| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੪. ਚਤੁਤ੍ਥવਗ੍ਗੋ
4. Catutthavaggo
(੩੩) ੧. ਗਿਹਿਸ੍ਸ ਅਰਹਾਤਿਕਥਾ
(33) 1. Gihissa arahātikathā
੩੮੭. ਗਿਹਿਸ੍ਸ ਅਰਹਾਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਅਰਹਤੋ ਗਿਹਿਸਂਯੋਜਨਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ।
387. Gihissa arahāti? Āmantā. Atthi arahato gihisaṃyojananti? Na hevaṃ vattabbe…pe… natthi arahato gihisaṃyojananti? Āmantā. Hañci natthi arahato gihisaṃyojanaṃ, no ca vata re vattabbe – ‘‘gihissa arahā’’ti.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ। ਨਨੁ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾવਤ੍ਥੁਕਤਂ ਅਨਭਾવਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾવਤ੍ਥੁਕਤਂ ਅਨਭਾવਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ।
Gihissa arahāti? Āmantā. Nanu arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘gihissa arahā’’ti.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ। ਅਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਦਿਟ੍ਠੇવ ਧਮ੍ਮੇ ਦੁਕ੍ਖਸ੍ਸਨ੍ਤਕਰੋਤਿ 1? ਨਤ੍ਥਿ। ਹਞ੍ਚਿ ਨਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਦਿਟ੍ਠੇવ ਧਮ੍ਮੇ ਦੁਕ੍ਖਸ੍ਸਨ੍ਤਕਰੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ।
Gihissa arahāti? Āmantā. Atthi koci gihī gihisaṃyojanaṃ appahāya diṭṭheva dhamme dukkhassantakaroti 2? Natthi. Hañci natthi koci gihī gihisaṃyojanaṃ appahāya diṭṭheva dhamme dukkhassantakaro, no ca vata re vattabbe – ‘‘gihissa arahā’’ti.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ। ਨਨੁ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਅਤ੍ਥਿ ਨੁ ਖੋ, ਭੋ ਗੋਤਮ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ? ‘‘ਨਤ੍ਥਿ ਖੋ, વਚ੍ਛ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ । ਤੇਨ ਹਿ ਨ વਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ।
Gihissa arahāti? Āmantā. Nanu vacchagotto paribbājako bhagavantaṃ etadavoca – ‘‘atthi nu kho, bho gotama, koci gihī gihisaṃyojanaṃ appahāya kāyassa bhedā dukkhassantakaro’’ti? ‘‘Natthi kho, vaccha, koci gihī gihisaṃyojanaṃ appahāya kāyassa bhedā dukkhassantakaro’’ti. Attheva suttantoti? Āmantā . Tena hi na vattabbaṃ – ‘‘gihissa arahā’’ti.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ। ਅਰਹਾ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗવਸ੍ਸવਲ਼વਂ ਪਟਿਗ੍ਗਣ੍ਹੇਯ੍ਯ, ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ 3 ਪਟਿਗ੍ਗਣ੍ਹੇਯ੍ਯ, ਚਿਤ੍ਤવਣ੍ਡવਾਲਮੋਲ਼ਿਂ 4 ਧਾਰੇਯ੍ਯ, ਓਦਾਤਾਨਿ વਤ੍ਥਾਨਿ ਦੀਘਦਸਾਨਿ ਧਾਰੇਯ੍ਯ, ਯਾવਜੀવਂ ਅਗਾਰਿਯਭੂਤੋ ਅਸ੍ਸਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Gihissa arahāti? Āmantā. Arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya, tittiravaṭṭakamorakapiñjaraṃ 5 paṭiggaṇheyya, cittavaṇḍavālamoḷiṃ 6 dhāreyya, odātāni vatthāni dīghadasāni dhāreyya, yāvajīvaṃ agāriyabhūto assāti? Na hevaṃ vattabbe…pe….
ਨ વਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ? ਆਮਨ੍ਤਾ। ਨਨੁ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣવੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ਪਤ੍ਤੋਤਿ? ਆਮਨ੍ਤਾ। ਹਞ੍ਚਿ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣવੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ਪਤ੍ਤੋ, ਤੇਨ વਤ ਰੇ વਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ।
Na vattabbaṃ – ‘‘gihissa arahā’’ti? Āmantā. Nanu yaso kulaputto, uttiyo gahapati, setu māṇavo, gihibyañjanena arahattaṃ pattoti? Āmantā. Hañci yaso kulaputto, uttiyo gahapati, setu māṇavo, gihibyañjanena arahattaṃ patto, tena vata re vattabbe – ‘‘gihissa arahā’’ti.
ਗਿਹਿਸ੍ਸ ਅਰਹਾਤਿਕਥਾ ਨਿਟ੍ਠਿਤਾ।
Gihissa arahātikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ • 1. Gihissa arahātikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ • 1. Gihissa arahātikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ • 1. Gihissa arahātikathāvaṇṇanā
