| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
10. ගිහිසාමීචිසුත්‌තවණ්‌ණනා
10. Gihisāmīcisuttavaṇṇanā
60. දසමෙ ගිහිසාමීචිපටිපදන්‌ති ගිහීනං අනුච්‌ඡවිකං පටිපත්‌තිං. පච්‌චුපට්‌ඨිතො හොතීති අතිහරිත්‌වා දාතුකාමතාය පතිඋපට්‌ඨිතො හොති උපගතො, භික්‌ඛුසඞ්‌ඝස්‌ස චීවරං දෙතීති අත්‌ථො.
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
උපට්‌ඨිතාති උපට්‌ඨායකො. තෙසං දිවා ච රත්‌තො චාති යෙ එවං චතූහි පච්‌චයෙහි උපට්‌ඨහන්‌ති, තෙසං දිවා ච රත්‌තිඤ්‌ච පරිච්‌චාගවසෙන ච අනුස්‌සරණවසෙන ච සදා පුඤ්‌ඤං පවඩ්‌ඪති. සග්‌ගඤ්‌ච කමතිට්‌ඨානන්‌ති තාදිසො ච භද්‌දකං කම්‌මං කත්‌වා සග්‌ගට්‌ඨානං උපගච්‌ඡති. ඉමෙසු චතූසුපි සුත්‌තෙසු ආගාරියපටිපදා කථිතා. සොතාපන්‌නසකදාගාමීනම්‌පි වට්‌ටති.
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
පුඤ්‌ඤාභිසන්‌දවග්‌ගො පඨමො.
Puññābhisandavaggo paṭhamo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. ගිහිසාමීචිසුත්‌තං • 10. Gihisāmīcisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-10. සුප්‌පවාසාසුත්‌තාදිවණ්‌ණනා • 7-10. Suppavāsāsuttādivaṇṇanā
