| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១០. គិលានទស្សនសុត្តវណ្ណនា
10. Gilānadassanasuttavaṇṇanā
៣៥២. មត្តរាជា នាម ឯកោ ភុម្មទេវោ ភូតាធិបតិ សុរាបោតលរុក្ខនិវាសី។ តេន វុត្តំ ‘‘មត្តរាជកាលេ’’តិ។ ‘‘ឱសធិតិណវនប្បតីសូ’’តិ វត្វា តេ យថាក្កមំ ទស្សេន្តោ ‘‘ហរីតកា…បេ.… រុក្ខេសុ ចា’’តិ អាហ។ បត្ថនាវសេន ចិត្តំ ឋបេហិ។ សមិជ្ឈិស្សតីតិ យថាធិប្បាយំ សមិជ្ឈិស្សតិ។ តេន ហីតិ យស្មា តំ ទេវាបិ អាសន្នមរណំ មញ្ញន្តិ, តស្មា សា វរមេវ ភវិស្សតិ, តំ តុម្ហាកំ ទីឃរត្តំ ហិតាយ សុខាយ ភវិស្សតីតិ អធិប្បាយោ។
352. Mattarājā nāma eko bhummadevo bhūtādhipati surāpotalarukkhanivāsī. Tena vuttaṃ ‘‘mattarājakāle’’ti. ‘‘Osadhitiṇavanappatīsū’’ti vatvā te yathākkamaṃ dassento ‘‘harītakā…pe… rukkhesu cā’’ti āha. Patthanāvasena cittaṃ ṭhapehi. Samijjhissatīti yathādhippāyaṃ samijjhissati. Tena hīti yasmā taṃ devāpi āsannamaraṇaṃ maññanti, tasmā sā varameva bhavissati, taṃ tumhākaṃ dīgharattaṃ hitāya sukhāya bhavissatīti adhippāyo.
គិលានទស្សនសុត្តវណ្ណនា និដ្ឋិតា។
Gilānadassanasuttavaṇṇanā niṭṭhitā.
ចិត្តសំយុត្តវណ្ណនា និដ្ឋិតា។
Cittasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. គិលានទស្សនសុត្តំ • 10. Gilānadassanasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. គិលានទស្សនសុត្តវណ្ណនា • 10. Gilānadassanasuttavaṇṇanā
