| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ဂိဟိဝိကတာနုညာတာဒိကထာဝဏ္ဏနာ
Gihivikatānuññātādikathāvaṇṇanā
၂၅၆. အဘိနိသ္သာယာတိ အပသ္သာယ။ ဝိသုကာယိကဝိပ္ဖန္ဒိတာနန္တိ ပဋိပက္ခဘူတာနံ ဒိဋ္ဌိစိတ္တဝိပ္ဖန္ဒိတာနန္တိ အတ္ထော။
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
၂၅၇. ယတိန္ဒ္ရိယန္တိ မနိန္ဒ္ရိယဝသေန သညတိန္ဒ္ရိယံ။
257.Yatindriyanti manindriyavasena saññatindriyaṃ.
၂၅၈. ပာဠိယံ အဋ္ဌကဝဂ္ဂိကာနီတိ သုတ္တနိပာတေ (သု. နိ. ၇၇၂ အာဒယော) အဋ္ဌကဝဂ္ဂဘူတာနိ သောဠသ သုတ္တာနိ။ ဧဝံ စိရံ အကာသီတိ ဧဝံ စိရကာလံ ပဗ္ဗဇ္ဇံ အနုပဂန္တ္ဝာ အဂာရမဇ္ဈေ ကေန ကာရဏေန ဝာသမကာသီတိ အတ္ထော။ သော ကိရ မဇ္ဈိမဝယေ ပဗ္ဗဇိတော, တေန ဘဂဝာ ဧဝမာဟ။ ဧတမတ္ထံ ဝိဒိတ္ဝာတိ ကာမေသု ဒိဋ္ဌာဒီနဝာ စိရာယိတ္ဝာပိ ဃရာဝာသေန ပက္ခန္ဒန္တီတိ ဧတမတ္ထံ သဗ္ဗာကာရတော ဝိဒိတ္ဝာ။
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
အာဒီနဝံ လောကေတိ သင္ခာရလောကေ အနိစ္စတာဒိအာဒီနဝံ။ နိရုပဓိန္တိ နိဗ္ဗာနံ။ ‘‘အရိယော န ရမတီ ပာပေ’’တိ ဣမသ္သ ဟေတုမာဟ ‘‘ပာပေ န ရမတီ သုစီ’’တိ။ တတ္ထ သုစီတိ ဝိသုဒ္ဓပုဂ္ဂလော။
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
၂၅၉. ကာဠသီဟောတိ ကာဠမုခဝာနရဇာတိ။ စမ္မံ န ဝဋ္ဋတီတိ နိသီဒနတ္ထရဏံ ကာတုံ န ဝဋ္ဋတိ, ဘူမတ္ထရဏာဒိဝသေန သေနာသနပရိဘောဂော ဝဋ္ဋတေဝ။
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
ဂိဟိဝိကတာနုညာတာဒိကထာဝဏ္ဏနာ နိဋ္ဌိတာ။
Gihivikatānuññātādikathāvaṇṇanā niṭṭhitā.
စမ္မက္ခန္ဓကဝဏ္ဏနာနယော နိဋ္ဌိတော။
Cammakkhandhakavaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၅၆. ဂိဟိဝိကတာနုညာတာဒိ • 156. Gihivikatānuññātādi
၁၅၇. သောဏကုဋိကဏ္ဏဝတ္ထု • 157. Soṇakuṭikaṇṇavatthu
၁၅၈. မဟာကစ္စာနသ္သ ပဉ္စဝရပရိဒသ္သနာ • 158. Mahākaccānassa pañcavaraparidassanā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သဗ္ဗစမ္မပဋိက္ခေပာဒိကထာ • Sabbacammapaṭikkhepādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
ဂိဟိဝိကတာနုညာတာဒိကထာဝဏ္ဏနာ • Gihivikatānuññātādikathāvaṇṇanā
သောဏကုဋိကဏ္ဏဝတ္ထုကထာဝဏ္ဏနာ • Soṇakuṭikaṇṇavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သဗ္ဗစမ္မပဋိက္ခေပာဒိကထာဝဏ္ဏနာ • Sabbacammapaṭikkhepādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁၅၅. သဗ္ဗစမ္မပဋိက္ခေပာဒိကထာ • 155. Sabbacammapaṭikkhepādikathā
၁၅၇. သောဏကုဋိကဏ္ဏဝတ္ထုကထာ • 157. Soṇakuṭikaṇṇavatthukathā
