| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
১৫৬. গিহিৰিকতানুঞ্ঞাতাদি
156. Gihivikatānuññātādi
২৫৬. তেন খো পন সমযেন মনুস্সানং মঞ্চম্পি পীঠম্পি চম্মোনদ্ধানি হোন্তি, চম্মৰিনদ্ধানি। ভিক্খূ কুক্কুচ্চাযন্তা নাভিনিসীদন্তি। ভগৰতো এতমত্থং আরোচেসুং। অনুজানামি, ভিক্খৰে, গিহিৰিকতং অভিনিসীদিতুং, ন ত্ৰেৰ অভিনিপজ্জিতুন্তি।
256. Tena kho pana samayena manussānaṃ mañcampi pīṭhampi cammonaddhāni honti, cammavinaddhāni. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, gihivikataṃ abhinisīdituṃ, na tveva abhinipajjitunti.
তেন খো পন সমযেন ৰিহারা চম্মৰদ্ধেহি ওগুম্ফিযন্তি 1। ভিক্খূ কুক্কুচ্চাযন্তা নাভিনিসীদন্তি। ভগৰতো এতমত্থং আরোচেসুং। অনুজানামি, ভিক্খৰে, বন্ধনমত্তং অভিনিসীদিতুন্তি।
Tena kho pana samayena vihārā cammavaddhehi ogumphiyanti 2. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, bandhanamattaṃ abhinisīditunti.
তেন খো পন সমযেন ছব্বগ্গিযা ভিক্খূ সউপাহনা গামং পৰিসন্তি। মনুস্সা উজ্ঝাযন্তি খিয্যন্তি ৰিপাচেন্তি – ‘‘সেয্যথাপি গিহী কামভোগিনো’’তি। ভগৰতো এতমত্থং আরোচেসুং । ন, ভিক্খৰে, সউপাহনেন গামো পৰিসিতব্বো। যো পৰিসেয্য, আপত্তি দুক্কটস্সাতি।
Tena kho pana samayena chabbaggiyā bhikkhū saupāhanā gāmaṃ pavisanti. Manussā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ . Na, bhikkhave, saupāhanena gāmo pavisitabbo. Yo paviseyya, āpatti dukkaṭassāti.
তেন খো পন সমযেন অঞ্ঞতরো ভিক্খু গিলানো হোতি, ন সক্কোতি ৰিনা উপাহনেন গামং পৰিসিতুং। ভগৰতো এতমত্থং আরোচেসুং। অনুজানামি, ভিক্খৰে, গিলানেন ভিক্খুনা সউপাহনেন গামং পৰিসিতুন্তি।
Tena kho pana samayena aññataro bhikkhu gilāno hoti, na sakkoti vinā upāhanena gāmaṃ pavisituṃ. Bhagavato etamatthaṃ ārocesuṃ. Anujānāmi, bhikkhave, gilānena bhikkhunā saupāhanena gāmaṃ pavisitunti.
গিহিৰিকতানুঞ্ঞাতাদি নিট্ঠিতা।
Gihivikatānuññātādi niṭṭhitā.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সব্বচম্মপটিক্খেপাদিকথা • Sabbacammapaṭikkhepādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / গিহিৰিকতানুঞ্ঞাতাদিকথাৰণ্ণনা • Gihivikatānuññātādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সব্বচম্মপটিক্খেপাদিকথাৰণ্ণনা • Sabbacammapaṭikkhepādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / গিহিৰিকতানুঞ্ঞাতাদিকথাৰণ্ণনা • Gihivikatānuññātādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৫৫. সব্বচম্মপটিক্খেপাদিকথা • 155. Sabbacammapaṭikkhepādikathā
