| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৪. চতুত্থৰগ্গো
4. Catutthavaggo
১. গিহিস্স অরহাতিকথাৰণ্ণনা
1. Gihissa arahātikathāvaṇṇanā
৩৮৭. ইদানি গিহিস্স অরহাতি কথা নাম হোতি। তত্থ যেসং যসকুলপুত্তাদীনং গিহিব্যঞ্জনে ঠিতানং অরহত্তপ্পত্তিং দিস্ৰা ‘‘গিহি অস্স অরহা’’তি লদ্ধি, সেয্যথাপি এতরহি উত্তরাপথকানং; তে সন্ধায পুচ্ছা সকৰাদিস্স। তত্থ গিহিস্সাতি যো গিহিসংযোজনসম্পযুত্ততায গিহি, সো অরহং অস্সাতি অত্থো। পরৰাদী পন অধিপ্পাযং অসল্লক্খেত্ৰা গিহিব্যঞ্জনমত্তমেৰ পস্সন্তো পটিজানাতি। ইদানিস্স ‘‘গিহি নাম গিহিসংযোজনেন হোতি, ন ব্যঞ্জনমত্তেন। যথাহ ভগৰা –
387. Idāni gihissa arahāti kathā nāma hoti. Tattha yesaṃ yasakulaputtādīnaṃ gihibyañjane ṭhitānaṃ arahattappattiṃ disvā ‘‘gihi assa arahā’’ti laddhi, seyyathāpi etarahi uttarāpathakānaṃ; te sandhāya pucchā sakavādissa. Tattha gihissāti yo gihisaṃyojanasampayuttatāya gihi, so arahaṃ assāti attho. Paravādī pana adhippāyaṃ asallakkhetvā gihibyañjanamattameva passanto paṭijānāti. Idānissa ‘‘gihi nāma gihisaṃyojanena hoti, na byañjanamattena. Yathāha bhagavā –
‘অলঙ্কতো চেপি সমং চরেয্য,
‘Alaṅkato cepi samaṃ careyya,
সন্তো দন্তো নিযতো ব্রহ্মচারী।
Santo danto niyato brahmacārī;
সব্বেসু ভূতেসু নিধায দণ্ডং,
Sabbesu bhūtesu nidhāya daṇḍaṃ,
সো ব্রাহ্মণো সো সমণো স ভিক্খূ’’’তি॥ (ধ॰ প॰ ১৪২)।
So brāhmaṇo so samaṇo sa bhikkhū’’’ti. (dha. pa. 142);
ইমং নযং দস্সেতুং অত্থি অরহতোতিআদি আরদ্ধং। তং সব্বং উত্তানত্থমেৰাতি।
Imaṃ nayaṃ dassetuṃ atthi arahatotiādi āraddhaṃ. Taṃ sabbaṃ uttānatthamevāti.
গিহিস্স অরহাতিকথাৰণ্ণনা।
Gihissa arahātikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৩৩) ১. গিহিস্স অরহাতিকথা • (33) 1. Gihissa arahātikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. গিহিস্স অরহাতিকথাৰণ্ণনা • 1. Gihissa arahātikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১. গিহিস্স অরহাতিকথাৰণ্ণনা • 1. Gihissa arahātikathāvaṇṇanā
