| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
4. жад̇уд̇т̇аваг̇г̇о
4. Catutthavaggo
(33) 1. г̇ихисса арахаад̇игат̇аа
(33) 1. Gihissa arahātikathā
387. г̇ихисса арахаад̇и? ааманд̇аа. ад̇т̇и арахад̇о г̇ихисам̣яож̇ананд̇и? на хзвам̣ вад̇д̇аб̣б̣з…бз… над̇т̇и арахад̇о г̇ихисам̣яож̇ананд̇и? ааманд̇аа. хан̃жи над̇т̇и арахад̇о г̇ихисам̣яож̇анам̣, но жа вад̇а рз вад̇д̇аб̣б̣з – ‘‘г̇ихисса арахаа’’д̇и.
387. Gihissa arahāti? Āmantā. Atthi arahato gihisaṃyojananti? Na hevaṃ vattabbe…pe… natthi arahato gihisaṃyojananti? Āmantā. Hañci natthi arahato gihisaṃyojanaṃ, no ca vata re vattabbe – ‘‘gihissa arahā’’ti.
г̇ихисса арахаад̇и? ааманд̇аа. нану арахад̇о г̇ихисам̣яож̇анам̣ бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хамманд̇и? ааманд̇аа. хан̃жи арахад̇о г̇ихисам̣яож̇анам̣ бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣, но жа вад̇а рз вад̇д̇аб̣б̣з – ‘‘г̇ихисса арахаа’’д̇и.
Gihissa arahāti? Āmantā. Nanu arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘gihissa arahā’’ti.
г̇ихисса арахаад̇и? ааманд̇аа. ад̇т̇и гожи г̇ихий г̇ихисам̣яож̇анам̣ аббахааяа д̣̇идтзва д̇хаммз д̣̇угкассанд̇агарод̇и 1? над̇т̇и. хан̃жи над̇т̇и гожи г̇ихий г̇ихисам̣яож̇анам̣ аббахааяа д̣̇идтзва д̇хаммз д̣̇угкассанд̇агаро, но жа вад̇а рз вад̇д̇аб̣б̣з – ‘‘г̇ихисса арахаа’’д̇и.
Gihissa arahāti? Āmantā. Atthi koci gihī gihisaṃyojanaṃ appahāya diṭṭheva dhamme dukkhassantakaroti 2? Natthi. Hañci natthi koci gihī gihisaṃyojanaṃ appahāya diṭṭheva dhamme dukkhassantakaro, no ca vata re vattabbe – ‘‘gihissa arahā’’ti.
г̇ихисса арахаад̇и? ааманд̇аа. нану важчаг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘ад̇т̇и ну ко, бхо г̇од̇ама, гожи г̇ихий г̇ихисам̣яож̇анам̣ аббахааяа гааяасса бхзд̣̇аа д̣̇угкассанд̇агаро’’д̇и? ‘‘над̇т̇и ко, важча, гожи г̇ихий г̇ихисам̣яож̇анам̣ аббахааяа гааяасса бхзд̣̇аа д̣̇угкассанд̇агаро’’д̇и. ад̇т̇зва суд̇д̇анд̇од̇и? ааманд̇аа . д̇зна хи на вад̇д̇аб̣б̣ам̣ – ‘‘г̇ихисса арахаа’’д̇и.
Gihissa arahāti? Āmantā. Nanu vacchagotto paribbājako bhagavantaṃ etadavoca – ‘‘atthi nu kho, bho gotama, koci gihī gihisaṃyojanaṃ appahāya kāyassa bhedā dukkhassantakaro’’ti? ‘‘Natthi kho, vaccha, koci gihī gihisaṃyojanaṃ appahāya kāyassa bhedā dukkhassantakaro’’ti. Attheva suttantoti? Āmantā . Tena hi na vattabbaṃ – ‘‘gihissa arahā’’ti.
г̇ихисса арахаад̇и? ааманд̇аа. арахаа мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа, буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяа, аж̇зл̣агам̣ бадиг̇г̇ан̣хзяяа, гуггудасуугарам̣ бадиг̇г̇ан̣хзяяа, хад̇т̇иг̇авассавал̣авам̣ бадиг̇г̇ан̣хзяяа, д̇ид̇д̇ираваддагаморагабин̃ж̇арам̣ 3 бадиг̇г̇ан̣хзяяа, жид̇д̇аван̣д̣авааламол̣им̣ 4 д̇хаарзяяа, од̣̇аад̇аани вад̇т̇аани д̣̇ийгхад̣̇асаани д̇хаарзяяа, яааваж̇ийвам̣ аг̇аарияабхууд̇о ассаад̇и? на хзвам̣ вад̇д̇аб̣б̣з…бз….
Gihissa arahāti? Āmantā. Arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya, tittiravaṭṭakamorakapiñjaraṃ 5 paṭiggaṇheyya, cittavaṇḍavālamoḷiṃ 6 dhāreyya, odātāni vatthāni dīghadasāni dhāreyya, yāvajīvaṃ agāriyabhūto assāti? Na hevaṃ vattabbe…pe….
на вад̇д̇аб̣б̣ам̣ – ‘‘г̇ихисса арахаа’’д̇и? ааманд̇аа. нану яасо гулабуд̇д̇о, уд̇д̇ияо г̇ахабад̇и, сзд̇у маан̣аво, г̇ихиб̣яан̃ж̇анзна арахад̇д̇ам̣ бад̇д̇од̇и? ааманд̇аа. хан̃жи яасо гулабуд̇д̇о, уд̇д̇ияо г̇ахабад̇и, сзд̇у маан̣аво, г̇ихиб̣яан̃ж̇анзна арахад̇д̇ам̣ бад̇д̇о, д̇зна вад̇а рз вад̇д̇аб̣б̣з – ‘‘г̇ихисса арахаа’’д̇и.
Na vattabbaṃ – ‘‘gihissa arahā’’ti? Āmantā. Nanu yaso kulaputto, uttiyo gahapati, setu māṇavo, gihibyañjanena arahattaṃ pattoti? Āmantā. Hañci yaso kulaputto, uttiyo gahapati, setu māṇavo, gihibyañjanena arahattaṃ patto, tena vata re vattabbe – ‘‘gihissa arahā’’ti.
г̇ихисса арахаад̇игат̇аа нидтид̇аа.
Gihissa arahātikathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. г̇ихисса арахаад̇игат̇ааван̣н̣анаа • 1. Gihissa arahātikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. г̇ихисса арахаад̇игат̇ааван̣н̣анаа • 1. Gihissa arahātikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. г̇ихисса арахаад̇игат̇ааван̣н̣анаа • 1. Gihissa arahātikathāvaṇṇanā
