| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಗಿಹಿವಿಕತಾನುಞ್ಞಾತಾದಿಕಥಾವಣ್ಣನಾ
Gihivikatānuññātādikathāvaṇṇanā
೨೫೬. ಅಭಿನಿಸ್ಸಾಯಾತಿ ಅಪಸ್ಸಾಯ। ವಿಸುಕಾಯಿಕವಿಪ್ಫನ್ದಿತಾನನ್ತಿ ಪಟಿಪಕ್ಖಭೂತಾನಂ ದಿಟ್ಠಿಚಿತ್ತವಿಪ್ಫನ್ದಿತಾನನ್ತಿ ಅತ್ಥೋ।
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
೨೫೭. ಯತಿನ್ದ್ರಿಯನ್ತಿ ಮನಿನ್ದ್ರಿಯವಸೇನ ಸಞ್ಞತಿನ್ದ್ರಿಯಂ।
257.Yatindriyanti manindriyavasena saññatindriyaṃ.
೨೫೮. ಪಾಳಿಯಂ ಅಟ್ಠಕವಗ್ಗಿಕಾನೀತಿ ಸುತ್ತನಿಪಾತೇ (ಸು॰ ನಿ॰ ೭೭೨ ಆದಯೋ) ಅಟ್ಠಕವಗ್ಗಭೂತಾನಿ ಸೋಳಸ ಸುತ್ತಾನಿ। ಏವಂ ಚಿರಂ ಅಕಾಸೀತಿ ಏವಂ ಚಿರಕಾಲಂ ಪಬ್ಬಜ್ಜಂ ಅನುಪಗನ್ತ್ವಾ ಅಗಾರಮಜ್ಝೇ ಕೇನ ಕಾರಣೇನ ವಾಸಮಕಾಸೀತಿ ಅತ್ಥೋ। ಸೋ ಕಿರ ಮಜ್ಝಿಮವಯೇ ಪಬ್ಬಜಿತೋ, ತೇನ ಭಗವಾ ಏವಮಾಹ। ಏತಮತ್ಥಂ ವಿದಿತ್ವಾತಿ ಕಾಮೇಸು ದಿಟ್ಠಾದೀನವಾ ಚಿರಾಯಿತ್ವಾಪಿ ಘರಾವಾಸೇನ ಪಕ್ಖನ್ದನ್ತೀತಿ ಏತಮತ್ಥಂ ಸಬ್ಬಾಕಾರತೋ ವಿದಿತ್ವಾ।
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
ಆದೀನವಂ ಲೋಕೇತಿ ಸಙ್ಖಾರಲೋಕೇ ಅನಿಚ್ಚತಾದಿಆದೀನವಂ। ನಿರುಪಧಿನ್ತಿ ನಿಬ್ಬಾನಂ। ‘‘ಅರಿಯೋ ನ ರಮತೀ ಪಾಪೇ’’ತಿ ಇಮಸ್ಸ ಹೇತುಮಾಹ ‘‘ಪಾಪೇ ನ ರಮತೀ ಸುಚೀ’’ತಿ। ತತ್ಥ ಸುಚೀತಿ ವಿಸುದ್ಧಪುಗ್ಗಲೋ।
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
೨೫೯. ಕಾಳಸೀಹೋತಿ ಕಾಳಮುಖವಾನರಜಾತಿ। ಚಮ್ಮಂ ನ ವಟ್ಟತೀತಿ ನಿಸೀದನತ್ಥರಣಂ ಕಾತುಂ ನ ವಟ್ಟತಿ, ಭೂಮತ್ಥರಣಾದಿವಸೇನ ಸೇನಾಸನಪರಿಭೋಗೋ ವಟ್ಟತೇವ।
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
ಗಿಹಿವಿಕತಾನುಞ್ಞಾತಾದಿಕಥಾವಣ್ಣನಾ ನಿಟ್ಠಿತಾ।
Gihivikatānuññātādikathāvaṇṇanā niṭṭhitā.
ಚಮ್ಮಕ್ಖನ್ಧಕವಣ್ಣನಾನಯೋ ನಿಟ್ಠಿತೋ।
Cammakkhandhakavaṇṇanānayo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೫೬. ಗಿಹಿವಿಕತಾನುಞ್ಞಾತಾದಿ • 156. Gihivikatānuññātādi
೧೫೭. ಸೋಣಕುಟಿಕಣ್ಣವತ್ಥು • 157. Soṇakuṭikaṇṇavatthu
೧೫೮. ಮಹಾಕಚ್ಚಾನಸ್ಸ ಪಞ್ಚವರಪರಿದಸ್ಸನಾ • 158. Mahākaccānassa pañcavaraparidassanā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಸಬ್ಬಚಮ್ಮಪಟಿಕ್ಖೇಪಾದಿಕಥಾ • Sabbacammapaṭikkhepādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಗಿಹಿವಿಕತಾನುಞ್ಞಾತಾದಿಕಥಾವಣ್ಣನಾ • Gihivikatānuññātādikathāvaṇṇanā
ಸೋಣಕುಟಿಕಣ್ಣವತ್ಥುಕಥಾವಣ್ಣನಾ • Soṇakuṭikaṇṇavatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಸಬ್ಬಚಮ್ಮಪಟಿಕ್ಖೇಪಾದಿಕಥಾವಣ್ಣನಾ • Sabbacammapaṭikkhepādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
೧೫೫. ಸಬ್ಬಚಮ್ಮಪಟಿಕ್ಖೇಪಾದಿಕಥಾ • 155. Sabbacammapaṭikkhepādikathā
೧೫೭. ಸೋಣಕುಟಿಕಣ್ಣವತ್ಥುಕಥಾ • 157. Soṇakuṭikaṇṇavatthukathā
