| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༠. གིལཱནདསྶནསུཏྟཝཎྞནཱ
10. Gilānadassanasuttavaṇṇanā
༣༥༢. དསམེ ཨཱརཱམདེཝཏཱཏི པུཔྥཱརཱམཕལཱརཱམེསུ ཨདྷིཝཏྠཱ དེཝཏཱ། ཝནདེཝཏཱཏི ཝནསཎྜེསུ ཨདྷིཝཏྠཱ དེཝཏཱ། རུཀྑདེཝཏཱཏི མཏྟརཱཛཀཱལེ ཝེསྶཝཎོ ཙ དེཝཏཱཏི ཨེཝཾ ཏེསུ ཏེསུ རུཀྑེསུ ཨདྷིཝཏྠཱ དེཝཏཱ། ཨོསདྷིཏིཎཝནཔྤཏཱིསཱུཏི ཧརཱིཏཀཱམལཀཱིཨཱདཱིསུ མུཉྫཔབྦཛཱདཱིསུ ཝནཛེཊྛརུཀྑེསུ ཙ ཨདྷིཝཏྠཱ དེཝཏཱ། སཾགམྨཱཏི སནྣིཔཏིཏྭཱ། སམཱགམྨཱཏི ཏཏོ ཏཏོ སམཱགནྟྭཱ། པཎིདྷེཧཱིཏི པཏྠནཱཝསེན ཋཔེཧི། ཨིཛ྄ཛྷིསྶཏི སཱིལཝཏོ ཙེཏོཔཎིདྷཱིཏི སམིཛ྄ཛྷིསྶཏི སཱིལཝནྟསྶ ཙིཏྟཔཏྠནཱ། དྷམྨིཀོཏི དསཀུསལདྷམྨསམནྣཱགཏོ ཨགཏིགམནརཧིཏོ། དྷམྨརཱཛཱཏི ཏསྶེཝ ཝེཝཙནཾ, དྷམྨེན ཝཱ ལདྡྷརཛྫཏྟཱ དྷམྨརཱཛཱ། ཏསྨཱཏི ‘‘ཡསྨཱ ཏེན ཧི, ཨཡྻཔུཏྟ, ཨམྷེཔི ཨོཝདཱཧཱི’’ཏི ཝདཐ, ཏསྨཱ། ཨཔྤཊིཝིབྷཏྟནྟི ‘‘ཨིདཾ བྷིཀྑཱུནཾ དསྶཱམ, ཨིདཾ ཨཏྟནཱ བྷུཉྫིསྶཱམཱ’’ཏི ཨེཝཾ ཨཝིབྷཏྟཾ བྷིཀྑཱུཧི སདྡྷིཾ སཱདྷཱརཎམེཝ བྷཝིསྶཏཱིཏི།
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
ཙིཏྟསཾཡུཏྟཝཎྞནཱ ནིཊྛིཏཱ།
Cittasaṃyuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. གིལཱནདསྶནསུཏྟཾ • 10. Gilānadassanasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. གིལཱནདསྶནསུཏྟཝཎྞནཱ • 10. Gilānadassanasuttavaṇṇanā
