| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
156. கி³ஹிவிகதானுஞ்ஞாதாதி³
156. Gihivikatānuññātādi
256. தேன கோ² பன ஸமயேன மனுஸ்ஸானங் மஞ்சம்பி பீட²ம்பி சம்மோனத்³தா⁴னி ஹொந்தி, சம்மவினத்³தா⁴னி. பி⁴க்கூ² குக்குச்சாயந்தா நாபி⁴னிஸீத³ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, கி³ஹிவிகதங் அபி⁴னிஸீதி³துங், ந த்வேவ அபி⁴னிபஜ்ஜிதுந்தி.
256. Tena kho pana samayena manussānaṃ mañcampi pīṭhampi cammonaddhāni honti, cammavinaddhāni. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, gihivikataṃ abhinisīdituṃ, na tveva abhinipajjitunti.
தேன கோ² பன ஸமயேன விஹாரா சம்மவத்³தே⁴ஹி ஓகு³ம்பி²யந்தி 1. பி⁴க்கூ² குக்குச்சாயந்தா நாபி⁴னிஸீத³ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ப³ந்த⁴னமத்தங் அபி⁴னிஸீதி³துந்தி.
Tena kho pana samayena vihārā cammavaddhehi ogumphiyanti 2. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, bandhanamattaṃ abhinisīditunti.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸஉபாஹனா கா³மங் பவிஸந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி கி³ஹீ காமபோ⁴கி³னோ’’தி. ப⁴க³வதோ ஏதமத்த²ங் ஆரோசேஸுங் . ந, பி⁴க்க²வே, ஸஉபாஹனேன கா³மோ பவிஸிதப்³போ³. யோ பவிஸெய்ய, ஆபத்தி து³க்கடஸ்ஸாதி.
Tena kho pana samayena chabbaggiyā bhikkhū saupāhanā gāmaṃ pavisanti. Manussā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ . Na, bhikkhave, saupāhanena gāmo pavisitabbo. Yo paviseyya, āpatti dukkaṭassāti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி, ந ஸக்கோதி வினா உபாஹனேன கா³மங் பவிஸிதுங். ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, கி³லானேன பி⁴க்கு²னா ஸஉபாஹனேன கா³மங் பவிஸிதுந்தி.
Tena kho pana samayena aññataro bhikkhu gilāno hoti, na sakkoti vinā upāhanena gāmaṃ pavisituṃ. Bhagavato etamatthaṃ ārocesuṃ. Anujānāmi, bhikkhave, gilānena bhikkhunā saupāhanena gāmaṃ pavisitunti.
கி³ஹிவிகதானுஞ்ஞாதாதி³ நிட்டி²தா.
Gihivikatānuññātādi niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸப்³ப³சம்மபடிக்கே²பாதி³கதா² • Sabbacammapaṭikkhepādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கி³ஹிவிகதானுஞ்ஞாதாதி³கதா²வண்ணனா • Gihivikatānuññātādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸப்³ப³சம்மபடிக்கே²பாதி³கதா²வண்ணனா • Sabbacammapaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கி³ஹிவிகதானுஞ்ஞாதாதி³கதா²வண்ணனா • Gihivikatānuññātādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 155. ஸப்³ப³சம்மபடிக்கே²பாதி³கதா² • 155. Sabbacammapaṭikkhepādikathā
