваа ход̇и, саамаагабхагко ваа ход̇и, нийваарабхагко ваа ход̇и, д̣̇ад̣̇д̣̇улабхагко ваа ход̇и , хадабхагко ваа ход̇и, ган̣абхагко ваа ход̇и, аажаамабхагко ваа ход̇и, бин̃н̃аагабхагко ваа ход̇и, д̇ин̣абхагко ваа ход̇и, г̇омаяабхагко ваа ход̇и, ванамуулапалаахааро яаабзд̇и бавад̇д̇апалабхож̇ий. со саан̣ааниби д̇хаарзд̇и, масаан̣ааниби д̇хаарзд̇и, чавад̣̇уссааниби д̇хаарзд̇и, бам̣сугуулааниби д̇хаарзд̇и, д̇ирийдааниби д̇хаарзд̇и, аж̇инамби д̇хаарзд̇и, аж̇инагкибамби д̇хаарзд̇и, гусажийрамби д̇хаарзд̇и, ваагажийрамби д̇хаарзд̇и, палагажийрамби д̇хаарзд̇и, гзсагамб̣аламби д̇хаарзд̇и, ваал̣агамб̣аламби д̇хаарзд̇и, улуугабагкамби д̇хаарзд̇и; гзсамассуложагоби ход̇и гзсамассуложанаануяог̇амануяуд̇д̇о , уб̣бхадтагоби ход̇и аасанабадигкид̇д̇о, уггудигоби ход̇и уггудигаббад̇хаанамануяуд̇д̇о, ган̣дагаабассаяигоби ход̇и ган̣дагаабассаяз сзяяам̣ габбзд̇и; сааяад̇ад̇ияагамби уд̣̇агороханаануяог̇амануяуд̇д̇о вихарад̇и – ид̇и зваруубам̣ анзгавихид̇ам̣ гааяасса аад̇аабанабарид̇аабанаануяог̇амануяуд̇д̇о вихарад̇и. аяам̣ вужжад̇и, б̣раахман̣а, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о.
415. ‘‘Katamo ca, brāhmaṇa, puggalo attantapo attaparitāpanānuyogamanuyutto? Idha, brāhmaṇa, ekacco puggalo acelako hoti muttācāro hatthāpalekhano naehibhaddantiko natiṭṭhabhaddantiko, nābhihaṭaṃ na uddissakataṃ na nimantanaṃ sādiyati. So na kumbhimukhā paṭiggaṇhāti, na kaḷopimukhā paṭiggaṇhāti, na eḷakamantaraṃ, na daṇḍamantaraṃ, na musalamantaraṃ, na dvinnaṃ bhuñjamānānaṃ, na gabbhiniyā, na pāyamānāya , na purisantaragatāya, na saṅkittīsu, na yattha sā upaṭṭhito hoti, na yattha makkhikā saṇḍasaṇḍacārinī, na macchaṃ na maṃsaṃ, na suraṃ na merayaṃ na thusodakaṃ pivati. So ekāgāriko vā hoti ekālopiko, dvāgāriko vā hoti dvālopiko…pe… sattāgāriko vā hoti sattālopiko; ekissāpi dattiyā yāpeti, dvīhipi dattīhi yāpeti…pe… sattahipi dattīhi yāpeti; ekāhikampi āhāraṃ āhāreti, dvīhikampi āhāraṃ āhāreti…pe… sattāhikampi āhāraṃ āhāreti – iti evarūpaṃ addhamāsikaṃ pariyāyabhattabhojanānuyogamanuyutto viharati. So sākabhakkho vā hoti, sāmākabhakkho vā hoti, nīvārabhakkho vā hoti, daddulabhakkho vā hoti , haṭabhakkho vā hoti, kaṇabhakkho vā hoti, ācāmabhakkho vā hoti, piññākabhakkho vā hoti, tiṇabhakkho vā hoti, gomayabhakkho vā hoti, vanamūlaphalāhāro yāpeti pavattaphalabhojī. So sāṇānipi dhāreti, masāṇānipi dhāreti, chavadussānipi dhāreti, paṃsukūlānipi dhāreti, tirīṭānipi dhāreti, ajinampi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, vāḷakambalampi dhāreti, ulūkapakkhampi dhāreti; kesamassulocakopi hoti kesamassulocanānuyogamanuyutto , ubbhaṭṭhakopi hoti āsanapaṭikkhitto, ukkuṭikopi hoti ukkuṭikappadhānamanuyutto, kaṇṭakāpassayikopi hoti kaṇṭakāpassaye seyyaṃ kappeti; sāyatatiyakampi udakorohanānuyogamanuyutto viharati – iti evarūpaṃ anekavihitaṃ kāyassa ātāpanaparitāpanānuyogamanuyutto viharati. Ayaṃ vuccati, brāhmaṇa, puggalo attantapo attaparitāpanānuyogamanuyutto.
416. ‘‘гад̇амо жа, б̣раахман̣а, буг̇г̇ало баранд̇або барабарид̇аабанаануяог̇амануяуд̇д̇о? ид̇ха, б̣раахман̣а, згажжо буг̇г̇ало ораб̣бхиго ход̇и суугариго саагун̣иго мааг̇авиго луд̣̇д̣̇о мажчагхаад̇аго жоро жорагхаад̇аго г̇огхаад̇аго б̣анд̇ханааг̇аариго – яз ваа банан̃н̃зби гзжи гуруурагамманд̇аа. аяам̣ вужжад̇и, б̣раахман̣а, буг̇г̇ало баранд̇або барабарид̇аабанаануяог̇амануяуд̇д̇о.
416. ‘‘Katamo ca, brāhmaṇa, puggalo parantapo paraparitāpanānuyogamanuyutto? Idha, brāhmaṇa, ekacco puggalo orabbhiko hoti sūkariko sākuṇiko māgaviko luddo macchaghātako coro coraghātako goghātako bandhanāgāriko – ye vā panaññepi keci kurūrakammantā. Ayaṃ vuccati, brāhmaṇa, puggalo parantapo paraparitāpanānuyogamanuyutto.
417. ‘‘гад̇амо жа, б̣раахман̣а, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о, баранд̇або жа барабарид̇аабанаануяог̇амануяуд̇д̇о? ид̇ха, б̣раахман̣а, згажжо буг̇г̇ало рааж̇аа ваа ход̇и кад̇д̇ияо муд̣̇д̇хаавасид̇д̇о, б̣раахман̣о ваа махаасаало. со бурад̇т̇имзна наг̇арасса навам̣ сант̇ааг̇аарам̣ гаараабзд̇ваа гзсамассум̣ охаарзд̇ваа карааж̇инам̣ ниваасзд̇ваа саббид̇злзна гааяам̣ аб̣бхан̃ж̇ид̇ваа маг̇ависаан̣зна бидтим̣ ган̣д̣увамаано навам̣ сант̇ааг̇аарам̣ бависад̇и сад̣̇д̇хим̣ махзсияаа б̣раахман̣зна жа бурохид̇зна. со д̇ад̇т̇а ананд̇арахид̇ааяа бхуумияаа харид̇убалид̇д̇ааяа сзяяам̣ габбзд̇и. згиссааяа г̇аавияаа саруубаважчааяа яам̣ згасмим̣ т̇анз кийрам̣ ход̇и д̇зна рааж̇аа яаабзд̇и, яам̣ д̣̇уд̇ияасмим̣ т̇анз кийрам̣ ход̇и д̇зна махзсий яаабзд̇и, яам̣ д̇ад̇ияасмим̣ т̇анз кийрам̣ ход̇и д̇зна б̣раахман̣о бурохид̇о яаабзд̇и, яам̣ жад̇уд̇т̇асмим̣ т̇анз кийрам̣ ход̇и д̇зна аг̇г̇им̣ ж̇ухад̇и, авасзсзна важчаго яаабзд̇и. со звамааха – ‘зд̇д̇агаа усабхаа хан̃н̃анд̇у яан̃н̃ад̇т̇ааяа, зд̇д̇агаа важчад̇араа хан̃н̃анд̇у яан̃н̃ад̇т̇ааяа, зд̇д̇агаа важчад̇арияо хан̃н̃анд̇у яан̃н̃ад̇т̇ааяа, зд̇д̇агаа аж̇аа хан̃н̃анд̇у яан̃н̃ад̇т̇ааяа’, зд̇д̇агаа ураб̣бхаа хан̃н̃анд̇у яан̃н̃ад̇т̇ааяа, зд̇д̇агаа ассаа хан̃н̃анд̇у яан̃н̃ад̇т̇ааяа, зд̇д̇агаа ругкаа чиж̇ж̇анд̇у яуубад̇т̇ааяа, зд̇д̇агаа д̣̇аб̣бхаа лууяанд̇у б̣арихисад̇т̇ааяаа’д̇и. язбисса д̇з хонд̇и ‘д̣̇аасаа’д̇и ваа ‘бзссаа’д̇и ваа ‘гаммагараа’д̇и ваа д̇зби д̣̇ан̣д̣ад̇аж̇ж̇ид̇аа бхаяад̇аж̇ж̇ид̇аа ассумукаа руд̣̇амаанаа баригаммаани гаронд̇и. аяам̣ вужжад̇и, б̣раахман̣а, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о , баранд̇або жа барабарид̇аабанаануяог̇амануяуд̇д̇о.
417. ‘‘Katamo ca, brāhmaṇa, puggalo attantapo ca attaparitāpanānuyogamanuyutto, parantapo ca paraparitāpanānuyogamanuyutto? Idha, brāhmaṇa, ekacco puggalo rājā vā hoti khattiyo muddhāvasitto, brāhmaṇo vā mahāsālo. So puratthimena nagarassa navaṃ santhāgāraṃ kārāpetvā kesamassuṃ ohāretvā kharājinaṃ nivāsetvā sappitelena kāyaṃ abbhañjitvā magavisāṇena piṭṭhiṃ kaṇḍuvamāno navaṃ santhāgāraṃ pavisati saddhiṃ mahesiyā brāhmaṇena ca purohitena. So tattha anantarahitāya bhūmiyā haritupalittāya seyyaṃ kappeti. Ekissāya gāviyā sarūpavacchāya yaṃ ekasmiṃ thane khīraṃ hoti tena rājā yāpeti, yaṃ dutiyasmiṃ thane khīraṃ hoti tena mahesī yāpeti, yaṃ tatiyasmiṃ thane khīraṃ hoti tena brāhmaṇo purohito yāpeti, yaṃ catutthasmiṃ thane khīraṃ hoti tena aggiṃ juhati, avasesena vacchako yāpeti. So evamāha – ‘ettakā usabhā haññantu yaññatthāya, ettakā vacchatarā haññantu yaññatthāya, ettakā vacchatariyo haññantu yaññatthāya, ettakā ajā haññantu yaññatthāya’, ettakā urabbhā haññantu yaññatthāya, ettakā assā haññantu yaññatthāya, ettakā rukkhā chijjantu yūpatthāya, ettakā dabbhā lūyantu barihisatthāyā’ti. Yepissa te honti ‘dāsā’ti vā ‘pessā’ti vā ‘kammakarā’ti vā tepi daṇḍatajjitā bhayatajjitā assumukhā rudamānā parikammāni karonti. Ayaṃ vuccati, brāhmaṇa, puggalo attantapo ca attaparitāpanānuyogamanuyutto , parantapo ca paraparitāpanānuyogamanuyutto.
418. ‘‘гад̇амо жа, б̣раахман̣а, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о, на баранд̇або на барабарид̇аабанаануяог̇амануяуд̇д̇о; со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и? ид̇ха, б̣раахман̣а, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇обат̇о аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа, аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.
418. ‘‘Katamo ca, brāhmaṇa, puggalo nevattantapo nāttaparitāpanānuyogamanuyutto, na parantapo na paraparitāpanānuyogamanuyutto; so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati? Idha, brāhmaṇa, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajopatho abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya, appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий. ат̇знзна сужибхууд̇зна ад̇д̇анаа вихарад̇и.
‘‘Adinnādānaṃ pahāya adinnādānā paṭivirato hoti dinnādāyī dinnapāṭikaṅkhī. Athenena sucibhūtena attanā viharati.
‘‘аб̣рахмажарияам̣ бахааяа б̣рахмажаарий ход̇и аараажаарий вирад̇о мзт̇унаа г̇аамад̇хаммаа.
‘‘Abrahmacariyaṃ pahāya brahmacārī hoti ārācārī virato methunā gāmadhammā.
‘‘мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса.
‘‘Musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa.
‘‘бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и; ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа, самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и.
‘‘Pisuṇaṃ vācaṃ pahāya pisuṇāya vācāya paṭivirato hoti; ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya. Iti bhinnānaṃ vā sandhātā sahitānaṃ vā anuppadātā, samaggārāmo samaggarato samagganandī samaggakaraṇiṃ vācaṃ bhāsitā hoti.
‘‘парусам̣ ваажам̣ бахааяа парусааяа ваажааяа бадивирад̇о ход̇и. яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и.
‘‘Pharusaṃ vācaṃ pahāya pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti.
‘‘сампаббалаабам̣ бахааяа сампаббалаабаа бадивирад̇о ход̇и, гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘Samphappalāpaṃ pahāya samphappalāpā paṭivirato hoti, kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā kālena sāpadesaṃ pariyantavatiṃ atthasaṃhitaṃ.
‘‘со б̣ийж̇аг̇аамабхууд̇аг̇аамасамаарамбхаа бадивирад̇о ход̇и . згабхад̇д̇иго ход̇и рад̇д̇уубарад̇о вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и. маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и. ужжаасаяанамахаасаяанаа бадивирад̇о ход̇и. ж̇аад̇аруубараж̇ад̇абадиг̇г̇ахан̣аа бадивирад̇о ход̇и. аамагад̇хан̃н̃абадиг̇г̇ахан̣аа бадивирад̇о ход̇и. аамагамам̣сабадиг̇г̇ахан̣аа бадивирад̇о ход̇и. ид̇т̇игумааригабадиг̇г̇ахан̣аа бадивирад̇о ход̇и. д̣̇аасид̣̇аасабадиг̇г̇ахан̣аа бадивирад̇о ход̇и. аж̇зл̣агабадиг̇г̇ахан̣аа бадивирад̇о ход̇и. гуггудасуугарабадиг̇г̇ахан̣аа бадивирад̇о ход̇и. хад̇т̇иг̇авассавал̣авабадиг̇г̇ахан̣аа бадивирад̇о ход̇и. кзд̇д̇авад̇т̇убадиг̇г̇ахан̣аа бадивирад̇о ход̇и. д̣̇ууд̇зяяабахин̣аг̇аманаануяог̇аа бадивирад̇о ход̇и. гаяавиггаяаа бадивирад̇о ход̇и. д̇улаагуудагам̣сагуудамаанагуудаа бадивирад̇о ход̇и. уггоданаван̃жананигад̇исаажияог̇аа бадивирад̇о ход̇и. чзд̣̇анавад̇хаб̣анд̇ханавибараамосааалобасахасаагаараа бадивирад̇о ход̇и.
‘‘So bījagāmabhūtagāmasamārambhā paṭivirato hoti . Ekabhattiko hoti rattūparato virato vikālabhojanā. Naccagītavāditavisūkadassanā paṭivirato hoti. Mālāgandhavilepanadhāraṇamaṇḍanavibhūsanaṭṭhānā paṭivirato hoti. Uccāsayanamahāsayanā paṭivirato hoti. Jātarūparajatapaṭiggahaṇā paṭivirato hoti. Āmakadhaññapaṭiggahaṇā paṭivirato hoti. Āmakamaṃsapaṭiggahaṇā paṭivirato hoti. Itthikumārikapaṭiggahaṇā paṭivirato hoti. Dāsidāsapaṭiggahaṇā paṭivirato hoti. Ajeḷakapaṭiggahaṇā paṭivirato hoti. Kukkuṭasūkarapaṭiggahaṇā paṭivirato hoti. Hatthigavassavaḷavapaṭiggahaṇā paṭivirato hoti. Khettavatthupaṭiggahaṇā paṭivirato hoti. Dūteyyapahiṇagamanānuyogā paṭivirato hoti. Kayavikkayā paṭivirato hoti. Tulākūṭakaṃsakūṭamānakūṭā paṭivirato hoti. Ukkoṭanavañcananikatisāciyogā paṭivirato hoti. Chedanavadhabandhanaviparāmosaālopasahasākārā paṭivirato hoti.
‘‘со санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и, звамзва бхигку санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и.
‘‘So santuṭṭho hoti kāyaparihārikena cīvarena, kucchiparihārikena piṇḍapātena. So yena yeneva pakkamati samādāyeva pakkamati. Seyyathāpi nāma pakkhī sakuṇo yena yeneva ḍeti sapattabhārova ḍeti, evameva bhikkhu santuṭṭho hoti kāyaparihārikena cīvarena, kucchiparihārikena piṇḍapātena. So yena yeneva pakkamati samādāyeva pakkamati. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
419. ‘‘со жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяана на нимид̇д̇аг̇г̇аахий ход̇и наануб̣яан̃ж̇анаг̇г̇аахий . яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и.
419. ‘‘So cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāyana na nimittaggāhī hoti nānubyañjanaggāhī . Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti.
‘‘со абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и.
‘‘So abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
‘‘со иминаа жа ариязна сийлагканд̇хзна саманнааг̇ад̇о, (имааяа жа арияааяа санд̇удтияаа саманнааг̇ад̇о,) 5 иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и; б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и; т̇инамид̣̇д̇хам̣ бахааяа виг̇ад̇ат̇ийнамид̣̇д̇хо вихарад̇и аалогасан̃н̃ий сад̇о самбаж̇аано, т̇ийнамид̣̇д̇хаа жид̇д̇ам̣ барисод̇хзд̇и; уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и; вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
‘‘So iminā ca ariyena sīlakkhandhena samannāgato, (imāya ca ariyāya santuṭṭhiyā samannāgato,) 6 iminā ca ariyena indriyasaṃvarena samannāgato, iminā ca ariyena satisampajaññena samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; byāpādapadosaṃ pahāya abyāpannacitto viharati sabbapāṇabhūtahitānukampī, byāpādapadosā cittaṃ parisodheti; thinamiddhaṃ pahāya vigatathīnamiddho viharati ālokasaññī sato sampajāno, thīnamiddhā cittaṃ parisodheti; uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и , яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и.
‘‘So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti , yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati.
420. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о; со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о; со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
420. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi, anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto; so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto; so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа…бз… арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа , д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа…бз… арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti – ‘ime vata bhonto sattā kāyaduccaritena samannāgatā…pe… ariyānaṃ upavādakā micchādiṭṭhikā micchādiṭṭhikammasamādānā , te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā…pe… ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; ‘ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
‘‘аяам̣ вужжад̇и, б̣раахман̣а, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о, на баранд̇або на барабарид̇аабанаануяог̇амануяуд̇д̇о. со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇ий’’д̇и.
‘‘Ayaṃ vuccati, brāhmaṇa, puggalo nevattantapo nāttaparitāpanānuyogamanuyutto, na parantapo na paraparitāpanānuyogamanuyutto. So anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharatī’’ti.
421. звам̣ вуд̇д̇з, гходамуко б̣раахман̣о ааяасманд̇ам̣ уд̣̇знам̣ зд̇ад̣̇авожа – ‘‘абхигганд̇ам̣, бхо уд̣̇зна, абхигганд̇ам̣, бхо уд̣̇зна! сзяяат̇ааби, бхо уд̣̇зна, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзвам̣ бход̇аа уд̣̇знзна анзгабарияааязна д̇хаммо багаасид̇о. зсаахам̣ бхаванд̇ам̣ уд̣̇знам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ уд̣̇зно д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. ‘‘маа ко мам̣ д̇вам̣, б̣раахман̣а, саран̣ам̣ аг̇амааси. д̇амзва бхаг̇аванд̇ам̣ саран̣ам̣ г̇ажчаахи яамахам̣ саран̣ам̣ г̇ад̇о’’д̇и. ‘‘гахам̣ бана, бхо уд̣̇зна, зд̇арахи со бхавам̣ г̇од̇амо вихарад̇и арахам̣ саммаасамб̣уд̣̇д̇хо’’д̇и? ‘‘бариниб̣б̣уд̇о ко, б̣раахман̣а, зд̇арахи со бхаг̇аваа арахам̣ саммаасамб̣уд̣̇д̇хо’’д̇и.
421. Evaṃ vutte, ghoṭamukho brāhmaṇo āyasmantaṃ udenaṃ etadavoca – ‘‘abhikkantaṃ, bho udena, abhikkantaṃ, bho udena! Seyyathāpi, bho udena, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evamevaṃ bhotā udenena anekapariyāyena dhammo pakāsito. Esāhaṃ bhavantaṃ udenaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ udeno dhāretu ajjatagge pāṇupetaṃ saraṇaṃ gata’’nti. ‘‘Mā kho maṃ tvaṃ, brāhmaṇa, saraṇaṃ agamāsi. Tameva bhagavantaṃ saraṇaṃ gacchāhi yamahaṃ saraṇaṃ gato’’ti. ‘‘Kahaṃ pana, bho udena, etarahi so bhavaṃ gotamo viharati arahaṃ sammāsambuddho’’ti? ‘‘Parinibbuto kho, brāhmaṇa, etarahi so bhagavā arahaṃ sammāsambuddho’’ti.
‘‘сажзби 7 маяам̣, бхо уд̣̇зна, сун̣зяяаама д̇ам̣ бхаванд̇ам̣ г̇од̇амам̣ д̣̇асасу яож̇анзсу, д̣̇асаби маяам̣ яож̇анаани г̇ажчзяяаама д̇ам̣ бхаванд̇ам̣ г̇од̇амам̣ д̣̇ассанааяа араханд̇ам̣ саммаасамб̣уд̣̇д̇хам̣. сажзби 8 маяам̣, бхо уд̣̇зна, сун̣зяяаама д̇ам̣ бхаванд̇ам̣ г̇од̇амам̣ вийсад̇ияаа яож̇анзсу… д̇им̣сааяа яож̇анзсу… жад̇д̇аарийсааяа яож̇анзсу… бан̃н̃аасааяа яож̇анзсу, бан̃н̃аасамби маяам̣ яож̇анаани г̇ажчзяяаама д̇ам̣ бхаванд̇ам̣ г̇од̇амам̣ д̣̇ассанааяа араханд̇ам̣ саммаасамб̣уд̣̇д̇хам̣. яож̇анасад̇з жзби 9 маяам̣ , бхо уд̣̇зна, сун̣зяяаама д̇ам̣ бхаванд̇ам̣ г̇од̇амам̣, яож̇анасад̇амби маяам̣ г̇ажчзяяаама д̇ам̣ бхаванд̇ам̣ г̇од̇амам̣ д̣̇ассанааяа араханд̇ам̣ саммаасамб̣уд̣̇д̇хам̣.
‘‘Sacepi 10 mayaṃ, bho udena, suṇeyyāma taṃ bhavantaṃ gotamaṃ dasasu yojanesu, dasapi mayaṃ yojanāni gaccheyyāma taṃ bhavantaṃ gotamaṃ dassanāya arahantaṃ sammāsambuddhaṃ. Sacepi 11 mayaṃ, bho udena, suṇeyyāma taṃ bhavantaṃ gotamaṃ vīsatiyā yojanesu… tiṃsāya yojanesu… cattārīsāya yojanesu… paññāsāya yojanesu, paññāsampi mayaṃ yojanāni gaccheyyāma taṃ bhavantaṃ gotamaṃ dassanāya arahantaṃ sammāsambuddhaṃ. Yojanasate cepi 12 mayaṃ , bho udena, suṇeyyāma taṃ bhavantaṃ gotamaṃ, yojanasatampi mayaṃ gaccheyyāma taṃ bhavantaṃ gotamaṃ dassanāya arahantaṃ sammāsambuddhaṃ.
‘‘яад̇о жа ко, бхо уд̣̇зна, бариниб̣б̣уд̇о со бхавам̣ г̇од̇амо, бариниб̣б̣уд̇амби маяам̣ д̇ам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагам̣ мам̣ бхавам̣ уд̣̇зно д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. ад̇т̇и жа мз, бхо уд̣̇зна, ан̇г̇арааж̇аа д̣̇звасигам̣ нижжабхигкам̣ д̣̇ад̣̇аад̇и , д̇ад̇о ахам̣ бход̇о уд̣̇знасса згам̣ нижжабхигкам̣ д̣̇ад̣̇аамий’’д̇и. ‘‘гим̣ бана д̇з, б̣раахман̣а, ан̇г̇арааж̇аа д̣̇звасигам̣ нижжабхигкам̣ д̣̇ад̣̇аад̇ий’’д̇и? ‘‘бан̃жа, бхо уд̣̇зна, гахаабан̣асад̇ааний’’д̇и. ‘‘на ко но, б̣раахман̣а, габбад̇и ж̇аад̇аруубараж̇ад̇ам̣ бадиг̇г̇ахзд̇у’’нд̇и. ‘‘сажз д̇ам̣ бход̇о уд̣̇знасса на габбад̇и вихаарам̣ бход̇о уд̣̇знасса гаараабзссаамий’’д̇и. ‘‘сажз ко мз д̇вам̣, б̣раахман̣а, вихаарам̣, гаараабзд̇угаамо, баадалибуд̇д̇з сан̇гхасса убадтаанасаалам̣ гаараабзхий’’д̇и. ‘‘иминаабаахам̣ бход̇о уд̣̇знасса бхияяосомад̇д̇ааяа ад̇д̇амано абхирад̣̇д̇хо яам̣ мам̣ бхавам̣ уд̣̇зно сан̇гхз д̣̇аанз самаад̣̇абзд̇и. зсаахам̣, бхо уд̣̇зна, зд̇иссаа жа нижжабхигкааяа абарааяа жа нижжабхигкааяа баадалибуд̇д̇з сан̇гхасса убадтаанасаалам̣ гаараабзссаамий’’д̇и. ат̇а ко гходамуко б̣раахман̣о зд̇иссаа жа нижжабхигкааяа абарааяа жа нижжабхигкааяа баадалибуд̇д̇з сан̇гхасса убадтаанасаалам̣ гаараабзси. саа зд̇арахи ‘гходамукий’д̇и вужжад̇ийд̇и.
‘‘Yato ca kho, bho udena, parinibbuto so bhavaṃ gotamo, parinibbutampi mayaṃ taṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsakaṃ maṃ bhavaṃ udeno dhāretu ajjatagge pāṇupetaṃ saraṇaṃ gataṃ. Atthi ca me, bho udena, aṅgarājā devasikaṃ niccabhikkhaṃ dadāti , tato ahaṃ bhoto udenassa ekaṃ niccabhikkhaṃ dadāmī’’ti. ‘‘Kiṃ pana te, brāhmaṇa, aṅgarājā devasikaṃ niccabhikkhaṃ dadātī’’ti? ‘‘Pañca, bho udena, kahāpaṇasatānī’’ti. ‘‘Na kho no, brāhmaṇa, kappati jātarūparajataṃ paṭiggahetu’’nti. ‘‘Sace taṃ bhoto udenassa na kappati vihāraṃ bhoto udenassa kārāpessāmī’’ti. ‘‘Sace kho me tvaṃ, brāhmaṇa, vihāraṃ, kārāpetukāmo, pāṭaliputte saṅghassa upaṭṭhānasālaṃ kārāpehī’’ti. ‘‘Imināpāhaṃ bhoto udenassa bhiyyosomattāya attamano abhiraddho yaṃ maṃ bhavaṃ udeno saṅghe dāne samādapeti. Esāhaṃ, bho udena, etissā ca niccabhikkhāya aparāya ca niccabhikkhāya pāṭaliputte saṅghassa upaṭṭhānasālaṃ kārāpessāmī’’ti. Atha kho ghoṭamukho brāhmaṇo etissā ca niccabhikkhāya aparāya ca niccabhikkhāya pāṭaliputte saṅghassa upaṭṭhānasālaṃ kārāpesi. Sā etarahi ‘ghoṭamukhī’ti vuccatīti.
гходамукасуд̇д̇ам̣ нидтид̇ам̣ жад̇уд̇т̇ам̣.
Ghoṭamukhasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. гходамукасуд̇д̇аван̣н̣анаа • 4. Ghoṭamukhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. гходамукасуд̇д̇аван̣н̣анаа • 4. Ghoṭamukhasuttavaṇṇanā
