| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. г̇илаанасуд̇д̇ам̣
4. Gilānasuttaṃ
1050. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна самб̣ахулаа бхигкуу бхаг̇авад̇о жийварагаммам̣ гаронд̇и – ‘‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’д̇и. ассоси ко махаанаамо сагго – ‘‘самб̣ахулаа гира бхигкуу бхаг̇авад̇о жийварагаммам̣ гаронд̇и – ‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’’д̇и . ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа – ‘‘суд̇амзд̇ам̣, бханд̇з – ‘самб̣ахулаа гира бхигкуу бхаг̇авад̇о жийварагаммам̣ гаронд̇и – нидтид̇ажийваро бхаг̇аваа д̇змаасажжаязна жааригам̣ баггамиссад̇ий’д̇и. на ко нзд̇ам̣ 1, бханд̇з, бхаг̇авад̇о саммукаа суд̇ам̣ саммукаа бадиг̇г̇ахид̇ам̣ саббан̃н̃зна убаасагзна саббан̃н̃о убаасаго ааб̣аад̇хиго д̣̇угкид̇о б̣аал̣хаг̇илаано овад̣̇ид̇аб̣б̣о’’д̇и.
1050. Ekaṃ samayaṃ bhagavā sakkesu viharati kapilavatthusmiṃ nigrodhārāme. Tena kho pana samayena sambahulā bhikkhū bhagavato cīvarakammaṃ karonti – ‘‘niṭṭhitacīvaro bhagavā temāsaccayena cārikaṃ pakkamissatī’’ti. Assosi kho mahānāmo sakko – ‘‘sambahulā kira bhikkhū bhagavato cīvarakammaṃ karonti – ‘niṭṭhitacīvaro bhagavā temāsaccayena cārikaṃ pakkamissatī’’’ti . Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘sutametaṃ, bhante – ‘sambahulā kira bhikkhū bhagavato cīvarakammaṃ karonti – niṭṭhitacīvaro bhagavā temāsaccayena cārikaṃ pakkamissatī’ti. Na kho netaṃ 2, bhante, bhagavato sammukhā sutaṃ sammukhā paṭiggahitaṃ sappaññena upāsakena sappañño upāsako ābādhiko dukkhito bāḷhagilāno ovaditabbo’’ti.
‘‘саббан̃н̃зна махаанаама, убаасагзна саббан̃н̃о убаасаго ааб̣аад̇хиго д̣̇угкид̇о б̣аал̣хаг̇илаано жад̇уухи ассаасанийязхи д̇хаммзхи ассаасзд̇аб̣б̣о – ‘ассаасад̇ааяасмаа – ад̇т̇ааяасмад̇о б̣уд̣̇д̇хз авзжжаббасаад̣̇о ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и . ассаасад̇ааяасмаа – ад̇т̇ааяасмад̇о д̇хаммз…бз… сан̇гхз…бз… арияаганд̇аани сийлаани акан̣д̣аани…бз… самаад̇хисам̣вад̇д̇анигааний’’’д̇и.
‘‘Sappaññena mahānāma, upāsakena sappañño upāsako ābādhiko dukkhito bāḷhagilāno catūhi assāsanīyehi dhammehi assāsetabbo – ‘assāsatāyasmā – atthāyasmato buddhe aveccappasādo itipi so bhagavā…pe… satthā devamanussānaṃ buddho bhagavāti . Assāsatāyasmā – atthāyasmato dhamme…pe… saṅghe…pe… ariyakantāni sīlāni akhaṇḍāni…pe… samādhisaṃvattanikānī’’’ti.
‘‘саббан̃н̃зна , махаанаама, убаасагзна саббан̃н̃о убаасаго ааб̣аад̇хиго д̣̇угкид̇о б̣аал̣хаг̇илаано имзхи жад̇уухи ассаасанийязхи д̇хаммзхи ассаасзд̇ваа звамасса важанийяо – ‘ад̇т̇ааяасмад̇о маад̇аабид̇уусу абзгкаа’д̇и? со жз звам̣ вад̣̇зяяа – ‘ад̇т̇и мз маад̇аабид̇уусу абзгкаа’д̇и, со звамасса важанийяо – ‘ааяасмаа ко маарисо маран̣ад̇хаммо. сажз бааяасмаа маад̇аабид̇уусу абзгкам̣ гариссад̇и, мариссад̇зва; но жз бааяасмаа маад̇аабид̇уусу абзгкам̣ гариссад̇и, мариссад̇зва. саад̇хааяасмаа, яаа д̇з маад̇аабид̇уусу абзгкаа д̇ам̣ баж̇ахаа’’’д̇и.
‘‘Sappaññena , mahānāma, upāsakena sappañño upāsako ābādhiko dukkhito bāḷhagilāno imehi catūhi assāsanīyehi dhammehi assāsetvā evamassa vacanīyo – ‘atthāyasmato mātāpitūsu apekkhā’ti? So ce evaṃ vadeyya – ‘atthi me mātāpitūsu apekkhā’ti, so evamassa vacanīyo – ‘āyasmā kho māriso maraṇadhammo. Sace pāyasmā mātāpitūsu apekkhaṃ karissati, marissateva; no ce pāyasmā mātāpitūsu apekkhaṃ karissati, marissateva. Sādhāyasmā, yā te mātāpitūsu apekkhā taṃ pajahā’’’ti.
‘‘со жз звам̣ вад̣̇зяяа – ‘яаа мз маад̇аабид̇уусу абзгкаа саа бахийнаа’д̇и, со звамасса важанийяо – ‘ад̇т̇и банааяасмад̇о буд̇д̇ад̣̇аарзсу абзгкаа’д̇и? со жз звам̣ вад̣̇зяяа – ‘ад̇т̇и мз буд̇д̇ад̣̇аарзсу абзгкаа’д̇и, со звамасса важанийяо – ‘ааяасмаа ко маарисо маран̣ад̇хаммо. сажз бааяасмаа буд̇д̇ад̣̇аарзсу абзгкам̣ гариссад̇и, мариссад̇зва; но жз бааяасмаа буд̇д̇ад̣̇аарзсу абзгкам̣ гариссад̇и, мариссад̇зва. саад̇хааяасмаа, яаа д̇з буд̇д̇ад̣̇аарзсу абзгкаа д̇ам̣ баж̇ахаа’’’д̇и.
‘‘So ce evaṃ vadeyya – ‘yā me mātāpitūsu apekkhā sā pahīnā’ti, so evamassa vacanīyo – ‘atthi panāyasmato puttadāresu apekkhā’ti? So ce evaṃ vadeyya – ‘atthi me puttadāresu apekkhā’ti, so evamassa vacanīyo – ‘āyasmā kho māriso maraṇadhammo. Sace pāyasmā puttadāresu apekkhaṃ karissati, marissateva; no ce pāyasmā puttadāresu apekkhaṃ karissati, marissateva. Sādhāyasmā, yā te puttadāresu apekkhā taṃ pajahā’’’ti.
‘‘со жз звам̣ вад̣̇зяяа – ‘яаа мз буд̇д̇ад̣̇аарзсу абзгкаа саа бахийнаа’д̇и, со звамасса важанийяо – ‘ад̇т̇и банааяасмад̇о маанусагзсу бан̃жасу гаамаг̇ун̣зсу абзгкаа’д̇и? со жз звам̣ вад̣̇зяяа – ‘ад̇т̇и мз маанусагзсу бан̃жасу гаамаг̇ун̣зсу абзгкаа’д̇и, со звамасса важанийяо – ‘маанусагзхи ко, аавусо, гаамзхи д̣̇иб̣б̣аа гаамаа абхигганд̇ад̇араа жа бан̣ийд̇ад̇араа жа. саад̇хааяасмаа, маанусагзхи гаамзхи жид̇д̇ам̣ вудтаабзд̇ваа жаад̇умахаарааж̇игзсу 3 д̣̇звзсу жид̇д̇ам̣ ад̇химожзхий’’’д̇и.
‘‘So ce evaṃ vadeyya – ‘yā me puttadāresu apekkhā sā pahīnā’ti, so evamassa vacanīyo – ‘atthi panāyasmato mānusakesu pañcasu kāmaguṇesu apekkhā’ti? So ce evaṃ vadeyya – ‘atthi me mānusakesu pañcasu kāmaguṇesu apekkhā’ti, so evamassa vacanīyo – ‘mānusakehi kho, āvuso, kāmehi dibbā kāmā abhikkantatarā ca paṇītatarā ca. Sādhāyasmā, mānusakehi kāmehi cittaṃ vuṭṭhāpetvā cātumahārājikesu 4 devesu cittaṃ adhimocehī’’’ti.
‘‘со жз звам̣ вад̣̇зяяа – ‘маанусагзхи мз гаамзхи жид̇д̇ам̣ вудтид̇ам̣, жаад̇умахаарааж̇игзсу д̣̇звзсу жид̇д̇ам̣ ад̇химожид̇а’нд̇и, со звамасса важанийяо – ‘жаад̇умахаарааж̇игзхи ко, аавусо , д̣̇звзхи д̇аавад̇им̣саа д̣̇зваа абхигганд̇ад̇араа жа бан̣ийд̇ад̇араа жа. саад̇хааяасмаа, жаад̇умахаарааж̇игзхи д̣̇звзхи жид̇д̇ам̣ вудтаабзд̇ваа д̇аавад̇им̣сзсу д̣̇звзсу жид̇д̇ам̣ ад̇химожзхий’’’д̇и.
‘‘So ce evaṃ vadeyya – ‘mānusakehi me kāmehi cittaṃ vuṭṭhitaṃ, cātumahārājikesu devesu cittaṃ adhimocita’nti, so evamassa vacanīyo – ‘cātumahārājikehi kho, āvuso , devehi tāvatiṃsā devā abhikkantatarā ca paṇītatarā ca. Sādhāyasmā, cātumahārājikehi devehi cittaṃ vuṭṭhāpetvā tāvatiṃsesu devesu cittaṃ adhimocehī’’’ti.
‘‘со жз звам̣ вад̣̇зяяа – ‘жаад̇умахаарааж̇игзхи мз д̣̇звзхи жид̇д̇ам̣ вудтид̇ам̣, д̇аавад̇им̣сзсу д̣̇звзсу жид̇д̇ам̣ ад̇химожид̇а’нд̇и, со звамасса важанийяо – ‘д̇аавад̇им̣сзхи ко, аавусо, д̣̇звзхи яаамаа д̣̇зваа…бз… д̇усид̇аа д̣̇зваа…бз… ниммаанарад̇ий д̣̇зваа…бз… бараниммид̇авасавад̇д̇ий д̣̇зваа…бз… бараниммид̇авасавад̇д̇ийхи ко, аавусо, д̣̇звзхи б̣рахмалого абхигганд̇ад̇аро жа бан̣ийд̇ад̇аро жа. саад̇хааяасмаа, бараниммид̇авасавад̇д̇ийхи д̣̇звзхи жид̇д̇ам̣ вудтаабзд̇ваа б̣рахмалогз жид̇д̇ам̣ ад̇химожзхий’д̇и. со жз звам̣ вад̣̇зяяа – ‘бараниммид̇авасавад̇д̇ийхи мз д̣̇звзхи жид̇д̇ам̣ вудтид̇ам̣, б̣рахмалогз жид̇д̇ам̣ ад̇химожид̇а’нд̇и, со звамасса важанийяо – ‘б̣рахмалогоби ко, аавусо, анижжо ад̣̇д̇хуво саггааяабарияаабанно. саад̇хааяасмаа, б̣рахмалогаа жид̇д̇ам̣ вудтаабзд̇ваа саггааяанирод̇хз жид̇д̇ам̣ убасам̣хараахий’’’д̇и.
‘‘So ce evaṃ vadeyya – ‘cātumahārājikehi me devehi cittaṃ vuṭṭhitaṃ, tāvatiṃsesu devesu cittaṃ adhimocita’nti, so evamassa vacanīyo – ‘tāvatiṃsehi kho, āvuso, devehi yāmā devā…pe… tusitā devā…pe… nimmānaratī devā…pe… paranimmitavasavattī devā…pe… paranimmitavasavattīhi kho, āvuso, devehi brahmaloko abhikkantataro ca paṇītataro ca. Sādhāyasmā, paranimmitavasavattīhi devehi cittaṃ vuṭṭhāpetvā brahmaloke cittaṃ adhimocehī’ti. So ce evaṃ vadeyya – ‘paranimmitavasavattīhi me devehi cittaṃ vuṭṭhitaṃ, brahmaloke cittaṃ adhimocita’nti, so evamassa vacanīyo – ‘brahmalokopi kho, āvuso, anicco addhuvo sakkāyapariyāpanno. Sādhāyasmā, brahmalokā cittaṃ vuṭṭhāpetvā sakkāyanirodhe cittaṃ upasaṃharāhī’’’ti.
‘‘со жз звам̣ вад̣̇зяяа – ‘б̣рахмалогаа мз жид̇д̇ам̣ вудтид̇ам̣, саггааяанирод̇хз жид̇д̇ам̣ убасам̣хараамий’д̇и; звам̣ вимуд̇д̇ажид̇д̇асса ко, махаанаама, убаасагасса аасаваа 5 вимуд̇д̇ажид̇д̇зна бхигкунаа на гин̃жи наанаагаран̣ам̣ вад̣̇аами, яад̣̇ид̣̇ам̣ – вимуд̇д̇ияаа вимуд̇д̇а’’нд̇и. жад̇уд̇т̇ам̣.
‘‘So ce evaṃ vadeyya – ‘brahmalokā me cittaṃ vuṭṭhitaṃ, sakkāyanirodhe cittaṃ upasaṃharāmī’ti; evaṃ vimuttacittassa kho, mahānāma, upāsakassa āsavā 6 vimuttacittena bhikkhunā na kiñci nānākaraṇaṃ vadāmi, yadidaṃ – vimuttiyā vimutta’’nti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. г̇илаанасуд̇д̇аван̣н̣анаа • 4. Gilānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. г̇илаанасуд̇д̇аван̣н̣анаа • 4. Gilānasuttavaṇṇanā
