| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੪. ਘੋਟਮੁਖਸੁਤ੍ਤવਣ੍ਣਨਾ
4. Ghoṭamukhasuttavaṇṇanā
੪੧੨. ਖੇਮਿਯਾ ਨਾਮ ਰਞ੍ਞੋ ਦੇવਿਯਾ ਰੋਪਿਤਤ੍ਤਾ ਤਂ ਅਮ੍ਬવਨਂ ਖੇਮਿਯਮ੍ਬવਨਨ੍ਤਿ વੁਚ੍ਚਤੀਤਿ વਦਨ੍ਤਿ। ਧਮ੍ਮਿਕੋਤਿ ਧਮ੍ਮਯੁਤ੍ਤੋ ਸਬ੍ਬਸੋવ ਅਧਮ੍ਮਂ ਪਹਾਯ ਧਮ੍ਮੇ ਠਿਤੋ। ਪਰਿਬ੍ਬਜਤਿ ਪਬ੍ਬਜਤਿ ਏਤੇਨਾਤਿ ਪਰਿਬ੍ਬਜੋ, ਘਰਾવਾਸਤੋ ਨਿਕ੍ਖਮਨਪੁਬ੍ਬਕਂ ਲਿਙ੍ਗਗ੍ਗਹਣવਸੇਨ ਸੀਲਸਮਾਦਾਨਂ। ਏਤ੍ਥਾਤਿ ਏਤਸ੍ਮਿਂ ਪਰਿਬ੍ਬਜੇ। ਸਭਾવੋਤਿ ਤਂ ਪਰਿਬ੍ਬਾਜਨਿਯਂ, ਤੇਹਿ ਤੇਹਿ ਪਰਿਬ੍ਬਾਜਕੇਹਿ ਅਨੁਟ੍ਠਾਤਬ੍ਬੋ ਪਟਿਪਤ੍ਤਿਧਮ੍ਮਸਙ੍ਖਾਤੋ ਸਭਾવੋ। ਧਮ੍ਮੋવ ਪਮਾਣਨ੍ਤਿ ਏਤੇਨ ਮਯਂ ਅਹਿਰਿਮਨਾ ਚਿਤ੍ਤਸ੍ਸ ਯਥਾਉਪਟ੍ਠਿਤਂ ਕਥੇਮ, ਤਸ੍ਮਾ ਤਂ ਅਪ੍ਪਮਾਣਂ, ਯੋ ਪਨੇਤ੍ਥ ਅવਿਤਥੋ ਧਮ੍ਮੋ, ਤਦੇવ ਪਮਾਣਂ। ਅਧਿਗਤਪਟਿਪਤ੍ਤਿਸਙ੍ਖਾਤੋ ਸਭਾવੋ ਅਤ੍ਥਿ, ਤਸ੍ਸ ਤੁਮ੍ਹੇਹਿ ਤੁਮ੍ਹੇਹਿ ਬਹੁਨਾ ਨਾਨਾਸਨ੍ਦਸ੍ਸਨਾਦਿ ਕਮ੍ਮੇਨ ਇਧ ਭવਿਤਬ੍ਬਂ, ਬਹੁਦੇવੇਤ੍ਥ વਤ੍ਤਬ੍ਬਨ੍ਤਿ ਅਧਿਪ੍ਪਾਯੋ।
412. Khemiyā nāma rañño deviyā ropitattā taṃ ambavanaṃ khemiyambavananti vuccatīti vadanti. Dhammikoti dhammayutto sabbasova adhammaṃ pahāya dhamme ṭhito. Paribbajati pabbajati etenāti paribbajo, gharāvāsato nikkhamanapubbakaṃ liṅgaggahaṇavasena sīlasamādānaṃ. Etthāti etasmiṃ paribbaje. Sabhāvoti taṃ paribbājaniyaṃ, tehi tehi paribbājakehi anuṭṭhātabbo paṭipattidhammasaṅkhāto sabhāvo. Dhammova pamāṇanti etena mayaṃ ahirimanā cittassa yathāupaṭṭhitaṃ kathema, tasmā taṃ appamāṇaṃ, yo panettha avitatho dhammo, tadeva pamāṇaṃ. Adhigatapaṭipattisaṅkhāto sabhāvo atthi, tassa tumhehi tumhehi bahunā nānāsandassanādi kammena idha bhavitabbaṃ, bahudevettha vattabbanti adhippāyo.
੪੧੪. ਸਾਰਤ੍ਤਰਤ੍ਤਾਤਿ ਸਾਰਜ੍ਜਨવਸੇਨ ਰਤ੍ਤਾ, ਬਹੁਲਰਾਗવਸੇਨ ਅਭਿਰਤ੍ਤਾਤਿ ਅਤ੍ਥੋ। ਅਤ੍ਤਨਾ ਞਾਪੇਤਬ੍ਬਮਤ੍ਥਂ ਅਨੁਗ੍ਗਹਾਪੇਤਿ ਬੋਧੇਤੀਤਿ ਅਨੁਗ੍ਗਹੋ, ਞਾਪਿਤਕਾਰਣਂ, ਸਹ ਅਨੁਗ੍ਗਹੇਨਾਤਿ ਸਾਨੁਗ੍ਗਹਾ। ਤੇਨਾਹ ‘‘ਸਕਾਰਣਾ’’ਤਿ। ਕਿਂ ਪਨ ਤਂ ਕਾਰਣਂ? ਇਮਸ੍ਸਾਧਿਪ੍ਪਾਯੋ ‘‘ਨਤ੍ਥਿ ਧਮ੍ਮਿਕੋ ਪਰਿਬ੍ਬਜੋ’’ਤਿ ਮਯਾ વੁਤ੍ਤੋ, ਅਦ੍ਧਾ ਪਨਾਯਸ੍ਮਾ ਉਦੇਨੋ ਯਾਥਾવਤੋ ਧਮ੍ਮਿਕਂ ਪਰਿਬ੍ਬਜਂ ਮੇ ਆਚਿਕ੍ਖਤੀਤਿ। ਤੇਨਾਹ ‘‘વੁਤ੍ਤਞ੍ਹੇਤ’’ਨ੍ਤਿਆਦਿ।
414.Sārattarattāti sārajjanavasena rattā, bahularāgavasena abhirattāti attho. Attanā ñāpetabbamatthaṃ anuggahāpeti bodhetīti anuggaho, ñāpitakāraṇaṃ, saha anuggahenāti sānuggahā. Tenāha ‘‘sakāraṇā’’ti. Kiṃ pana taṃ kāraṇaṃ? Imassādhippāyo ‘‘natthi dhammiko paribbajo’’ti mayā vutto, addhā panāyasmā udeno yāthāvato dhammikaṃ paribbajaṃ me ācikkhatīti. Tenāha ‘‘vuttañheta’’ntiādi.
੪੨੧. ਸਬ੍ਬਮਿਦਂ ਥਾવਰਜਙ੍ਗਮਂ ਪੁਰਿਸਕਤਂ, ਤਸ੍ਮਾ ਯਂ ਕਿਞ੍ਚਿ ਕਤ੍વਾ ਅਤ੍ਤਾ ਪੋਸੇਤਬ੍ਬੋ ਰਕ੍ਖਿਤਬ੍ਬੋਤਿ ਲੋਕਾਯਤਨਿਸ੍ਸਿਤੋ ਨੀਤਿਮਗ੍ਗੋ ਘੋਟਮੁਖਕਨ੍ਤੋ, ਤਸ੍ਮਾ ਆਹ ‘‘ਏਤਸ੍ਸ ਕਿਰ ਜਾਨਨਸਿਪ੍ਪੇ’’ਤਿਆਦਿ। ਸਗ੍ਗੇ ਨਿਬ੍ਬਤ੍ਤੋ ਨਾਮ ਨਤ੍ਥਿ ਅਕਤ੍ਤਬ੍ਬਮੇવ ਕਰਣਤੋ। ਦੇવਲੋਕਪਰਿਯਾਪਨ੍ਨਧਨਂ ਮਨੁਸ੍ਸਾਨਂ ਉਪਕਪ੍ਪਪੁਞ੍ਞਾਭਾવਤੋ ਪੁਬ੍ਬੇ ਅਤ੍ਤਨਾ ਨਿਹਿਤਧਨਂ ‘‘ਅਸੁਕੇ ਚਾ’’ਤਿ ਆਚਿਕ੍ਖਿਤ੍વਾ ਗਤੋ। ਸੇਸਂ ਸੁવਿਞ੍ਞੇਯ੍ਯਮੇવ।
421. Sabbamidaṃ thāvarajaṅgamaṃ purisakataṃ, tasmā yaṃ kiñci katvā attā posetabbo rakkhitabboti lokāyatanissito nītimaggo ghoṭamukhakanto, tasmā āha ‘‘etassa kira jānanasippe’’tiādi. Saggenibbatto nāma natthi akattabbameva karaṇato. Devalokapariyāpannadhanaṃ manussānaṃ upakappapuññābhāvato pubbe attanā nihitadhanaṃ ‘‘asuke cā’’ti ācikkhitvā gato. Sesaṃ suviññeyyameva.
ਘੋਟਮੁਖਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Ghoṭamukhasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੪. ਘੋਟਮੁਖਸੁਤ੍ਤਂ • 4. Ghoṭamukhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੪. ਘੋਟਮੁਖਸੁਤ੍ਤવਣ੍ਣਨਾ • 4. Ghoṭamukhasuttavaṇṇanā
