| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
गिहिविकतानुञ्ञातादिकथावण्णना
Gihivikatānuññātādikathāvaṇṇanā
२५६. अभिनिस्सायाति अपस्साय। विसुकायिकविप्फन्दितानन्ति पटिपक्खभूतानं दिट्ठिचित्तविप्फन्दितानन्ति अत्थो।
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
२५७. यतिन्द्रियन्ति मनिन्द्रियवसेन सञ्ञतिन्द्रियं।
257.Yatindriyanti manindriyavasena saññatindriyaṃ.
२५८. पाळियं अट्ठकवग्गिकानीति सुत्तनिपाते (सु॰ नि॰ ७७२ आदयो) अट्ठकवग्गभूतानि सोळस सुत्तानि। एवं चिरं अकासीति एवं चिरकालं पब्बज्जं अनुपगन्त्वा अगारमज्झे केन कारणेन वासमकासीति अत्थो। सो किर मज्झिमवये पब्बजितो, तेन भगवा एवमाह। एतमत्थं विदित्वाति कामेसु दिट्ठादीनवा चिरायित्वापि घरावासेन पक्खन्दन्तीति एतमत्थं सब्बाकारतो विदित्वा।
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
आदीनवं लोकेति सङ्खारलोके अनिच्चतादिआदीनवं। निरुपधिन्ति निब्बानं। ‘‘अरियो न रमती पापे’’ति इमस्स हेतुमाह ‘‘पापे न रमती सुची’’ति। तत्थ सुचीति विसुद्धपुग्गलो।
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
२५९. काळसीहोति काळमुखवानरजाति। चम्मं न वट्टतीति निसीदनत्थरणं कातुं न वट्टति, भूमत्थरणादिवसेन सेनासनपरिभोगो वट्टतेव।
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
गिहिविकतानुञ्ञातादिकथावण्णना निट्ठिता।
Gihivikatānuññātādikathāvaṇṇanā niṭṭhitā.
चम्मक्खन्धकवण्णनानयो निट्ठितो।
Cammakkhandhakavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
१५६. गिहिविकतानुञ्ञातादि • 156. Gihivikatānuññātādi
१५७. सोणकुटिकण्णवत्थु • 157. Soṇakuṭikaṇṇavatthu
१५८. महाकच्चानस्स पञ्चवरपरिदस्सना • 158. Mahākaccānassa pañcavaraparidassanā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / सब्बचम्मपटिक्खेपादिकथा • Sabbacammapaṭikkhepādikathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
गिहिविकतानुञ्ञातादिकथावण्णना • Gihivikatānuññātādikathāvaṇṇanā
सोणकुटिकण्णवत्थुकथावण्णना • Soṇakuṭikaṇṇavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / सब्बचम्मपटिक्खेपादिकथावण्णना • Sabbacammapaṭikkhepādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
१५५. सब्बचम्मपटिक्खेपादिकथा • 155. Sabbacammapaṭikkhepādikathā
१५७. सोणकुटिकण्णवत्थुकथा • 157. Soṇakuṭikaṇṇavatthukathā
