| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৯. গিহিসুত্তৰণ্ণনা
9. Gihisuttavaṇṇanā
১৭৯. নৰমে সংৰুতকম্মন্তন্তি পিহিতকম্মন্তং। আভিচেতসিকানন্তি উত্তমচিত্তনিস্সিতানং। দিট্ঠধম্মসুখৰিহারানন্তি পচ্চক্খেযেৰ ধম্মে পৰত্তিক্খণে সুখৰিহারানং। অরিযকন্তেহীতি অরিযানং কন্তেহি মগ্গফলসীলেহি।
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
অরিযধম্মং সমাদাযাতি এত্থ অরিযধম্মোতি পঞ্চ সীলানি কথিতানি। মেরযং ৰারুণিন্তি চতুব্বিধং মেরযং পঞ্চৰিধঞ্চ সুরং। ধম্মঞ্চানুৰিতক্কযেতি নৰৰিধং লোকুত্তরধম্মং অনুস্সতিৰসেনেৰ ৰিতক্কেয্য। অব্যাপজ্ঝং হিতং চিত্তন্তি নিদ্দুক্খং মেত্তাদিব্রহ্মৰিহারচিত্তং। দেৰলোকায ভাৰযেতি ব্রহ্মলোকত্থায ভাৰেয্য। পুঞ্ঞত্থস্স জিগীসতোতি পুঞ্ঞেন অত্থিকস্স পুঞ্ঞং গৰেসন্তস্স। সন্তেসূতি বুদ্ধপচ্চেকবুদ্ধতথাগতসাৰকেসু। ৰিপুলা হোতি দক্খিণাতি এৰং দিন্নদানং মহপ্ফলং হোতি। অনুপুব্বেনাতি সীলপূরণাদিনা অনুক্কমেন। সেসং তিকনিপাতে ৰুত্তত্থমেৰ।
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৯. গিহিসুত্তং • 9. Gihisuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯. গিহিসুত্তৰণ্ণনা • 9. Gihisuttavaṇṇanā
