| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਗਿਹਿਸੁਤ੍ਤવਣ੍ਣਨਾ
9. Gihisuttavaṇṇanā
੧੭੯. ਨવਮੇ ਸਂવੁਤਕਮ੍ਮਨ੍ਤਨ੍ਤਿ ਪਿਹਿਤਕਮ੍ਮਨ੍ਤਂ। ਆਭਿਚੇਤਸਿਕਾਨਨ੍ਤਿ ਉਤ੍ਤਮਚਿਤ੍ਤਨਿਸ੍ਸਿਤਾਨਂ। ਦਿਟ੍ਠਧਮ੍ਮਸੁਖવਿਹਾਰਾਨਨ੍ਤਿ ਪਚ੍ਚਕ੍ਖੇਯੇવ ਧਮ੍ਮੇ ਪવਤ੍ਤਿਕ੍ਖਣੇ ਸੁਖવਿਹਾਰਾਨਂ। ਅਰਿਯਕਨ੍ਤੇਹੀਤਿ ਅਰਿਯਾਨਂ ਕਨ੍ਤੇਹਿ ਮਗ੍ਗਫਲਸੀਲੇਹਿ।
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
ਅਰਿਯਧਮ੍ਮਂ ਸਮਾਦਾਯਾਤਿ ਏਤ੍ਥ ਅਰਿਯਧਮ੍ਮੋਤਿ ਪਞ੍ਚ ਸੀਲਾਨਿ ਕਥਿਤਾਨਿ। ਮੇਰਯਂ વਾਰੁਣਿਨ੍ਤਿ ਚਤੁਬ੍ਬਿਧਂ ਮੇਰਯਂ ਪਞ੍ਚવਿਧਞ੍ਚ ਸੁਰਂ। ਧਮ੍ਮਞ੍ਚਾਨੁવਿਤਕ੍ਕਯੇਤਿ ਨવવਿਧਂ ਲੋਕੁਤ੍ਤਰਧਮ੍ਮਂ ਅਨੁਸ੍ਸਤਿવਸੇਨੇવ વਿਤਕ੍ਕੇਯ੍ਯ। ਅਬ੍ਯਾਪਜ੍ਝਂ ਹਿਤਂ ਚਿਤ੍ਤਨ੍ਤਿ ਨਿਦ੍ਦੁਕ੍ਖਂ ਮੇਤ੍ਤਾਦਿਬ੍ਰਹ੍ਮવਿਹਾਰਚਿਤ੍ਤਂ। ਦੇવਲੋਕਾਯ ਭਾવਯੇਤਿ ਬ੍ਰਹ੍ਮਲੋਕਤ੍ਥਾਯ ਭਾવੇਯ੍ਯ। ਪੁਞ੍ਞਤ੍ਥਸ੍ਸ ਜਿਗੀਸਤੋਤਿ ਪੁਞ੍ਞੇਨ ਅਤ੍ਥਿਕਸ੍ਸ ਪੁਞ੍ਞਂ ਗવੇਸਨ੍ਤਸ੍ਸ। ਸਨ੍ਤੇਸੂਤਿ ਬੁਦ੍ਧਪਚ੍ਚੇਕਬੁਦ੍ਧਤਥਾਗਤਸਾવਕੇਸੁ। વਿਪੁਲਾ ਹੋਤਿ ਦਕ੍ਖਿਣਾਤਿ ਏવਂ ਦਿਨ੍ਨਦਾਨਂ ਮਹਪ੍ਫਲਂ ਹੋਤਿ। ਅਨੁਪੁਬ੍ਬੇਨਾਤਿ ਸੀਲਪੂਰਣਾਦਿਨਾ ਅਨੁਕ੍ਕਮੇਨ। ਸੇਸਂ ਤਿਕਨਿਪਾਤੇ વੁਤ੍ਤਤ੍ਥਮੇવ।
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਗਿਹਿਸੁਤ੍ਤਂ • 9. Gihisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਗਿਹਿਸੁਤ੍ਤવਣ੍ਣਨਾ • 9. Gihisuttavaṇṇanā
