| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. ဂိဟိသာမီစိသုတ္တဝဏ္ဏနာ
10. Gihisāmīcisuttavaṇṇanā
၆၀. ဒသမေ ဂိဟိသာမီစိပဋိပဒန္တိ ဂိဟီနံ အနုစ္ဆဝိကံ ပဋိပတ္တိံ။ ပစ္စုပဋ္ဌိတော ဟောတီတိ အတိဟရိတ္ဝာ ဒာတုကာမတာယ ပတိဥပဋ္ဌိတော ဟောတိ ဥပဂတော, ဘိက္ခုသင္ဃသ္သ စီဝရံ ဒေတီတိ အတ္ထော။
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
ဥပဋ္ဌိတာတိ ဥပဋ္ဌာယကော။ တေသံ ဒိဝာ စ ရတ္တော စာတိ ယေ ဧဝံ စတူဟိ ပစ္စယေဟိ ဥပဋ္ဌဟန္တိ, တေသံ ဒိဝာ စ ရတ္တိဉ္စ ပရိစ္စာဂဝသေန စ အနုသ္သရဏဝသေန စ သဒာ ပုညံ ပဝဍ္ဎတိ။ သဂ္ဂဉ္စ ကမတိဋ္ဌာနန္တိ တာဒိသော စ ဘဒ္ဒကံ ကမ္မံ ကတ္ဝာ သဂ္ဂဋ္ဌာနံ ဥပဂစ္ဆတိ။ ဣမေသု စတူသုပိ သုတ္တေသု အာဂာရိယပဋိပဒာ ကထိတာ။ သောတာပန္နသကဒာဂာမီနမ္ပိ ဝဋ္ဋတိ။
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
ပုညာဘိသန္ဒဝဂ္ဂော ပဌမော။
Puññābhisandavaggo paṭhamo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဂိဟိသာမီစိသုတ္တံ • 10. Gihisāmīcisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. သုပ္ပဝာသာသုတ္တာဒိဝဏ္ဏနာ • 7-10. Suppavāsāsuttādivaṇṇanā
