| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਚਤੁਤ੍ਥવਗ੍ਗੋ
4. Catutthavaggo
੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ
1. Gihissa arahātikathāvaṇṇanā
੩੮੭. ਇਦਾਨਿ ਗਿਹਿਸ੍ਸ ਅਰਹਾਤਿ ਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਯਸਕੁਲਪੁਤ੍ਤਾਦੀਨਂ ਗਿਹਿਬ੍ਯਞ੍ਜਨੇ ਠਿਤਾਨਂ ਅਰਹਤ੍ਤਪ੍ਪਤ੍ਤਿਂ ਦਿਸ੍વਾ ‘‘ਗਿਹਿ ਅਸ੍ਸ ਅਰਹਾ’’ਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ। ਤਤ੍ਥ ਗਿਹਿਸ੍ਸਾਤਿ ਯੋ ਗਿਹਿਸਂਯੋਜਨਸਮ੍ਪਯੁਤ੍ਤਤਾਯ ਗਿਹਿ, ਸੋ ਅਰਹਂ ਅਸ੍ਸਾਤਿ ਅਤ੍ਥੋ। ਪਰવਾਦੀ ਪਨ ਅਧਿਪ੍ਪਾਯਂ ਅਸਲ੍ਲਕ੍ਖੇਤ੍વਾ ਗਿਹਿਬ੍ਯਞ੍ਜਨਮਤ੍ਤਮੇવ ਪਸ੍ਸਨ੍ਤੋ ਪਟਿਜਾਨਾਤਿ। ਇਦਾਨਿਸ੍ਸ ‘‘ਗਿਹਿ ਨਾਮ ਗਿਹਿਸਂਯੋਜਨੇਨ ਹੋਤਿ, ਨ ਬ੍ਯਞ੍ਜਨਮਤ੍ਤੇਨ। ਯਥਾਹ ਭਗવਾ –
387. Idāni gihissa arahāti kathā nāma hoti. Tattha yesaṃ yasakulaputtādīnaṃ gihibyañjane ṭhitānaṃ arahattappattiṃ disvā ‘‘gihi assa arahā’’ti laddhi, seyyathāpi etarahi uttarāpathakānaṃ; te sandhāya pucchā sakavādissa. Tattha gihissāti yo gihisaṃyojanasampayuttatāya gihi, so arahaṃ assāti attho. Paravādī pana adhippāyaṃ asallakkhetvā gihibyañjanamattameva passanto paṭijānāti. Idānissa ‘‘gihi nāma gihisaṃyojanena hoti, na byañjanamattena. Yathāha bhagavā –
‘ਅਲਙ੍ਕਤੋ ਚੇਪਿ ਸਮਂ ਚਰੇਯ੍ਯ,
‘Alaṅkato cepi samaṃ careyya,
ਸਨ੍ਤੋ ਦਨ੍ਤੋ ਨਿਯਤੋ ਬ੍ਰਹ੍ਮਚਾਰੀ।
Santo danto niyato brahmacārī;
ਸਬ੍ਬੇਸੁ ਭੂਤੇਸੁ ਨਿਧਾਯ ਦਣ੍ਡਂ,
Sabbesu bhūtesu nidhāya daṇḍaṃ,
ਸੋ ਬ੍ਰਾਹ੍ਮਣੋ ਸੋ ਸਮਣੋ ਸ ਭਿਕ੍ਖੂ’’’ਤਿ॥ (ਧ॰ ਪ॰ ੧੪੨)।
So brāhmaṇo so samaṇo sa bhikkhū’’’ti. (dha. pa. 142);
ਇਮਂ ਨਯਂ ਦਸ੍ਸੇਤੁਂ ਅਤ੍ਥਿ ਅਰਹਤੋਤਿਆਦਿ ਆਰਦ੍ਧਂ। ਤਂ ਸਬ੍ਬਂ ਉਤ੍ਤਾਨਤ੍ਥਮੇવਾਤਿ।
Imaṃ nayaṃ dassetuṃ atthi arahatotiādi āraddhaṃ. Taṃ sabbaṃ uttānatthamevāti.
ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ।
Gihissa arahātikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੩੩) ੧. ਗਿਹਿਸ੍ਸ ਅਰਹਾਤਿਕਥਾ • (33) 1. Gihissa arahātikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ • 1. Gihissa arahātikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਗਿਹਿਸ੍ਸ ਅਰਹਾਤਿਕਥਾવਣ੍ਣਨਾ • 1. Gihissa arahātikathāvaṇṇanā
