| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. г̇илаанасуд̇д̇ам̣
9. Gilānasuttaṃ
375. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и взл̣уваг̇аамагз 1. д̇ад̇ра ко бхаг̇аваа бхигкуу ааманд̇зси – ‘‘зт̇а д̇умхз, бхигкавз, саманд̇аа взсаалияаа яат̇аамид̇д̇ам̣ яат̇аасанд̣̇идтам̣ яат̇аасамбхад̇д̇ам̣ вассам̣ убзт̇а. ид̇хзваахам̣ взл̣уваг̇аамагз вассам̣ убаг̇ажчаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бадиссуд̇ваа саманд̇аа взсаалияаа яат̇аамид̇д̇ам̣ яат̇аасанд̣̇идтам̣ яат̇аасамбхад̇д̇ам̣ вассам̣ убаг̇ажчум̣. бхаг̇аваа бана д̇ад̇т̇зва взл̣уваг̇аамагз вассам̣ убаг̇ажчи 2.
375. Evaṃ me sutaṃ – ekaṃ samayaṃ bhagavā vesāliyaṃ viharati veḷuvagāmake 3. Tatra kho bhagavā bhikkhū āmantesi – ‘‘etha tumhe, bhikkhave, samantā vesāliyā yathāmittaṃ yathāsandiṭṭhaṃ yathāsambhattaṃ vassaṃ upetha. Idhevāhaṃ veḷuvagāmake vassaṃ upagacchāmī’’ti. ‘‘Evaṃ, bhante’’ti kho te bhikkhū bhagavato paṭissutvā samantā vesāliyā yathāmittaṃ yathāsandiṭṭhaṃ yathāsambhattaṃ vassaṃ upagacchuṃ. Bhagavā pana tattheva veḷuvagāmake vassaṃ upagacchi 4.
ат̇а ко бхаг̇авад̇о вассуубаг̇ад̇асса каро ааб̣аад̇хо уббаж̇ж̇и, б̣аал̣хаа взд̣̇анаа вад̇д̇анд̇и мааран̣анд̇игаа. д̇ад̇ра суд̣̇ам̣ бхаг̇аваа сад̇о самбаж̇аано ад̇хиваасзси авихан̃н̃амаано. ат̇а ко бхаг̇авад̇о зд̇ад̣̇ахоси – ‘‘на ко мз д̇ам̣ бад̇ируубам̣, яохам̣ анааманд̇зд̇ваа убадтаагз анабалогзд̇ваа бхигкусан̇гхам̣ бариниб̣б̣ааязяяам̣. яам̣нуунаахам̣ имам̣ ааб̣аад̇хам̣ вийриязна бадибан̣аамзд̇ваа ж̇ийвид̇асан̇каарам̣ ад̇хидтааяа вихарзяяа’’нд̇и. ат̇а ко бхаг̇аваа д̇ам̣ ааб̣аад̇хам̣ вийриязна бадибан̣аамзд̇ваа ж̇ийвид̇асан̇каарам̣ ад̇хидтааяа вихааси. (ат̇а ко бхаг̇авад̇о со ааб̣аад̇хо бадиббассамбхи) 5.
Atha kho bhagavato vassūpagatassa kharo ābādho uppajji, bāḷhā vedanā vattanti māraṇantikā. Tatra sudaṃ bhagavā sato sampajāno adhivāsesi avihaññamāno. Atha kho bhagavato etadahosi – ‘‘na kho me taṃ patirūpaṃ, yohaṃ anāmantetvā upaṭṭhāke anapaloketvā bhikkhusaṅghaṃ parinibbāyeyyaṃ. Yaṃnūnāhaṃ imaṃ ābādhaṃ vīriyena paṭipaṇāmetvā jīvitasaṅkhāraṃ adhiṭṭhāya vihareyya’’nti. Atha kho bhagavā taṃ ābādhaṃ vīriyena paṭipaṇāmetvā jīvitasaṅkhāraṃ adhiṭṭhāya vihāsi. (Atha kho bhagavato so ābādho paṭippassambhi) 6.
ат̇а ко бхаг̇аваа г̇илаанаа вудтид̇о 7 ажиравудтид̇о г̇злан̃н̃аа вихаараа нигкамид̇ваа вихаарабажчааяааяам̣ 8 бан̃н̃ад̇д̇з аасанз нисийд̣̇и. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘д̣̇идто мз, бханд̇з, бхаг̇авад̇о паасу; д̣̇идтам̣, бханд̇з, бхаг̇авад̇о каманийяам̣; д̣̇идтам̣, бханд̇з, бхаг̇авад̇о яаабанийяам̣. аби жа мз, бханд̇з, мад̇хурагаж̇аад̇о вияа гааяо, д̣̇исааби мз на багкааяанд̇и, д̇хаммааби мам̣ наббадибханд̇и бхаг̇авад̇о г̇злан̃н̃зна. аби жа мз, бханд̇з, ахоси гаажид̣̇зва ассаасамад̇д̇аа – ‘на д̇аава бхаг̇аваа бариниб̣б̣ааяиссад̇и, на яаава бхаг̇аваа бхигкусан̇гхам̣ аараб̣бха гин̃жид̣̇зва уд̣̇аахарад̇ий’’’д̇и.
Atha kho bhagavā gilānā vuṭṭhito 9 aciravuṭṭhito gelaññā vihārā nikkhamitvā vihārapacchāyāyaṃ 10 paññatte āsane nisīdi. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘diṭṭho me, bhante, bhagavato phāsu; diṭṭhaṃ, bhante, bhagavato khamanīyaṃ; diṭṭhaṃ, bhante, bhagavato yāpanīyaṃ. Api ca me, bhante, madhurakajāto viya kāyo, disāpi me na pakkhāyanti, dhammāpi maṃ nappaṭibhanti bhagavato gelaññena. Api ca me, bhante, ahosi kācideva assāsamattā – ‘na tāva bhagavā parinibbāyissati, na yāva bhagavā bhikkhusaṅghaṃ ārabbha kiñcideva udāharatī’’’ti.
‘‘гим̣ бана д̣̇аани, аананд̣̇а, бхигкусан̇гхо маяи бажжаасийсад̇и 11? д̣̇зсид̇о, аананд̣̇а, маяаа д̇хаммо ананд̇арам̣ аб̣аахирам̣ гарид̇ваа. над̇т̇аананд̣̇а, д̇ат̇ааг̇ад̇асса д̇хаммзсу аажарияамудти. яасса нууна, аананд̣̇а, звамасса – ‘ахам̣ бхигкусан̇гхам̣ барихариссаамий’д̇и ваа, ‘мамуд̣̇д̣̇зсиго бхигкусан̇гхо’д̇и ваа, со нууна, аананд̣̇а, бхигкусан̇гхам̣ аараб̣бха гин̃жид̣̇зва уд̣̇аахарзяяа. д̇ат̇ааг̇ад̇асса ко, аананд̣̇а, на звам̣ ход̇и – ‘ахам̣ бхигкусан̇гхам̣ барихариссаамий’д̇и ваа , ‘мамуд̣̇д̣̇зсиго бхигкусан̇гхо’д̇и ваа. са гим̣ 12, аананд̣̇а, д̇ат̇ааг̇ад̇о бхигкусан̇гхам̣ аараб̣бха гин̃жид̣̇зва уд̣̇аахариссад̇и! зд̇арахи ко банаахам̣, аананд̣̇а, ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о. аасийд̇иго мз ваяо вад̇д̇ад̇и. сзяяат̇ааби, аананд̣̇а, ж̇аж̇ж̇арасагадам̣ 13 взл̣амиссагзна 14 яаабзд̇и; звамзва ко, аананд̣̇а, взд̇хамиссагзна ман̃н̃з д̇ат̇ааг̇ад̇асса гааяо яаабзд̇и.
‘‘Kiṃ pana dāni, ānanda, bhikkhusaṅgho mayi paccāsīsati 15? Desito, ānanda, mayā dhammo anantaraṃ abāhiraṃ karitvā. Natthānanda, tathāgatassa dhammesu ācariyamuṭṭhi. Yassa nūna, ānanda, evamassa – ‘ahaṃ bhikkhusaṅghaṃ pariharissāmī’ti vā, ‘mamuddesiko bhikkhusaṅgho’ti vā, so nūna, ānanda, bhikkhusaṅghaṃ ārabbha kiñcideva udāhareyya. Tathāgatassa kho, ānanda, na evaṃ hoti – ‘ahaṃ bhikkhusaṅghaṃ pariharissāmī’ti vā , ‘mamuddesiko bhikkhusaṅgho’ti vā. Sa kiṃ 16, ānanda, tathāgato bhikkhusaṅghaṃ ārabbha kiñcideva udāharissati! Etarahi kho panāhaṃ, ānanda, jiṇṇo vuddho mahallako addhagato vayoanuppatto. Āsītiko me vayo vattati. Seyyathāpi, ānanda, jajjarasakaṭaṃ 17 veḷamissakena 18 yāpeti; evameva kho, ānanda, vedhamissakena maññe tathāgatassa kāyo yāpeti.
‘‘яасмим̣ , аананд̣̇а, самаяз д̇ат̇ааг̇ад̇о саб̣б̣анимид̇д̇аанам̣ аманасигаараа згажжаанам̣ взд̣̇анаанам̣ нирод̇хаа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и, паасуд̇аро 19, аананд̣̇а, д̇асмим̣ самаяз д̇ат̇ааг̇ад̇асса гааяо ход̇и 20. д̇асмаад̇ихаананд̣̇а, ад̇д̇ад̣̇ийбаа вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа.
‘‘гат̇ан̃жаананд̣̇а, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о? ид̇хаананд̣̇а, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. звам̣ ко, аананд̣̇а, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о. яз хи гзжи, аананд̣̇а, зд̇арахи ваа мамажжаяз ваа ад̇д̇ад̣̇ийбаа вихариссанд̇и ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа ; д̇амад̇аг̇г̇з мзд̇з, аананд̣̇а, бхигкуу бхависсанд̇и яз гзжи сигкаагаамаа’’д̇и. навамам̣.
‘‘Kathañcānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo? Idhānanda, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, ānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo. Ye hi keci, ānanda, etarahi vā mamaccaye vā attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā ; tamatagge mete, ānanda, bhikkhū bhavissanti ye keci sikkhākāmā’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. г̇илаанасуд̇д̇аван̣н̣анаа • 9. Gilānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. г̇илаанасуд̇д̇аван̣н̣анаа • 9. Gilānasuttavaṇṇanā
