| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. கி³ஹிஸுத்தவண்ணனா
9. Gihisuttavaṇṇanā
179. நவமே ஆபி⁴சேதஸிகானந்தி அபி⁴சேதோதி அபி⁴க்கந்தங் விஸுத்³த⁴சித்தங் வுச்சதி அதி⁴சித்தங் வா, அபி⁴சேதஸி ஜாதானி ஆபி⁴சேதஸிகானி, அபி⁴சேதோ ஸன்னிஸ்ஸிதானீதி வா ஆபி⁴சேதஸிகானி. தேனேவாஹ ‘‘உத்தமசித்தனிஸ்ஸிதான’’ந்தி. தி³ட்ட²த⁴ம்மஸுக²விஹாரானந்தி தி³ட்ட²த⁴ம்மே ஸுக²விஹாரானங். தி³ட்ட²த⁴ம்மோதி பச்சக்கோ² அத்தபா⁴வோ வுச்சதி, தத்த² ஸுக²விஹாரானந்தி அத்தோ². ரூபாவசரஜ்ஜா²னானமேதங் அதி⁴வசனங். தானி ஹி அப்பெத்வா நிஸின்னா ஜா²யினோ இமஸ்மிங்யேவ அத்தபா⁴வே அஸங்கிலிட்ட²ங் நெக்க²ம்மஸுக²ங் விந்த³ந்தி, தஸ்மா ‘‘தி³ட்ட²த⁴ம்மஸுக²விஹாரானீ’’தி வுச்சந்தி.
179. Navame ābhicetasikānanti abhicetoti abhikkantaṃ visuddhacittaṃ vuccati adhicittaṃ vā, abhicetasi jātāni ābhicetasikāni, abhiceto sannissitānīti vā ābhicetasikāni. Tenevāha ‘‘uttamacittanissitāna’’nti. Diṭṭhadhammasukhavihārānanti diṭṭhadhamme sukhavihārānaṃ. Diṭṭhadhammoti paccakkho attabhāvo vuccati, tattha sukhavihārānanti attho. Rūpāvacarajjhānānametaṃ adhivacanaṃ. Tāni hi appetvā nisinnā jhāyino imasmiṃyeva attabhāve asaṃkiliṭṭhaṃ nekkhammasukhaṃ vindanti, tasmā ‘‘diṭṭhadhammasukhavihārānī’’ti vuccanti.
சதுப்³பி³த⁴மேரயந்தி புப்பா²ஸவோ, ப²லாஸவோ, கு³ளாஸவோ, மத்⁴வாஸவோதி ஏவங் சதுப்பபே⁴த³ங் மேரயங். பஞ்சவித⁴ஞ்ச ஸுரந்தி பூவஸுரா, பிட்ட²ஸுரா, ஓத³னஸுரா, கிண்ணபக்கி²த்தா, ஸம்பா⁴ரஸங்யுத்தாதி ஏவங் பஞ்சப்பபே⁴த³ங் ஸுரங். புஞ்ஞங் அத்தோ² ஏதஸ்ஸாதி புஞ்ஞத்தோ². யஸ்மா பனேஸ புஞ்ஞேன அத்தி²கோ நாம ஹோதி, தஸ்மா வுத்தங் ‘‘புஞ்ஞேன அத்தி²கஸ்ஸா’’தி. ஸேஸமெத்த² உத்தானமேவ.
Catubbidhamerayanti pupphāsavo, phalāsavo, guḷāsavo, madhvāsavoti evaṃ catuppabhedaṃ merayaṃ. Pañcavidhañca suranti pūvasurā, piṭṭhasurā, odanasurā, kiṇṇapakkhittā, sambhārasaṃyuttāti evaṃ pañcappabhedaṃ suraṃ. Puññaṃ attho etassāti puññattho. Yasmā panesa puññena atthiko nāma hoti, tasmā vuttaṃ ‘‘puññena atthikassā’’ti. Sesamettha uttānameva.
கி³ஹிஸுத்தவண்ணனா நிட்டி²தா.
Gihisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. கி³ஹிஸுத்தங் • 9. Gihisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. கி³ஹிஸுத்தவண்ணனா • 9. Gihisuttavaṇṇanā
