| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(13) 3. ගිලානවග්‌ගො
(13) 3. Gilānavaggo
1. ගිලානසුත්‌තං
1. Gilānasuttaṃ
121. එකං සමයං භගවා වෙසාලියං විහරති මහාවනෙ කූටාගාරසාලායං. අථ ඛො භගවා සායන්‌හසමයං පටිසල්‌ලානා වුට්‌ඨිතො යෙන ගිලානසාලා තෙනුපසඞ්‌කමි. අද්‌දසා ඛො භගවා අඤ්‌ඤතරං භික්‌ඛුං දුබ්‌බලං ගිලානකං; දිස්‌වා පඤ්‌ඤත්‌තෙ ආසනෙ නිසීදි. නිසජ්‌ජ ඛො භගවා භික්‌ඛූ ආමන්‌තෙසි –
121. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhagavā sāyanhasamayaṃ paṭisallānā vuṭṭhito yena gilānasālā tenupasaṅkami. Addasā kho bhagavā aññataraṃ bhikkhuṃ dubbalaṃ gilānakaṃ; disvā paññatte āsane nisīdi. Nisajja kho bhagavā bhikkhū āmantesi –
‘‘කතමෙ පඤ්‌ච? ඉධ, භික්‌ඛවෙ, භික්‌ඛු අසුභානුපස්‌සී කායෙ විහරති, ආහාරෙ පටිකූලසඤ්‌ඤී, සබ්‌බලොකෙ අනභිරතසඤ්‌ඤී 5, සබ්‌බසඞ්‌ඛාරෙසු අනිච්‌චානුපස්‌සී, මරණසඤ්‌ඤා ඛො පනස්‌ස අජ්‌ඣත්‌තං සූපට්‌ඨිතා හොති. යං කිඤ්‌චි, භික්‌ඛවෙ, භික්‌ඛුං දුබ්‌බලං ගිලානකං ඉමෙ පඤ්‌ච ධම්‌මා න විජහන්‌ති, තස්‌සෙතං පාටිකඞ්‌ඛං – ‘නචිරස්‌සෙව ආසවානං ඛයා…පෙ.… සච්‌ඡිකත්‌වා උපසම්‌පජ්‌ජ විහරිස්‌සතී’’’ති. පඨමං.
‘‘Katame pañca? Idha, bhikkhave, bhikkhu asubhānupassī kāye viharati, āhāre paṭikūlasaññī, sabbaloke anabhiratasaññī 6, sabbasaṅkhāresu aniccānupassī, maraṇasaññā kho panassa ajjhattaṃ sūpaṭṭhitā hoti. Yaṃ kiñci, bhikkhave, bhikkhuṃ dubbalaṃ gilānakaṃ ime pañca dhammā na vijahanti, tassetaṃ pāṭikaṅkhaṃ – ‘nacirasseva āsavānaṃ khayā…pe… sacchikatvā upasampajja viharissatī’’’ti. Paṭhamaṃ.
Footnotes:
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-13. මච්‌ඡරිනීසුත්‌තාදිවණ්‌ණනා • 5-13. Maccharinīsuttādivaṇṇanā
