| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. கி³ஹிஸுத்தவண்ணனா
9. Gihisuttavaṇṇanā
179. நவமே ஸங்வுதகம்மந்தந்தி பிஹிதகம்மந்தங். ஆபி⁴சேதஸிகானந்தி உத்தமசித்தனிஸ்ஸிதானங். தி³ட்ட²த⁴ம்மஸுக²விஹாரானந்தி பச்சக்கே²யேவ த⁴ம்மே பவத்திக்க²ணே ஸுக²விஹாரானங். அரியகந்தேஹீதி அரியானங் கந்தேஹி மக்³க³ப²லஸீலேஹி.
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
அரியத⁴ம்மங் ஸமாதா³யாதி எத்த² அரியத⁴ம்மோதி பஞ்ச ஸீலானி கதி²தானி. மேரயங் வாருணிந்தி சதுப்³பி³த⁴ங் மேரயங் பஞ்சவித⁴ஞ்ச ஸுரங். த⁴ம்மஞ்சானுவிதக்கயேதி நவவித⁴ங் லோகுத்தரத⁴ம்மங் அனுஸ்ஸதிவஸேனேவ விதக்கெய்ய. அப்³யாபஜ்ஜ²ங் ஹிதங் சித்தந்தி நித்³து³க்க²ங் மெத்தாதி³ப்³ரஹ்மவிஹாரசித்தங். தே³வலோகாய பா⁴வயேதி ப்³ரஹ்மலோகத்தா²ய பா⁴வெய்ய. புஞ்ஞத்த²ஸ்ஸ ஜிகீ³ஸதோதி புஞ்ஞேன அத்தி²கஸ்ஸ புஞ்ஞங் க³வேஸந்தஸ்ஸ. ஸந்தேஸூதி பு³த்³த⁴பச்சேகபு³த்³த⁴ததா²க³தஸாவகேஸு. விபுலா ஹோதி த³க்கி²ணாதி ஏவங் தி³ன்னதா³னங் மஹப்ப²லங் ஹோதி. அனுபுப்³பே³னாதி ஸீலபூரணாதி³னா அனுக்கமேன. ஸேஸங் திகனிபாதே வுத்தத்த²மேவ.
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. கி³ஹிஸுத்தங் • 9. Gihisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. கி³ஹிஸுத்தவண்ணனா • 9. Gihisuttavaṇṇanā
