| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
คิหิวิกตานุญฺญาตาทิกถาวณฺณนา
Gihivikatānuññātādikathāvaṇṇanā
๒๕๖. อภินิสฺสายาติ อปสฺสายฯ วิสุกายิกวิปฺผนฺทิตานนฺติ ปฎิปกฺขภูตานํ ทิฎฺฐิจิตฺตวิปฺผนฺทิตานนฺติ อโตฺถฯ
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
๒๕๗. ยตินฺทฺริยนฺติ มนินฺทฺริยวเสน สญฺญตินฺทฺริยํฯ
257.Yatindriyanti manindriyavasena saññatindriyaṃ.
๒๕๘. ปาฬิยํ อฎฺฐกวคฺคิกานีติ สุตฺตนิปาเต (สุ. นิ. ๗๗๒ อาทโย) อฎฺฐกวคฺคภูตานิ โสฬส สุตฺตานิฯ เอวํ จิรํ อกาสีติ เอวํ จิรกาลํ ปพฺพชฺชํ อนุปคนฺตฺวา อคารมเชฺฌ เกน การเณน วาสมกาสีติ อโตฺถฯ โส กิร มชฺฌิมวเย ปพฺพชิโต, เตน ภควา เอวมาหฯ เอตมตฺถํ วิทิตฺวาติ กาเมสุ ทิฎฺฐาทีนวา จิรายิตฺวาปิ ฆราวาเสน ปกฺขนฺทนฺตีติ เอตมตฺถํ สพฺพาการโต วิทิตฺวาฯ
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
อาทีนวํ โลเกติ สงฺขารโลเก อนิจฺจตาทิอาทีนวํฯ นิรุปธินฺติ นิพฺพานํฯ ‘‘อริโย น รมตี ปาเป’’ติ อิมสฺส เหตุมาห ‘‘ปาเป น รมตี สุจี’’ติฯ ตตฺถ สุจีติ วิสุทฺธปุคฺคโลฯ
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
๒๕๙. กาฬสีโหติ กาฬมุขวานรชาติฯ จมฺมํ น วฎฺฎตีติ นิสีทนตฺถรณํ กาตุํ น วฎฺฎติ, ภูมตฺถรณาทิวเสน เสนาสนปริโภโค วฎฺฎเตวฯ
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
คิหิวิกตานุญฺญาตาทิกถาวณฺณนา นิฎฺฐิตาฯ
Gihivikatānuññātādikathāvaṇṇanā niṭṭhitā.
จมฺมกฺขนฺธกวณฺณนานโย นิฎฺฐิโตฯ
Cammakkhandhakavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๕๖. คิหิวิกตานุญฺญาตาทิ • 156. Gihivikatānuññātādi
๑๕๗. โสณกุฎิกณฺณวตฺถุ • 157. Soṇakuṭikaṇṇavatthu
๑๕๘. มหากจฺจานสฺส ปญฺจวรปริทสฺสนา • 158. Mahākaccānassa pañcavaraparidassanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สพฺพจมฺมปฎิเกฺขปาทิกถา • Sabbacammapaṭikkhepādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
คิหิวิกตานุญฺญาตาทิกถาวณฺณนา • Gihivikatānuññātādikathāvaṇṇanā
โสณกุฎิกณฺณวตฺถุกถาวณฺณนา • Soṇakuṭikaṇṇavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สพฺพจมฺมปฎิเกฺขปาทิกถาวณฺณนา • Sabbacammapaṭikkhepādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑๕๕. สพฺพจมฺมปฎิเกฺขปาทิกถา • 155. Sabbacammapaṭikkhepādikathā
๑๕๗. โสณกุฎิกณฺณวตฺถุกถา • 157. Soṇakuṭikaṇṇavatthukathā
