| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. г̇ихибаб̣б̣аж̇ид̇асаммаабадибад̇д̇ибан̃хо
3. Gihipabbajitasammāpaṭipattipañho
[3] ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘г̇ихино ваахам̣, бхигкавз, баб̣б̣аж̇ид̇асса ваа саммаабадибад̇д̇им̣ ван̣н̣зми, г̇ихий ваа бхигкавз баб̣б̣аж̇ид̇о ваа саммаабадибанно саммаабадибад̇д̇аад̇хигаран̣ахзд̇у аараад̇хаго ход̇и н̃ааяам̣ д̇хаммам̣ гусала’’нд̇и. яад̣̇и, бханд̇з нааг̇асзна, г̇ихий од̣̇аад̇авасано гаамабхог̇ий буд̇д̇ад̣̇аарасамб̣аад̇хасаяанам̣ аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаарзнд̇о ж̇аад̇аруубараж̇ад̇ам̣ саад̣̇ияанд̇о ман̣игун̣д̣ала 1 вижид̇д̇амол̣иб̣ад̣̇д̇хо саммаабадибанно аараад̇хаго ход̇и н̃ааяам̣ д̇хаммам̣ гусалам̣, баб̣б̣аж̇ид̇оби бхан̣д̣угаасаававад̇т̇авасано барабин̣д̣амаж̇жхубаг̇ад̇о жад̇уусу сийлагканд̇хзсу саммаабарибуурагаарий д̣̇ияад̣дхзсу сигкаабад̣̇асад̇зсу самаад̣̇ааяа вад̇д̇анд̇о д̇зрасасу д̇худ̇аг̇ун̣зсу анавасзсам̣ вад̇д̇анд̇о саммаабадибанно аараад̇хаго ход̇и н̃ааяам̣ д̇хаммам̣ гусалам̣. д̇ад̇т̇а, бханд̇з, го висзсо г̇ихино ваа баб̣б̣аж̇ид̇асса ваа? апалам̣ ход̇и д̇абогаммам̣, нирад̇т̇агаа баб̣б̣аж̇ж̇аа. ван̃жхаа сигкаабад̣̇аг̇обанаа, могхам̣ д̇худ̇аг̇ун̣асамаад̣̇аанам̣, гим̣ д̇ад̇т̇а д̣̇угкаманужин̣н̣зна, нану наама сукзнзва сукам̣ ад̇хиг̇анд̇аб̣б̣а’’нд̇и.
[3] ‘‘Bhante nāgasena, bhāsitampetaṃ bhagavatā ‘gihino vāhaṃ, bhikkhave, pabbajitassa vā sammāpaṭipattiṃ vaṇṇemi, gihī vā bhikkhave pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti. Yadi, bhante nāgasena, gihī odātavasano kāmabhogī puttadārasambādhasayanaṃ ajjhāvasanto kāsikacandanaṃ paccanubhonto mālāgandhavilepanaṃ dhārento jātarūparajataṃ sādiyanto maṇikuṇḍala 2 vicittamoḷibaddho sammāpaṭipanno ārādhako hoti ñāyaṃ dhammaṃ kusalaṃ, pabbajitopi bhaṇḍukāsāvavatthavasano parapiṇḍamajjhupagato catūsu sīlakkhandhesu sammāparipūrakārī diyaḍḍhesu sikkhāpadasatesu samādāya vattanto terasasu dhutaguṇesu anavasesaṃ vattanto sammāpaṭipanno ārādhako hoti ñāyaṃ dhammaṃ kusalaṃ. Tattha, bhante, ko viseso gihino vā pabbajitassa vā? Aphalaṃ hoti tapokammaṃ, niratthakā pabbajjā. Vañjhā sikkhāpadagopanā, moghaṃ dhutaguṇasamādānaṃ, kiṃ tattha dukkhamanuciṇṇena, nanu nāma sukheneva sukhaṃ adhigantabba’’nti.
‘‘бхаасид̇амбзд̇ам̣, махаарааж̇а, бхаг̇авад̇аа ‘г̇ихино ваахам̣, бхигкавз, баб̣б̣аж̇ид̇асса ваа саммаабадибад̇д̇им̣ ван̣н̣зми, г̇ихий ваа, бхигкавз, баб̣б̣аж̇ид̇о ваа саммаабадибанно саммаабадибад̇д̇аад̇хигаран̣ахзд̇у аараад̇хаго ход̇и н̃ааяам̣ д̇хаммам̣ гусала’’нд̇и. звамзд̇ам̣, махаарааж̇а, саммаабадибаннова сздто, баб̣б̣аж̇ид̇оби, махаарааж̇а, ‘баб̣б̣аж̇ид̇омхий’д̇и на саммаа бадибаж̇ж̇зяяа, ат̇а ко со аарагаава сааман̃н̃аа, аарагаава б̣рахман̃н̃аа, баг̇зва г̇ихий од̣̇аад̇авасано. г̇ихийби, махаарааж̇а, саммаабадибанно аараад̇хаго ход̇и н̃ааяам̣ д̇хаммам̣ гусалам̣, баб̣б̣аж̇ид̇оби, махаарааж̇а, саммаабадибанно аараад̇хаго ход̇и н̃ааяам̣ д̇хаммам̣ гусалам̣.
‘‘Bhāsitampetaṃ, mahārāja, bhagavatā ‘gihino vāhaṃ, bhikkhave, pabbajitassa vā sammāpaṭipattiṃ vaṇṇemi, gihī vā, bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti. Evametaṃ, mahārāja, sammāpaṭipannova seṭṭho, pabbajitopi, mahārāja, ‘pabbajitomhī’ti na sammā paṭipajjeyya, atha kho so ārakāva sāmaññā, ārakāva brahmaññā, pageva gihī odātavasano. Gihīpi, mahārāja, sammāpaṭipanno ārādhako hoti ñāyaṃ dhammaṃ kusalaṃ, pabbajitopi, mahārāja, sammāpaṭipanno ārādhako hoti ñāyaṃ dhammaṃ kusalaṃ.
‘‘аби жа ко, махаарааж̇а, баб̣б̣аж̇ид̇ова сааман̃н̃асса иссаро ад̇хибад̇и; баб̣б̣аж̇ж̇аа, махаарааж̇а, б̣ахуг̇ун̣аа анзгаг̇ун̣аа аббамаан̣аг̇ун̣аа, на саггаа баб̣б̣аж̇ж̇ааяа г̇ун̣ам̣ баримаан̣ам̣ гаад̇ум̣.
‘‘Api ca kho, mahārāja, pabbajitova sāmaññassa issaro adhipati; pabbajjā, mahārāja, bahuguṇā anekaguṇā appamāṇaguṇā, na sakkā pabbajjāya guṇaṃ parimāṇaṃ kātuṃ.
‘‘яат̇аа, махаарааж̇а, гаамад̣̇ад̣̇асса ман̣ирад̇анасса на саггаа д̇ханзна аг̇гхо баримаан̣ам̣ гаад̇ум̣ ‘зд̇д̇агам̣ ман̣ирад̇анасса муула’нд̇и, звамзва ко, махаарааж̇а, баб̣б̣аж̇ж̇аа б̣ахуг̇ун̣аа анзгаг̇ун̣аа аббамаан̣аг̇ун̣аа, на саггаа баб̣б̣аж̇ж̇ааяа г̇ун̣ам̣ баримаан̣ам̣ гаад̇ум̣.
‘‘Yathā, mahārāja, kāmadadassa maṇiratanassa na sakkā dhanena aggho parimāṇaṃ kātuṃ ‘ettakaṃ maṇiratanassa mūla’nti, evameva kho, mahārāja, pabbajjā bahuguṇā anekaguṇā appamāṇaguṇā, na sakkā pabbajjāya guṇaṃ parimāṇaṃ kātuṃ.
‘‘яат̇аа ваа бана, махаарааж̇а, махаасамуд̣̇д̣̇з уумияо на саггаа баримаан̣ам̣ гаад̇ум̣ ‘зд̇д̇агаа махаасамуд̣̇д̣̇з уумияо’д̇и, звамзва ко, махаарааж̇а, баб̣б̣аж̇ж̇аа б̣ахуг̇ун̣аа анзгаг̇ун̣аа аббамаан̣аг̇ун̣аа, на саггаа баб̣б̣аж̇ж̇ааяа г̇ун̣ам̣ баримаан̣ам̣ гаад̇ум̣.
‘‘Yathā vā pana, mahārāja, mahāsamudde ūmiyo na sakkā parimāṇaṃ kātuṃ ‘ettakā mahāsamudde ūmiyo’ti, evameva kho, mahārāja, pabbajjā bahuguṇā anekaguṇā appamāṇaguṇā, na sakkā pabbajjāya guṇaṃ parimāṇaṃ kātuṃ.
‘‘баб̣б̣аж̇ид̇асса, махаарааж̇а, яам̣ гин̃жи гаран̣ийяам̣, саб̣б̣ам̣ д̇ам̣ киббамзва самиж̇жхад̇и но жирарад̇д̇ааяа. гим̣ гааран̣аа? баб̣б̣аж̇ид̇о, махаарааж̇а, аббижчо ход̇и санд̇удто бавивид̇д̇о асам̣садто аарад̣̇д̇хавийрияо нираалаяо анигзд̇о барибун̣н̣асийло саллзкид̇аажааро д̇худ̇аббадибад̇д̇игусало ход̇и, д̇ам̣ гааран̣аа баб̣б̣аж̇ид̇асса яам̣ гин̃жи гаран̣ийяам̣, саб̣б̣ам̣ д̇ам̣ киббамзва самиж̇жхад̇и но жирарад̇д̇ааяа. яат̇аа, махаарааж̇а, ниг̇г̇ан̣тисамасуд̇ход̇ауж̇увималанаараажо сусаж̇ж̇ид̇о саммаа вахад̇и, звамзва ко, махаарааж̇а, баб̣б̣аж̇ид̇асса яам̣ гин̃жи гаран̣ийяам̣, саб̣б̣ам̣ д̇ам̣ киббамзва самиж̇жхад̇и но жирарад̇д̇ааяаа’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Pabbajitassa, mahārāja, yaṃ kiñci karaṇīyaṃ, sabbaṃ taṃ khippameva samijjhati no cirarattāya. Kiṃ kāraṇā? Pabbajito, mahārāja, appiccho hoti santuṭṭho pavivitto asaṃsaṭṭho āraddhavīriyo nirālayo aniketo paripuṇṇasīlo sallekhitācāro dhutappaṭipattikusalo hoti, taṃ kāraṇā pabbajitassa yaṃ kiñci karaṇīyaṃ, sabbaṃ taṃ khippameva samijjhati no cirarattāya. Yathā, mahārāja, niggaṇṭhisamasudhotaujuvimalanārāco susajjito sammā vahati, evameva kho, mahārāja, pabbajitassa yaṃ kiñci karaṇīyaṃ, sabbaṃ taṃ khippameva samijjhati no cirarattāyā’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
г̇ихибаб̣б̣аж̇ид̇асаммаабадибад̇д̇ибан̃хо д̇ад̇ияо.
Gihipabbajitasammāpaṭipattipañho tatiyo.
Footnotes:
