| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਗਿਲਾਨਦਸ੍ਸਨਸੁਤ੍ਤવਣ੍ਣਨਾ
10. Gilānadassanasuttavaṇṇanā
੩੫੨. ਦਸਮੇ ਆਰਾਮਦੇવਤਾਤਿ ਪੁਪ੍ਫਾਰਾਮਫਲਾਰਾਮੇਸੁ ਅਧਿવਤ੍ਥਾ ਦੇવਤਾ। વਨਦੇવਤਾਤਿ વਨਸਣ੍ਡੇਸੁ ਅਧਿવਤ੍ਥਾ ਦੇવਤਾ। ਰੁਕ੍ਖਦੇવਤਾਤਿ ਮਤ੍ਤਰਾਜਕਾਲੇ વੇਸ੍ਸવਣੋ ਚ ਦੇવਤਾਤਿ ਏવਂ ਤੇਸੁ ਤੇਸੁ ਰੁਕ੍ਖੇਸੁ ਅਧਿવਤ੍ਥਾ ਦੇવਤਾ। ਓਸਧਿਤਿਣવਨਪ੍ਪਤੀਸੂਤਿ ਹਰੀਤਕਾਮਲਕੀਆਦੀਸੁ ਮੁਞ੍ਜਪਬ੍ਬਜਾਦੀਸੁ વਨਜੇਟ੍ਠਰੁਕ੍ਖੇਸੁ ਚ ਅਧਿવਤ੍ਥਾ ਦੇવਤਾ। ਸਂਗਮ੍ਮਾਤਿ ਸਨ੍ਨਿਪਤਿਤ੍વਾ। ਸਮਾਗਮ੍ਮਾਤਿ ਤਤੋ ਤਤੋ ਸਮਾਗਨ੍ਤ੍વਾ। ਪਣਿਧੇਹੀਤਿ ਪਤ੍ਥਨਾવਸੇਨ ਠਪੇਹਿ। ਇਜ੍ਝਿਸ੍ਸਤਿ ਸੀਲવਤੋ ਚੇਤੋਪਣਿਧੀਤਿ ਸਮਿਜ੍ਝਿਸ੍ਸਤਿ ਸੀਲવਨ੍ਤਸ੍ਸ ਚਿਤ੍ਤਪਤ੍ਥਨਾ। ਧਮ੍ਮਿਕੋਤਿ ਦਸਕੁਸਲਧਮ੍ਮਸਮਨ੍ਨਾਗਤੋ ਅਗਤਿਗਮਨਰਹਿਤੋ। ਧਮ੍ਮਰਾਜਾਤਿ ਤਸ੍ਸੇવ વੇવਚਨਂ, ਧਮ੍ਮੇਨ વਾ ਲਦ੍ਧਰਜ੍ਜਤ੍ਤਾ ਧਮ੍ਮਰਾਜਾ। ਤਸ੍ਮਾਤਿ ‘‘ਯਸ੍ਮਾ ਤੇਨ ਹਿ, ਅਯ੍ਯਪੁਤ੍ਤ, ਅਮ੍ਹੇਪਿ ਓવਦਾਹੀ’’ਤਿ વਦਥ, ਤਸ੍ਮਾ। ਅਪ੍ਪਟਿવਿਭਤ੍ਤਨ੍ਤਿ ‘‘ਇਦਂ ਭਿਕ੍ਖੂਨਂ ਦਸ੍ਸਾਮ, ਇਦਂ ਅਤ੍ਤਨਾ ਭੁਞ੍ਜਿਸ੍ਸਾਮਾ’’ਤਿ ਏવਂ ਅવਿਭਤ੍ਤਂ ਭਿਕ੍ਖੂਹਿ ਸਦ੍ਧਿਂ ਸਾਧਾਰਣਮੇવ ਭવਿਸ੍ਸਤੀਤਿ।
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
ਚਿਤ੍ਤਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Cittasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਗਿਲਾਨਦਸ੍ਸਨਸੁਤ੍ਤਂ • 10. Gilānadassanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਗਿਲਾਨਦਸ੍ਸਨਸੁਤ੍ਤવਣ੍ਣਨਾ • 10. Gilānadassanasuttavaṇṇanā
