| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. г̇ихисуд̇д̇ам̣
9. Gihisuttaṃ
179. ат̇а ко анаат̇абин̣д̣иго г̇ахабад̇и бан̃жамад̇д̇зхи убаасагасад̇зхи баривуд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. ат̇а ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘яам̣ ган̃жи 1, саарибуд̇д̇а, ж̇аанзяяаат̇а г̇ихим̣ од̣̇аад̇авасанам̣ бан̃жасу сигкаабад̣̇зсу сам̣вуд̇агамманд̇ам̣ жад̇уннам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхим̣ агижчалаабхим̣ агасиралаабхим̣, со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и.
179. Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho bhagavā āyasmantaṃ sāriputtaṃ āmantesi – ‘‘yaṃ kañci 2, sāriputta, jāneyyātha gihiṃ odātavasanaṃ pañcasu sikkhāpadesu saṃvutakammantaṃ catunnaṃ ābhicetasikānaṃ diṭṭhadhammasukhavihārānaṃ nikāmalābhiṃ akicchalābhiṃ akasiralābhiṃ, so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti.
‘‘гад̇амзсу бан̃жасу сигкаабад̣̇зсу сам̣вуд̇агамманд̇о ход̇и? ид̇ха , саарибуд̇д̇а, арияасааваго баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, сураамзраяамаж̇ж̇абамаад̣̇адтаанаа бадивирад̇о ход̇и. имзсу бан̃жасу сигкаабад̣̇зсу сам̣вуд̇агамманд̇о ход̇и.
‘‘Katamesu pañcasu sikkhāpadesu saṃvutakammanto hoti? Idha , sāriputta, ariyasāvako pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti. Imesu pañcasu sikkhāpadesu saṃvutakammanto hoti.
‘‘гад̇амзсам̣ жад̇уннам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий? ид̇ха, саарибуд̇д̇а, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и, сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аяамасса батамо аабхижзд̇асиго д̣̇идтад̇хаммасукавихааро ад̇хиг̇ад̇о ход̇и ависуд̣̇д̇хасса жид̇д̇асса висуд̣̇д̇хияаа абарияод̣̇аад̇асса жид̇д̇асса барияод̣̇абанааяа.
‘‘Katamesaṃ catunnaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī? Idha, sāriputta, ariyasāvako buddhe aveccappasādena samannāgato hoti – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi, satthā devamanussānaṃ buddho bhagavā’ti. Ayamassa paṭhamo ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.
‘‘буна жабарам̣, саарибуд̇д̇а, арияасааваго д̇хаммз авзжжаббасаад̣̇зна саманнааг̇ад̇о ход̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. аяамасса д̣̇уд̇ияо аабхижзд̇асиго д̣̇идтад̇хаммасукавихааро ад̇хиг̇ад̇о ход̇и ависуд̣̇д̇хасса жид̇д̇асса висуд̣̇д̇хияаа абарияод̣̇аад̇асса жид̇д̇асса барияод̣̇абанааяа.
‘‘Puna caparaṃ, sāriputta, ariyasāvako dhamme aveccappasādena samannāgato hoti – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Ayamassa dutiyo ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.
‘‘буна жабарам̣, саарибуд̇д̇а, арияасааваго сан̇гхз авзжжаббасаад̣̇зна саманнааг̇ад̇о ход̇и – ‘суббадибанно бхаг̇авад̇о саавагасан̇гхо уж̇уббадибанно бхаг̇авад̇о саавагасан̇гхо н̃ааяаббадибанно бхаг̇авад̇о саавагасан̇гхо саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. аяамасса д̇ад̇ияо аабхижзд̇асиго д̣̇идтад̇хаммасукавихааро ад̇хиг̇ад̇о ход̇и ависуд̣̇д̇хасса жид̇д̇асса висуд̣̇д̇хияаа абарияод̣̇аад̇асса жид̇д̇асса барияод̣̇абанааяа.
‘‘Puna caparaṃ, sāriputta, ariyasāvako saṅghe aveccappasādena samannāgato hoti – ‘suppaṭipanno bhagavato sāvakasaṅgho ujuppaṭipanno bhagavato sāvakasaṅgho ñāyappaṭipanno bhagavato sāvakasaṅgho sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Ayamassa tatiyo ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.
‘‘буна жабарам̣, саарибуд̇д̇а, арияасааваго арияаганд̇зхи сийлзхи саманнааг̇ад̇о ход̇и акан̣д̣зхи ажчид̣̇д̣̇зхи асаб̣алзхи агаммаасзхи бхуж̇иссзхи вин̃н̃уббасад̇т̇зхи абараамадтзхи самаад̇хисам̣вад̇д̇анигзхи. аяамасса жад̇уд̇т̇о аабхижзд̇асиго д̣̇идтад̇хаммасукавихааро ад̇хиг̇ад̇о ход̇и ависуд̣̇д̇хасса жид̇д̇асса висуд̣̇д̇хияаа абарияод̣̇аад̇асса жид̇д̇асса барияод̣̇абанааяа. имзсам̣ жад̇уннам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий.
‘‘Puna caparaṃ, sāriputta, ariyasāvako ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññuppasatthehi aparāmaṭṭhehi samādhisaṃvattanikehi. Ayamassa catuttho ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya. Imesaṃ catunnaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī.
‘‘яам̣ ган̃жи, саарибуд̇д̇а, ж̇аанзяяаат̇а г̇ихим̣ од̣̇аад̇авасанам̣ – имзсу бан̃жасу сигкаабад̣̇зсу сам̣вуд̇агамманд̇ам̣, имзсан̃жа жад̇уннам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхим̣ агижчалаабхим̣ агасиралаабхим̣, со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и.
‘‘Yaṃ kañci, sāriputta, jāneyyātha gihiṃ odātavasanaṃ – imesu pañcasu sikkhāpadesu saṃvutakammantaṃ, imesañca catunnaṃ ābhicetasikānaṃ diṭṭhadhammasukhavihārānaṃ nikāmalābhiṃ akicchalābhiṃ akasiralābhiṃ, so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti.
‘‘нираязсу бхаяам̣ д̣̇исваа, баабаани бариваж̇ж̇аяз;
‘‘Nirayesu bhayaṃ disvā, pāpāni parivajjaye;
арияад̇хаммам̣ самаад̣̇ааяа, бан̣д̣ид̇о бариваж̇ж̇аяз.
Ariyadhammaṃ samādāya, paṇḍito parivajjaye.
‘‘на хим̣сз баан̣абхууд̇аани, виж̇ж̇амаанз бараггамз;
‘‘Na hiṃse pāṇabhūtāni, vijjamāne parakkame;
мусаа жа на бхан̣з ж̇аанам̣, ад̣̇иннам̣ на бараамасз.
Musā ca na bhaṇe jānaṃ, adinnaṃ na parāmase.
мзраяам̣ ваарун̣им̣ ж̇анд̇у, на бивз жид̇д̇амоханим̣.
Merayaṃ vāruṇiṃ jantu, na pive cittamohaniṃ.
‘‘ануссарзяяа самб̣уд̣̇д̇хам̣, д̇хамман̃жаанувид̇аггаяз;
‘‘Anussareyya sambuddhaṃ, dhammañcānuvitakkaye;
аб̣яаабаж̇ж̇ам̣ 5 хид̇ам̣ жид̇д̇ам̣, д̣̇звалогааяа бхааваяз.
Abyāpajjaṃ 6 hitaṃ cittaṃ, devalokāya bhāvaye.
‘‘убадтид̇з д̣̇зяяад̇хаммз, бун̃н̃ад̇т̇асса ж̇иг̇ийсад̇о 7;
‘‘Upaṭṭhite deyyadhamme, puññatthassa jigīsato 8;
санд̇зсу батамам̣ д̣̇иннаа, вибулаа ход̇и д̣̇агкин̣аа.
Santesu paṭhamaṃ dinnā, vipulā hoti dakkhiṇā.
‘‘санд̇о хавз бавагкаами, саарибуд̇д̇а сун̣охи мз;
‘‘Santo have pavakkhāmi, sāriputta suṇohi me;
ид̇и ган̣хаасу сзд̇аасу, рохин̣ийсу харийсу ваа.
Iti kaṇhāsu setāsu, rohiṇīsu harīsu vā.
‘‘гаммаасаасу саруубаасу, г̇осу баарзвад̇аасу ваа;
‘‘Kammāsāsu sarūpāsu, gosu pārevatāsu vā;
яаасу гаасужи зд̇аасу, д̣̇анд̇о ж̇ааяад̇и бун̇г̇аво.
Yāsu kāsuci etāsu, danto jāyati puṅgavo.
‘‘д̇хораяхо б̣аласамбанно, галяаан̣аж̇аваниггамо;
‘‘Dhorayho balasampanno, kalyāṇajavanikkamo;
д̇амзва бхаарз яун̃ж̇анд̇и, наасса ван̣н̣ам̣ баригкарз.
Tameva bhāre yuñjanti, nāssa vaṇṇaṃ parikkhare.
‘‘звамзвам̣ мануссзсу, яасмим̣ гисмин̃жи ж̇аад̇ияз;
‘‘Evamevaṃ manussesu, yasmiṃ kismiñci jātiye;
кад̇д̇ияз б̣раахман̣з взссз, суд̣̇д̣̇з жан̣д̣аалабуггусз.
Khattiye brāhmaṇe vesse, sudde caṇḍālapukkuse.
‘‘яаасу гаасужи зд̇аасу, д̣̇анд̇о ж̇ааяад̇и суб̣б̣ад̇о;
‘‘Yāsu kāsuci etāsu, danto jāyati subbato;
д̇хаммадто сийласамбанно, сажжаваад̣̇ий хириймано.
Dhammaṭṭho sīlasampanno, saccavādī hirīmano.
‘‘бахийнаж̇аад̇имаран̣о, б̣рахмажарияасса гзвалий;
‘‘Pahīnajātimaraṇo, brahmacariyassa kevalī;
баннабхааро висам̣яуд̇д̇о, гад̇агижжо анаасаво.
Pannabhāro visaṃyutto, katakicco anāsavo.
‘‘баараг̇уу саб̣б̣ад̇хаммаанам̣, анубаад̣̇ааяа ниб̣б̣уд̇о;
‘‘Pāragū sabbadhammānaṃ, anupādāya nibbuto;
д̇асмин̃жа вираж̇з кзд̇д̇з, вибулаа ход̇и д̣̇агкин̣аа.
Tasmiñca viraje khette, vipulā hoti dakkhiṇā.
‘‘б̣аалаа жа авиж̇аананд̇аа, д̣̇уммзд̇хаа ассуд̇аавино;
‘‘Bālā ca avijānantā, dummedhā assutāvino;
б̣ахид̣̇д̇хаа д̣̇ад̣̇анд̇и д̣̇аанаани, на хи санд̇з убаасарз.
Bahiddhā dadanti dānāni, na hi sante upāsare.
‘‘яз жа санд̇з убаасанд̇и, саббан̃н̃з д̇хийрасаммад̇з;
‘‘Ye ca sante upāsanti, sappaññe dhīrasammate;
сад̣̇д̇хаа жа нзсам̣ суг̇ад̇з, муулаж̇аад̇аа бад̇идтид̇аа.
Saddhā ca nesaṃ sugate, mūlajātā patiṭṭhitā.
‘‘д̣̇звалоган̃жа д̇з яанд̇и, гулз ваа ид̇ха ж̇ааяарз;
‘‘Devalokañca te yanti, kule vā idha jāyare;
анубуб̣б̣зна ниб̣б̣аанам̣, ад̇хиг̇ажчанд̇и бан̣д̣ид̇аа’’д̇и. навамам̣;
Anupubbena nibbānaṃ, adhigacchanti paṇḍitā’’ti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. г̇ихисуд̇д̇аван̣н̣анаа • 9. Gihisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. г̇ихисуд̇д̇аван̣н̣анаа • 9. Gihisuttavaṇṇanā
