| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯. ਗਿਹਿਸੁਤ੍ਤવਣ੍ਣਨਾ
9. Gihisuttavaṇṇanā
੧੭੯. ਨવਮੇ ਆਭਿਚੇਤਸਿਕਾਨਨ੍ਤਿ ਅਭਿਚੇਤੋਤਿ ਅਭਿਕ੍ਕਨ੍ਤਂ વਿਸੁਦ੍ਧਚਿਤ੍ਤਂ વੁਚ੍ਚਤਿ ਅਧਿਚਿਤ੍ਤਂ વਾ, ਅਭਿਚੇਤਸਿ ਜਾਤਾਨਿ ਆਭਿਚੇਤਸਿਕਾਨਿ, ਅਭਿਚੇਤੋ ਸਨ੍ਨਿਸ੍ਸਿਤਾਨੀਤਿ વਾ ਆਭਿਚੇਤਸਿਕਾਨਿ। ਤੇਨੇવਾਹ ‘‘ਉਤ੍ਤਮਚਿਤ੍ਤਨਿਸ੍ਸਿਤਾਨ’’ਨ੍ਤਿ। ਦਿਟ੍ਠਧਮ੍ਮਸੁਖવਿਹਾਰਾਨਨ੍ਤਿ ਦਿਟ੍ਠਧਮ੍ਮੇ ਸੁਖવਿਹਾਰਾਨਂ। ਦਿਟ੍ਠਧਮ੍ਮੋਤਿ ਪਚ੍ਚਕ੍ਖੋ ਅਤ੍ਤਭਾવੋ વੁਚ੍ਚਤਿ, ਤਤ੍ਥ ਸੁਖવਿਹਾਰਾਨਨ੍ਤਿ ਅਤ੍ਥੋ। ਰੂਪਾવਚਰਜ੍ਝਾਨਾਨਮੇਤਂ ਅਧਿવਚਨਂ। ਤਾਨਿ ਹਿ ਅਪ੍ਪੇਤ੍વਾ ਨਿਸਿਨ੍ਨਾ ਝਾਯਿਨੋ ਇਮਸ੍ਮਿਂਯੇવ ਅਤ੍ਤਭਾવੇ ਅਸਂਕਿਲਿਟ੍ਠਂ ਨੇਕ੍ਖਮ੍ਮਸੁਖਂ વਿਨ੍ਦਨ੍ਤਿ, ਤਸ੍ਮਾ ‘‘ਦਿਟ੍ਠਧਮ੍ਮਸੁਖવਿਹਾਰਾਨੀ’’ਤਿ વੁਚ੍ਚਨ੍ਤਿ।
179. Navame ābhicetasikānanti abhicetoti abhikkantaṃ visuddhacittaṃ vuccati adhicittaṃ vā, abhicetasi jātāni ābhicetasikāni, abhiceto sannissitānīti vā ābhicetasikāni. Tenevāha ‘‘uttamacittanissitāna’’nti. Diṭṭhadhammasukhavihārānanti diṭṭhadhamme sukhavihārānaṃ. Diṭṭhadhammoti paccakkho attabhāvo vuccati, tattha sukhavihārānanti attho. Rūpāvacarajjhānānametaṃ adhivacanaṃ. Tāni hi appetvā nisinnā jhāyino imasmiṃyeva attabhāve asaṃkiliṭṭhaṃ nekkhammasukhaṃ vindanti, tasmā ‘‘diṭṭhadhammasukhavihārānī’’ti vuccanti.
ਚਤੁਬ੍ਬਿਧਮੇਰਯਨ੍ਤਿ ਪੁਪ੍ਫਾਸવੋ, ਫਲਾਸવੋ, ਗੁਲ਼ਾਸવੋ, ਮਧ੍વਾਸવੋਤਿ ਏવਂ ਚਤੁਪ੍ਪਭੇਦਂ ਮੇਰਯਂ। ਪਞ੍ਚવਿਧਞ੍ਚ ਸੁਰਨ੍ਤਿ ਪੂવਸੁਰਾ, ਪਿਟ੍ਠਸੁਰਾ, ਓਦਨਸੁਰਾ, ਕਿਣ੍ਣਪਕ੍ਖਿਤ੍ਤਾ, ਸਮ੍ਭਾਰਸਂਯੁਤ੍ਤਾਤਿ ਏવਂ ਪਞ੍ਚਪ੍ਪਭੇਦਂ ਸੁਰਂ। ਪੁਞ੍ਞਂ ਅਤ੍ਥੋ ਏਤਸ੍ਸਾਤਿ ਪੁਞ੍ਞਤ੍ਥੋ। ਯਸ੍ਮਾ ਪਨੇਸ ਪੁਞ੍ਞੇਨ ਅਤ੍ਥਿਕੋ ਨਾਮ ਹੋਤਿ, ਤਸ੍ਮਾ વੁਤ੍ਤਂ ‘‘ਪੁਞ੍ਞੇਨ ਅਤ੍ਥਿਕਸ੍ਸਾ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
Catubbidhamerayanti pupphāsavo, phalāsavo, guḷāsavo, madhvāsavoti evaṃ catuppabhedaṃ merayaṃ. Pañcavidhañca suranti pūvasurā, piṭṭhasurā, odanasurā, kiṇṇapakkhittā, sambhārasaṃyuttāti evaṃ pañcappabhedaṃ suraṃ. Puññaṃ attho etassāti puññattho. Yasmā panesa puññena atthiko nāma hoti, tasmā vuttaṃ ‘‘puññena atthikassā’’ti. Sesamettha uttānameva.
ਗਿਹਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gihisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਗਿਹਿਸੁਤ੍ਤਂ • 9. Gihisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਗਿਹਿਸੁਤ੍ਤવਣ੍ਣਨਾ • 9. Gihisuttavaṇṇanā
