| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. គិហិសាមីចិសុត្តវណ្ណនា
10. Gihisāmīcisuttavaṇṇanā
៦០. ទសមេ គិហិសាមីចិបដិបទន្តិ គិហីនំ អនុច្ឆវិកំ បដិបត្តិំ។ បច្ចុបដ្ឋិតោ ហោតីតិ អតិហរិត្វា ទាតុកាមតាយ បតិឧបដ្ឋិតោ ហោតិ ឧបគតោ, ភិក្ខុសង្ឃស្ស ចីវរំ ទេតីតិ អត្ថោ។
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
ឧបដ្ឋិតាតិ ឧបដ្ឋាយកោ។ តេសំ ទិវា ច រត្តោ ចាតិ យេ ឯវំ ចតូហិ បច្ចយេហិ ឧបដ្ឋហន្តិ, តេសំ ទិវា ច រត្តិញ្ច បរិច្ចាគវសេន ច អនុស្សរណវសេន ច សទា បុញ្ញំ បវឌ្ឍតិ។ សគ្គញ្ច កមតិដ្ឋានន្តិ តាទិសោ ច ភទ្ទកំ កម្មំ កត្វា សគ្គដ្ឋានំ ឧបគច្ឆតិ។ ឥមេសុ ចតូសុបិ សុត្តេសុ អាគារិយបដិបទា កថិតា។ សោតាបន្នសកទាគាមីនម្បិ វដ្ដតិ។
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
បុញ្ញាភិសន្ទវគ្គោ បឋមោ។
Puññābhisandavaggo paṭhamo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. គិហិសាមីចិសុត្តំ • 10. Gihisāmīcisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-១០. សុប្បវាសាសុត្តាទិវណ្ណនា • 7-10. Suppavāsāsuttādivaṇṇanā
