| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. ഗിഹിസുത്തവണ്ണനാ
9. Gihisuttavaṇṇanā
൧൭൯. നവമേ സംവുതകമ്മന്തന്തി പിഹിതകമ്മന്തം. ആഭിചേതസികാനന്തി ഉത്തമചിത്തനിസ്സിതാനം. ദിട്ഠധമ്മസുഖവിഹാരാനന്തി പച്ചക്ഖേയേവ ധമ്മേ പവത്തിക്ഖണേ സുഖവിഹാരാനം. അരിയകന്തേഹീതി അരിയാനം കന്തേഹി മഗ്ഗഫലസീലേഹി.
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
അരിയധമ്മം സമാദായാതി ഏത്ഥ അരിയധമ്മോതി പഞ്ച സീലാനി കഥിതാനി. മേരയം വാരുണിന്തി ചതുബ്ബിധം മേരയം പഞ്ചവിധഞ്ച സുരം. ധമ്മഞ്ചാനുവിതക്കയേതി നവവിധം ലോകുത്തരധമ്മം അനുസ്സതിവസേനേവ വിതക്കേയ്യ. അബ്യാപജ്ഝം ഹിതം ചിത്തന്തി നിദ്ദുക്ഖം മേത്താദിബ്രഹ്മവിഹാരചിത്തം. ദേവലോകായ ഭാവയേതി ബ്രഹ്മലോകത്ഥായ ഭാവേയ്യ. പുഞ്ഞത്ഥസ്സ ജിഗീസതോതി പുഞ്ഞേന അത്ഥികസ്സ പുഞ്ഞം ഗവേസന്തസ്സ. സന്തേസൂതി ബുദ്ധപച്ചേകബുദ്ധതഥാഗതസാവകേസു. വിപുലാ ഹോതി ദക്ഖിണാതി ഏവം ദിന്നദാനം മഹപ്ഫലം ഹോതി. അനുപുബ്ബേനാതി സീലപൂരണാദിനാ അനുക്കമേന. സേസം തികനിപാതേ വുത്തത്ഥമേവ.
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. ഗിഹിസുത്തം • 9. Gihisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. ഗിഹിസുത്തവണ്ണനാ • 9. Gihisuttavaṇṇanā
