| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧೦. ಗಿಹಿಸಾಮೀಚಿಸುತ್ತವಣ್ಣನಾ
10. Gihisāmīcisuttavaṇṇanā
೬೦. ದಸಮೇ ಗಿಹಿಸಾಮೀಚಿಪಟಿಪದನ್ತಿ ಗಿಹೀನಂ ಅನುಚ್ಛವಿಕಂ ಪಟಿಪತ್ತಿಂ। ಪಚ್ಚುಪಟ್ಠಿತೋ ಹೋತೀತಿ ಅತಿಹರಿತ್ವಾ ದಾತುಕಾಮತಾಯ ಪತಿಉಪಟ್ಠಿತೋ ಹೋತಿ ಉಪಗತೋ, ಭಿಕ್ಖುಸಙ್ಘಸ್ಸ ಚೀವರಂ ದೇತೀತಿ ಅತ್ಥೋ।
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
ಉಪಟ್ಠಿತಾತಿ ಉಪಟ್ಠಾಯಕೋ। ತೇಸಂ ದಿವಾ ಚ ರತ್ತೋ ಚಾತಿ ಯೇ ಏವಂ ಚತೂಹಿ ಪಚ್ಚಯೇಹಿ ಉಪಟ್ಠಹನ್ತಿ, ತೇಸಂ ದಿವಾ ಚ ರತ್ತಿಞ್ಚ ಪರಿಚ್ಚಾಗವಸೇನ ಚ ಅನುಸ್ಸರಣವಸೇನ ಚ ಸದಾ ಪುಞ್ಞಂ ಪವಡ್ಢತಿ। ಸಗ್ಗಞ್ಚ ಕಮತಿಟ್ಠಾನನ್ತಿ ತಾದಿಸೋ ಚ ಭದ್ದಕಂ ಕಮ್ಮಂ ಕತ್ವಾ ಸಗ್ಗಟ್ಠಾನಂ ಉಪಗಚ್ಛತಿ। ಇಮೇಸು ಚತೂಸುಪಿ ಸುತ್ತೇಸು ಆಗಾರಿಯಪಟಿಪದಾ ಕಥಿತಾ। ಸೋತಾಪನ್ನಸಕದಾಗಾಮೀನಮ್ಪಿ ವಟ್ಟತಿ।
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
ಪುಞ್ಞಾಭಿಸನ್ದವಗ್ಗೋ ಪಠಮೋ।
Puññābhisandavaggo paṭhamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಗಿಹಿಸಾಮೀಚಿಸುತ್ತಂ • 10. Gihisāmīcisuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೭-೧೦. ಸುಪ್ಪವಾಸಾಸುತ್ತಾದಿವಣ್ಣನಾ • 7-10. Suppavāsāsuttādivaṇṇanā
