| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
१०. गिलानदस्सनसुत्तवण्णना
10. Gilānadassanasuttavaṇṇanā
३५२. दसमे आरामदेवताति पुप्फारामफलारामेसु अधिवत्था देवता। वनदेवताति वनसण्डेसु अधिवत्था देवता। रुक्खदेवताति मत्तराजकाले वेस्सवणो च देवताति एवं तेसु तेसु रुक्खेसु अधिवत्था देवता। ओसधितिणवनप्पतीसूति हरीतकामलकीआदीसु मुञ्जपब्बजादीसु वनजेट्ठरुक्खेसु च अधिवत्था देवता। संगम्माति सन्निपतित्वा। समागम्माति ततो ततो समागन्त्वा। पणिधेहीति पत्थनावसेन ठपेहि। इज्झिस्सति सीलवतो चेतोपणिधीति समिज्झिस्सति सीलवन्तस्स चित्तपत्थना। धम्मिकोति दसकुसलधम्मसमन्नागतो अगतिगमनरहितो। धम्मराजाति तस्सेव वेवचनं, धम्मेन वा लद्धरज्जत्ता धम्मराजा। तस्माति ‘‘यस्मा तेन हि, अय्यपुत्त, अम्हेपि ओवदाही’’ति वदथ, तस्मा। अप्पटिविभत्तन्ति ‘‘इदं भिक्खूनं दस्साम, इदं अत्तना भुञ्जिस्सामा’’ति एवं अविभत्तं भिक्खूहि सद्धिं साधारणमेव भविस्सतीति।
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
चित्तसंयुत्तवण्णना निट्ठिता।
Cittasaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. गिलानदस्सनसुत्तं • 10. Gilānadassanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १०. गिलानदस्सनसुत्तवण्णना • 10. Gilānadassanasuttavaṇṇanā
