| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೦. ಗಿಲಾನದಸ್ಸನಸುತ್ತವಣ್ಣನಾ
10. Gilānadassanasuttavaṇṇanā
೩೫೨. ದಸಮೇ ಆರಾಮದೇವತಾತಿ ಪುಪ್ಫಾರಾಮಫಲಾರಾಮೇಸು ಅಧಿವತ್ಥಾ ದೇವತಾ। ವನದೇವತಾತಿ ವನಸಣ್ಡೇಸು ಅಧಿವತ್ಥಾ ದೇವತಾ। ರುಕ್ಖದೇವತಾತಿ ಮತ್ತರಾಜಕಾಲೇ ವೇಸ್ಸವಣೋ ಚ ದೇವತಾತಿ ಏವಂ ತೇಸು ತೇಸು ರುಕ್ಖೇಸು ಅಧಿವತ್ಥಾ ದೇವತಾ। ಓಸಧಿತಿಣವನಪ್ಪತೀಸೂತಿ ಹರೀತಕಾಮಲಕೀಆದೀಸು ಮುಞ್ಜಪಬ್ಬಜಾದೀಸು ವನಜೇಟ್ಠರುಕ್ಖೇಸು ಚ ಅಧಿವತ್ಥಾ ದೇವತಾ। ಸಂಗಮ್ಮಾತಿ ಸನ್ನಿಪತಿತ್ವಾ। ಸಮಾಗಮ್ಮಾತಿ ತತೋ ತತೋ ಸಮಾಗನ್ತ್ವಾ। ಪಣಿಧೇಹೀತಿ ಪತ್ಥನಾವಸೇನ ಠಪೇಹಿ। ಇಜ್ಝಿಸ್ಸತಿ ಸೀಲವತೋ ಚೇತೋಪಣಿಧೀತಿ ಸಮಿಜ್ಝಿಸ್ಸತಿ ಸೀಲವನ್ತಸ್ಸ ಚಿತ್ತಪತ್ಥನಾ। ಧಮ್ಮಿಕೋತಿ ದಸಕುಸಲಧಮ್ಮಸಮನ್ನಾಗತೋ ಅಗತಿಗಮನರಹಿತೋ। ಧಮ್ಮರಾಜಾತಿ ತಸ್ಸೇವ ವೇವಚನಂ, ಧಮ್ಮೇನ ವಾ ಲದ್ಧರಜ್ಜತ್ತಾ ಧಮ್ಮರಾಜಾ। ತಸ್ಮಾತಿ ‘‘ಯಸ್ಮಾ ತೇನ ಹಿ, ಅಯ್ಯಪುತ್ತ, ಅಮ್ಹೇಪಿ ಓವದಾಹೀ’’ತಿ ವದಥ, ತಸ್ಮಾ। ಅಪ್ಪಟಿವಿಭತ್ತನ್ತಿ ‘‘ಇದಂ ಭಿಕ್ಖೂನಂ ದಸ್ಸಾಮ, ಇದಂ ಅತ್ತನಾ ಭುಞ್ಜಿಸ್ಸಾಮಾ’’ತಿ ಏವಂ ಅವಿಭತ್ತಂ ಭಿಕ್ಖೂಹಿ ಸದ್ಧಿಂ ಸಾಧಾರಣಮೇವ ಭವಿಸ್ಸತೀತಿ।
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
ಚಿತ್ತಸಂಯುತ್ತವಣ್ಣನಾ ನಿಟ್ಠಿತಾ।
Cittasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಗಿಲಾನದಸ್ಸನಸುತ್ತಂ • 10. Gilānadassanasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦. ಗಿಲಾನದಸ್ಸನಸುತ್ತವಣ್ಣನಾ • 10. Gilānadassanasuttavaṇṇanā
