| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਗਿਹਿਸਾਮੀਚਿਸੁਤ੍ਤਂ
10. Gihisāmīcisuttaṃ
੬੦. ਅਥ ਖੋ ਅਨਾਥਪਿਣ੍ਡਿਕੋ ਗਹਪਤਿ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਨਾਥਪਿਣ੍ਡਿਕਂ ਗਹਪਤਿਂ ਭਗવਾ ਏਤਦવੋਚ –
60. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘ਚਤੂਹਿ ਖੋ, ਗਹਪਤਿ, ਧਮ੍ਮੇਹਿ ਸਮਨ੍ਨਾਗਤੋ ਅਰਿਯਸਾવਕੋ ਗਿਹਿਸਾਮੀਚਿਪਟਿਪਦਂ ਪਟਿਪਨ੍ਨੋ ਹੋਤਿ ਯਸੋਪਟਿਲਾਭਿਨਿਂ ਸਗ੍ਗਸਂવਤ੍ਤਨਿਕਂ। ਕਤਮੇਹਿ ਚਤੂਹਿ? ਇਧ, ਗਹਪਤਿ, ਅਰਿਯਸਾવਕੋ ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤੋ ਹੋਤਿ ਚੀવਰੇਨ, ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤੋ ਹੋਤਿ ਪਿਣ੍ਡਪਾਤੇਨ, ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤੋ ਹੋਤਿ ਸੇਨਾਸਨੇਨ , ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤੋ ਹੋਤਿ ਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰੇਨ। ਇਮੇਹਿ ਖੋ, ਗਹਪਤਿ, ਚਤੂਹਿ ਧਮ੍ਮੇਹਿ ਸਮਨ੍ਨਾਗਤੋ ਅਰਿਯਸਾવਕੋ ਗਿਹਿਸਾਮੀਚਿਪਟਿਪਦਂ ਪਟਿਪਨ੍ਨੋ ਹੋਤਿ ਯਸੋਪਟਿਲਾਭਿਨਿਂ ਸਗ੍ਗਸਂવਤ੍ਤਨਿਕ’’ਨ੍ਤਿ।
‘‘Catūhi kho, gahapati, dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanikaṃ. Katamehi catūhi? Idha, gahapati, ariyasāvako bhikkhusaṅghaṃ paccupaṭṭhito hoti cīvarena, bhikkhusaṅghaṃ paccupaṭṭhito hoti piṇḍapātena, bhikkhusaṅghaṃ paccupaṭṭhito hoti senāsanena , bhikkhusaṅghaṃ paccupaṭṭhito hoti gilānappaccayabhesajjaparikkhārena. Imehi kho, gahapati, catūhi dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanika’’nti.
‘‘ਗਿਹਿਸਾਮੀਚਿਪਟਿਪਦਂ, ਪਟਿਪਜ੍ਜਨ੍ਤਿ ਪਣ੍ਡਿਤਾ।
‘‘Gihisāmīcipaṭipadaṃ, paṭipajjanti paṇḍitā;
ਸਮ੍ਮਗ੍ਗਤੇ ਸੀਲવਨ੍ਤੇ, ਚੀવਰੇਨ ਉਪਟ੍ਠਿਤਾ॥
Sammaggate sīlavante, cīvarena upaṭṭhitā.
ਪਿਣ੍ਡਪਾਤਸਯਨੇਨ, ਗਿਲਾਨਪ੍ਪਚ੍ਚਯੇਨ ਚ।
Piṇḍapātasayanena, gilānappaccayena ca;
ਤੇਸਂ ਦਿવਾ ਚ ਰਤ੍ਤੋ ਚ, ਸਦਾ ਪੁਞ੍ਞਂ ਪવਡ੍ਢਤਿ।
Tesaṃ divā ca ratto ca, sadā puññaṃ pavaḍḍhati;
ਸਗ੍ਗਞ੍ਚ ਕਮਤਿਟ੍ਠਾਨਂ 1, ਕਮ੍ਮਂ ਕਤ੍વਾਨ ਭਦ੍ਦਕ’’ਨ੍ਤਿ॥ ਦਸਮਂ।
Saggañca kamatiṭṭhānaṃ 2, kammaṃ katvāna bhaddaka’’nti. dasamaṃ;
ਪੁਞ੍ਞਾਭਿਸਨ੍ਦવਗ੍ਗੋ ਪਠਮੋ।
Puññābhisandavaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਦ੍વੇ ਪੁਞ੍ਞਾਭਿਸਨ੍ਦਾ ਦ੍વੇ ਚ, ਸਂવਾਸਾ ਸਮਜੀવਿਨੋ।
Dve puññābhisandā dve ca, saṃvāsā samajīvino;
ਸੁਪ੍ਪવਾਸਾ ਸੁਦਤ੍ਤੋ ਚ, ਭੋਜਨਂ ਗਿਹਿਸਾਮਿਚੀਤਿ॥
Suppavāsā sudatto ca, bhojanaṃ gihisāmicīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਗਿਹਿਸਾਮੀਚਿਸੁਤ੍ਤવਣ੍ਣਨਾ • 10. Gihisāmīcisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੦. ਸੁਪ੍ਪવਾਸਾਸੁਤ੍ਤਾਦਿવਣ੍ਣਨਾ • 7-10. Suppavāsāsuttādivaṇṇanā
