| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๙. คิหิสุตฺตวณฺณนา
9. Gihisuttavaṇṇanā
๑๗๙. นวเม สํวุตกมฺมนฺตนฺติ ปิหิตกมฺมนฺตํฯ อาภิเจตสิกานนฺติ อุตฺตมจิตฺตนิสฺสิตานํฯ ทิฎฺฐธมฺมสุขวิหารานนฺติ ปจฺจเกฺขเยว ธเมฺม ปวตฺติกฺขเณ สุขวิหารานํฯ อริยกเนฺตหีติ อริยานํ กเนฺตหิ มคฺคผลสีเลหิฯ
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
อริยธมฺมํ สมาทายาติ เอตฺถ อริยธโมฺมติ ปญฺจ สีลานิ กถิตานิฯ เมรยํ วารุณินฺติ จตุพฺพิธํ เมรยํ ปญฺจวิธญฺจ สุรํฯ ธมฺมญฺจานุวิตกฺกเยติ นววิธํ โลกุตฺตรธมฺมํ อนุสฺสติวเสเนว วิตเกฺกยฺยฯ อพฺยาปชฺฌํ หิตํ จิตฺตนฺติ นิทฺทุกฺขํ เมตฺตาทิพฺรหฺมวิหารจิตฺตํฯ เทวโลกาย ภาวเยติ พฺรหฺมโลกตฺถาย ภาเวยฺยฯ ปุญฺญตฺถสฺส ชิคีสโตติ ปุเญฺญน อตฺถิกสฺส ปุญฺญํ คเวสนฺตสฺสฯ สเนฺตสูติ พุทฺธปเจฺจกพุทฺธตถาคตสาวเกสุฯ วิปุลา โหติ ทกฺขิณาติ เอวํ ทินฺนทานํ มหปฺผลํ โหติฯ อนุปุเพฺพนาติ สีลปูรณาทินา อนุกฺกเมนฯ เสสํ ติกนิปาเต วุตฺตตฺถเมวฯ
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๙. คิหิสุตฺตํ • 9. Gihisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙. คิหิสุตฺตวณฺณนา • 9. Gihisuttavaṇṇanā
