| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. г̇ихисаамийжисуд̇д̇ам̣
10. Gihisāmīcisuttaṃ
60. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа –
60. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘жад̇уухи ко, г̇ахабад̇и, д̇хаммзхи саманнааг̇ад̇о арияасааваго г̇ихисаамийжибадибад̣̇ам̣ бадибанно ход̇и яасобадилаабхиним̣ саг̇г̇асам̣вад̇д̇анигам̣. гад̇амзхи жад̇уухи? ид̇ха, г̇ахабад̇и, арияасааваго бхигкусан̇гхам̣ бажжубадтид̇о ход̇и жийварзна, бхигкусан̇гхам̣ бажжубадтид̇о ход̇и бин̣д̣абаад̇зна, бхигкусан̇гхам̣ бажжубадтид̇о ход̇и сзнаасанзна , бхигкусан̇гхам̣ бажжубадтид̇о ход̇и г̇илаанаббажжаяабхзсаж̇ж̇абаригкаарзна. имзхи ко, г̇ахабад̇и, жад̇уухи д̇хаммзхи саманнааг̇ад̇о арияасааваго г̇ихисаамийжибадибад̣̇ам̣ бадибанно ход̇и яасобадилаабхиним̣ саг̇г̇асам̣вад̇д̇анига’’нд̇и.
‘‘Catūhi kho, gahapati, dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanikaṃ. Katamehi catūhi? Idha, gahapati, ariyasāvako bhikkhusaṅghaṃ paccupaṭṭhito hoti cīvarena, bhikkhusaṅghaṃ paccupaṭṭhito hoti piṇḍapātena, bhikkhusaṅghaṃ paccupaṭṭhito hoti senāsanena , bhikkhusaṅghaṃ paccupaṭṭhito hoti gilānappaccayabhesajjaparikkhārena. Imehi kho, gahapati, catūhi dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanika’’nti.
‘‘г̇ихисаамийжибадибад̣̇ам̣, бадибаж̇ж̇анд̇и бан̣д̣ид̇аа;
‘‘Gihisāmīcipaṭipadaṃ, paṭipajjanti paṇḍitā;
саммаг̇г̇ад̇з сийлаванд̇з, жийварзна убадтид̇аа.
Sammaggate sīlavante, cīvarena upaṭṭhitā.
бин̣д̣абаад̇асаяанзна, г̇илаанаббажжаязна жа;
Piṇḍapātasayanena, gilānappaccayena ca;
д̇зсам̣ д̣̇иваа жа рад̇д̇о жа, сад̣̇аа бун̃н̃ам̣ бавад̣дхад̇и;
Tesaṃ divā ca ratto ca, sadā puññaṃ pavaḍḍhati;
саг̇г̇ан̃жа гамад̇идтаанам̣ 1, гаммам̣ гад̇ваана бхад̣̇д̣̇ага’’нд̇и. д̣̇асамам̣;
Saggañca kamatiṭṭhānaṃ 2, kammaṃ katvāna bhaddaka’’nti. dasamaṃ;
бун̃н̃аабхисанд̣̇аваг̇г̇о батамо.
Puññābhisandavaggo paṭhamo.
д̇ассуд̣̇д̣̇аанам̣ –
Tassuddānaṃ –
д̣̇вз бун̃н̃аабхисанд̣̇аа д̣̇вз жа, сам̣ваасаа самаж̇ийвино;
Dve puññābhisandā dve ca, saṃvāsā samajīvino;
суббаваасаа суд̣̇ад̇д̇о жа, бхож̇анам̣ г̇ихисаамижийд̇и.
Suppavāsā sudatto ca, bhojanaṃ gihisāmicīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. г̇ихисаамийжисуд̇д̇аван̣н̣анаа • 10. Gihisāmīcisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. суббаваасаасуд̇д̇аад̣̇иван̣н̣анаа • 7-10. Suppavāsāsuttādivaṇṇanā
