| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. г̇илаанад̣̇ассанасуд̇д̇аван̣н̣анаа
10. Gilānadassanasuttavaṇṇanā
352. д̣̇асамз аараамад̣̇звад̇аад̇и бубпаараамапалаараамзсу ад̇хивад̇т̇аа д̣̇звад̇аа. ванад̣̇звад̇аад̇и ванасан̣д̣зсу ад̇хивад̇т̇аа д̣̇звад̇аа. ругкад̣̇звад̇аад̇и мад̇д̇арааж̇агаалз взссаван̣о жа д̣̇звад̇аад̇и звам̣ д̇зсу д̇зсу ругкзсу ад̇хивад̇т̇аа д̣̇звад̇аа. осад̇хид̇ин̣аванаббад̇ийсууд̇и харийд̇агаамалагийаад̣̇ийсу мун̃ж̇абаб̣б̣аж̇аад̣̇ийсу ванаж̇здтаругкзсу жа ад̇хивад̇т̇аа д̣̇звад̇аа. сам̣г̇аммаад̇и саннибад̇ид̇ваа. самааг̇аммаад̇и д̇ад̇о д̇ад̇о самааг̇анд̇ваа. бан̣ид̇хзхийд̇и бад̇т̇анаавасзна табзхи. иж̇жхиссад̇и сийлавад̇о жзд̇обан̣ид̇хийд̇и самиж̇жхиссад̇и сийлаванд̇асса жид̇д̇абад̇т̇анаа. д̇хаммигод̇и д̣̇асагусалад̇хаммасаманнааг̇ад̇о аг̇ад̇иг̇аманарахид̇о. д̇хаммарааж̇аад̇и д̇ассзва взважанам̣, д̇хаммзна ваа лад̣̇д̇хараж̇ж̇ад̇д̇аа д̇хаммарааж̇аа. д̇асмаад̇и ‘‘яасмаа д̇зна хи, аяяабуд̇д̇а, амхзби овад̣̇аахий’’д̇и вад̣̇ат̇а, д̇асмаа. аббадивибхад̇д̇анд̇и ‘‘ид̣̇ам̣ бхигкуунам̣ д̣̇ассаама, ид̣̇ам̣ ад̇д̇анаа бхун̃ж̇иссаамаа’’д̇и звам̣ авибхад̇д̇ам̣ бхигкуухи сад̣̇д̇хим̣ саад̇хааран̣амзва бхависсад̇ийд̇и.
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
жид̇д̇асам̣яуд̇д̇аван̣н̣анаа нидтид̇аа.
Cittasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. г̇илаанад̣̇ассанасуд̇д̇ам̣ • 10. Gilānadassanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. г̇илаанад̣̇ассанасуд̇д̇аван̣н̣анаа • 10. Gilānadassanasuttavaṇṇanā
