| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. ගිහිසුත්‌තවණ්‌ණනා
9. Gihisuttavaṇṇanā
179. නවමෙ සංවුතකම්‌මන්‌තන්‌ති පිහිතකම්‌මන්‌තං. ආභිචෙතසිකානන්‌ති උත්‌තමචිත්‌තනිස්‌සිතානං. දිට්‌ඨධම්‌මසුඛවිහාරානන්‌ති පච්‌චක්‌ඛෙයෙව ධම්‌මෙ පවත්‌තික්‌ඛණෙ සුඛවිහාරානං. අරියකන්‌තෙහීති අරියානං කන්‌තෙහි මග්‌ගඵලසීලෙහි.
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
අරියධම්‌මං සමාදායාති එත්‌ථ අරියධම්‌මොති පඤ්‌ච සීලානි කථිතානි. මෙරයං වාරුණින්‌ති චතුබ්‌බිධං මෙරයං පඤ්‌චවිධඤ්‌ච සුරං. ධම්‌මඤ්‌චානුවිතක්‌කයෙති නවවිධං ලොකුත්‌තරධම්‌මං අනුස්‌සතිවසෙනෙව විතක්‌කෙය්‍ය. අබ්‍යාපජ්‌ඣං හිතං චිත්‌තන්‌ති නිද්‌දුක්‌ඛං මෙත්‌තාදිබ්‍රහ්‌මවිහාරචිත්‌තං. දෙවලොකාය භාවයෙති බ්‍රහ්‌මලොකත්‌ථාය භාවෙය්‍ය. පුඤ්‌ඤත්‌ථස්‌ස ජිගීසතොති පුඤ්‌ඤෙන අත්‌ථිකස්‌ස පුඤ්‌ඤං ගවෙසන්‌තස්‌ස. සන්‌තෙසූති බුද්‌ධපච්‌චෙකබුද්‌ධතථාගතසාවකෙසු. විපුලා හොති දක්‌ඛිණාති එවං දින්‌නදානං මහප්‌ඵලං හොති. අනුපුබ්‌බෙනාති සීලපූරණාදිනා අනුක්‌කමෙන. සෙසං තිකනිපාතෙ වුත්‌තත්‌ථමෙව.
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. ගිහිසුත්‌තං • 9. Gihisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. ගිහිසුත්‌තවණ්‌ණනා • 9. Gihisuttavaṇṇanā
