| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
১০. গিলানদস্সনসুত্তৰণ্ণনা
10. Gilānadassanasuttavaṇṇanā
৩৫২. দসমে আরামদেৰতাতি পুপ্ফারামফলারামেসু অধিৰত্থা দেৰতা। ৰনদেৰতাতি ৰনসণ্ডেসু অধিৰত্থা দেৰতা। রুক্খদেৰতাতি মত্তরাজকালে ৰেস্সৰণো চ দেৰতাতি এৰং তেসু তেসু রুক্খেসু অধিৰত্থা দেৰতা। ওসধিতিণৰনপ্পতীসূতি হরীতকামলকীআদীসু মুঞ্জপব্বজাদীসু ৰনজেট্ঠরুক্খেসু চ অধিৰত্থা দেৰতা। সংগম্মাতি সন্নিপতিত্ৰা। সমাগম্মাতি ততো ততো সমাগন্ত্ৰা। পণিধেহীতি পত্থনাৰসেন ঠপেহি। ইজ্ঝিস্সতি সীলৰতো চেতোপণিধীতি সমিজ্ঝিস্সতি সীলৰন্তস্স চিত্তপত্থনা। ধম্মিকোতি দসকুসলধম্মসমন্নাগতো অগতিগমনরহিতো। ধম্মরাজাতি তস্সেৰ ৰেৰচনং, ধম্মেন ৰা লদ্ধরজ্জত্তা ধম্মরাজা। তস্মাতি ‘‘যস্মা তেন হি, অয্যপুত্ত, অম্হেপি ওৰদাহী’’তি ৰদথ, তস্মা। অপ্পটিৰিভত্তন্তি ‘‘ইদং ভিক্খূনং দস্সাম, ইদং অত্তনা ভুঞ্জিস্সামা’’তি এৰং অৰিভত্তং ভিক্খূহি সদ্ধিং সাধারণমেৰ ভৰিস্সতীতি।
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
চিত্তসংযুত্তৰণ্ণনা নিট্ঠিতা।
Cittasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. গিলানদস্সনসুত্তং • 10. Gilānadassanasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. গিলানদস্সনসুত্তৰণ্ণনা • 10. Gilānadassanasuttavaṇṇanā
