| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१०. गिहिसामीचिसुत्तवण्णना
10. Gihisāmīcisuttavaṇṇanā
६०. दसमे गिहिसामीचिपटिपदन्ति गिहीनं अनुच्छविकं पटिपत्तिं। पच्चुपट्ठितो होतीति अतिहरित्वा दातुकामताय पतिउपट्ठितो होति उपगतो, भिक्खुसङ्घस्स चीवरं देतीति अत्थो।
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
उपट्ठिताति उपट्ठायको। तेसं दिवा च रत्तो चाति ये एवं चतूहि पच्चयेहि उपट्ठहन्ति, तेसं दिवा च रत्तिञ्च परिच्चागवसेन च अनुस्सरणवसेन च सदा पुञ्ञं पवड्ढति। सग्गञ्च कमतिट्ठानन्ति तादिसो च भद्दकं कम्मं कत्वा सग्गट्ठानं उपगच्छति। इमेसु चतूसुपि सुत्तेसु आगारियपटिपदा कथिता। सोतापन्नसकदागामीनम्पि वट्टति।
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
पुञ्ञाभिसन्दवग्गो पठमो।
Puññābhisandavaggo paṭhamo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. गिहिसामीचिसुत्तं • 10. Gihisāmīcisuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७-१०. सुप्पवासासुत्तादिवण्णना • 7-10. Suppavāsāsuttādivaṇṇanā
