| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
கி³ஹிவிகதானுஞ்ஞாதாதி³கதா²வண்ணனா
Gihivikatānuññātādikathāvaṇṇanā
256. அபி⁴னிஸ்ஸாயாதி அபஸ்ஸாய. விஸுகாயிகவிப்ப²ந்தி³தானந்தி படிபக்க²பூ⁴தானங் தி³ட்டி²சித்தவிப்ப²ந்தி³தானந்தி அத்தோ².
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
257. யதிந்த்³ரியந்தி மனிந்த்³ரியவஸேன ஸஞ்ஞதிந்த்³ரியங்.
257.Yatindriyanti manindriyavasena saññatindriyaṃ.
258. பாளியங் அட்ட²கவக்³கி³கானீதி ஸுத்தனிபாதே (ஸு॰ நி॰ 772 ஆத³யோ) அட்ட²கவக்³க³பூ⁴தானி ஸோளஸ ஸுத்தானி. ஏவங் சிரங் அகாஸீதி ஏவங் சிரகாலங் பப்³ப³ஜ்ஜங் அனுபக³ந்த்வா அகா³ரமஜ்ஜே² கேன காரணேன வாஸமகாஸீதி அத்தோ². ஸோ கிர மஜ்ஜி²மவயே பப்³ப³ஜிதோ, தேன ப⁴க³வா ஏவமாஹ. ஏதமத்த²ங் விதி³த்வாதி காமேஸு தி³ட்டா²தீ³னவா சிராயித்வாபி க⁴ராவாஸேன பக்க²ந்த³ந்தீதி ஏதமத்த²ங் ஸப்³பா³காரதோ விதி³த்வா.
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
ஆதீ³னவங் லோகேதி ஸங்கா²ரலோகே அனிச்சதாதி³ஆதீ³னவங். நிருபதி⁴ந்தி நிப்³பா³னங். ‘‘அரியோ ந ரமதீ பாபே’’தி இமஸ்ஸ ஹேதுமாஹ ‘‘பாபே ந ரமதீ ஸுசீ’’தி. தத்த² ஸுசீதி விஸுத்³த⁴புக்³க³லோ.
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
259. காளஸீஹோதி காளமுக²வானரஜாதி. சம்மங் ந வட்டதீதி நிஸீத³னத்த²ரணங் காதுங் ந வட்டதி, பூ⁴மத்த²ரணாதி³வஸேன ஸேனாஸனபரிபோ⁴கோ³ வட்டதேவ.
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
கி³ஹிவிகதானுஞ்ஞாதாதி³கதா²வண்ணனா நிட்டி²தா.
Gihivikatānuññātādikathāvaṇṇanā niṭṭhitā.
சம்மக்க²ந்த⁴கவண்ணனானயோ நிட்டி²தோ.
Cammakkhandhakavaṇṇanānayo niṭṭhito.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
156. கி³ஹிவிகதானுஞ்ஞாதாதி³ • 156. Gihivikatānuññātādi
157. ஸோணகுடிகண்ணவத்து² • 157. Soṇakuṭikaṇṇavatthu
158. மஹாகச்சானஸ்ஸ பஞ்சவரபரித³ஸ்ஸனா • 158. Mahākaccānassa pañcavaraparidassanā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸப்³ப³சம்மபடிக்கே²பாதி³கதா² • Sabbacammapaṭikkhepādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
கி³ஹிவிகதானுஞ்ஞாதாதி³கதா²வண்ணனா • Gihivikatānuññātādikathāvaṇṇanā
ஸோணகுடிகண்ணவத்து²கதா²வண்ணனா • Soṇakuṭikaṇṇavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸப்³ப³சம்மபடிக்கே²பாதி³கதா²வண்ணனா • Sabbacammapaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
155. ஸப்³ப³சம்மபடிக்கே²பாதி³கதா² • 155. Sabbacammapaṭikkhepādikathā
157. ஸோணகுடிகண்ணவத்து²கதா² • 157. Soṇakuṭikaṇṇavatthukathā
