| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. г̇илаанасуд̇д̇аван̣н̣анаа
2. Gilānasuttavaṇṇanā
22. д̣̇уд̇ияз саббааяаанийд̇и хид̇аани вуд̣̇д̇хигараани. бад̇ируубанд̇и анужчавигам̣. нзва вудтаад̇и д̇амхаа ааб̣аад̇хаад̇и иминаа ад̇згижчзна ваад̇аабамаараад̣̇инаа рог̇зна саманнааг̇ад̇о нидтаабад̇д̇аг̇илаано гат̇ид̇о. вудтаад̇и д̇амхаа ааб̣аад̇хаад̇и иминаа кибид̇агагажчуд̇ин̣абубпагаж̇араад̣̇ибхзд̣̇о аббамад̇д̇аааб̣аад̇хо гат̇ид̇о. лабханд̇о саббааяаани бхож̇анаани но алабханд̇од̇и иминаа бана язсам̣ бадиж̇аг̇г̇анзна паасугам̣ ход̇и, саб̣б̣зби д̇з ааб̣аад̇хаа гат̇ид̇аа. зд̇т̇а жа бад̇ируубо убадтааго наама г̇илаанубадтаагаан̇г̇зхи саманнааг̇ад̇о бан̣д̣ид̇о д̣̇агко аналасо взд̣̇ид̇аб̣б̣о. г̇илаанубадтааго анун̃н̃аад̇од̇и бхигкусан̇гхзна д̣̇аад̇аб̣б̣од̇и анун̃н̃аад̇о. д̇асмин̃хи г̇илаанз ад̇д̇ано д̇хаммад̇ааяа яаабзд̇ум̣ асаггонд̇з бхигкусан̇гхзна д̇асса бхигкуно зго бхигку жа сааман̣зро жа ‘‘имам̣ бадиж̇аг̇г̇ат̇аа’’д̇и абалогзд̇ваа д̣̇аад̇аб̣б̣аа. яаава бана д̇з д̇ам̣ бадиж̇аг̇г̇анд̇и, д̇аава г̇илаанасса жа д̇зсан̃жа д̣̇виннам̣ язнад̇т̇о, саб̣б̣ам̣ бхигкусан̇гхассзва бхааро.
22. Dutiye sappāyānīti hitāni vuddhikarāni. Patirūpanti anucchavikaṃ. Neva vuṭṭhāti tamhā ābādhāti iminā atekicchena vātāpamārādinā rogena samannāgato niṭṭhāpattagilāno kathito. Vuṭṭhāti tamhā ābādhāti iminā khipitakakacchutiṇapupphakajarādibhedo appamattaābādho kathito. Labhanto sappāyāni bhojanāni no alabhantoti iminā pana yesaṃ paṭijagganena phāsukaṃ hoti, sabbepi te ābādhā kathitā. Ettha ca patirūpo upaṭṭhāko nāma gilānupaṭṭhākaaṅgehi samannāgato paṇḍito dakkho analaso veditabbo. Gilānupaṭṭhāko anuññātoti bhikkhusaṅghena dātabboti anuññāto. Tasmiñhi gilāne attano dhammatāya yāpetuṃ asakkonte bhikkhusaṅghena tassa bhikkhuno eko bhikkhu ca sāmaṇero ca ‘‘imaṃ paṭijaggathā’’ti apaloketvā dātabbā. Yāva pana te taṃ paṭijagganti, tāva gilānassa ca tesañca dvinnaṃ yenattho, sabbaṃ bhikkhusaṅghasseva bhāro.
ан̃н̃зби г̇илаанаа убадтаад̇аб̣б̣аад̇и ид̇арзби д̣̇вз г̇илаанаа убадтаабзд̇аб̣б̣аа. гим̣ гааран̣аа? яоби хи нидтабад̇д̇аг̇илаано, со анубадтияамаано ‘‘сажз мам̣ бадиж̇аг̇г̇зяяум̣, паасугам̣ мз бхавзяяа. на ко бана мам̣ бадиж̇аг̇г̇анд̇ий’’д̇и манобад̣̇осам̣ гад̇ваа абааяз ниб̣б̣ад̇д̇зяяа. бадиж̇аг̇г̇ияамаанасса банасса звам̣ ход̇и ‘‘бхигкусан̇гхзна яам̣ гаад̇аб̣б̣ам̣, д̇ам̣ гад̇ам̣. маяхам̣ бана гаммавибааго ийд̣̇исо’’д̇и. со бхигкусан̇гхз мзд̇д̇ам̣ бажжубадтаабзд̇ваа саг̇г̇з ниб̣б̣ад̇д̇иссад̇и. яо бана аббамад̇д̇агзна б̣яаад̇хинаа саманнааг̇ад̇о лабханд̇оби алабханд̇оби вудтаад̇иязва, д̇асса винааби бхзсаж̇ж̇зна вуубасаманаб̣яаад̇хи бхзсаж̇ж̇з гад̇з киббад̇арам̣ вуубасаммад̇и. со д̇ад̇о б̣уд̣̇д̇хаважанам̣ ваа уг̇г̇ан̣хид̇ум̣ сагкиссад̇и, саман̣ад̇хаммам̣ ваа гаад̇ум̣ сагкиссад̇и. иминаа гааран̣зна ‘‘ан̃н̃зби г̇илаанаа убадтаад̇аб̣б̣аа’’д̇и вуд̇д̇ам̣.
Aññepi gilānā upaṭṭhātabbāti itarepi dve gilānā upaṭṭhāpetabbā. Kiṃ kāraṇā? Yopi hi niṭṭhapattagilāno, so anupaṭṭhiyamāno ‘‘sace maṃ paṭijaggeyyuṃ, phāsukaṃ me bhaveyya. Na kho pana maṃ paṭijaggantī’’ti manopadosaṃ katvā apāye nibbatteyya. Paṭijaggiyamānassa panassa evaṃ hoti ‘‘bhikkhusaṅghena yaṃ kātabbaṃ, taṃ kataṃ. Mayhaṃ pana kammavipāko īdiso’’ti. So bhikkhusaṅghe mettaṃ paccupaṭṭhāpetvā sagge nibbattissati. Yo pana appamattakena byādhinā samannāgato labhantopi alabhantopi vuṭṭhātiyeva, tassa vināpi bhesajjena vūpasamanabyādhi bhesajje kate khippataraṃ vūpasammati. So tato buddhavacanaṃ vā uggaṇhituṃ sakkhissati, samaṇadhammaṃ vā kātuṃ sakkhissati. Iminā kāraṇena ‘‘aññepi gilānā upaṭṭhātabbā’’ti vuttaṃ.
нзва оггамад̇ийд̇и нзва бависад̇и. нияаамам̣ гусалзсу д̇хаммзсу саммад̇д̇анд̇и гусалзсу д̇хаммзсу маг̇г̇анияаамасан̇каад̇ам̣ саммад̇д̇ам̣. иминаа бад̣̇абарамо буг̇г̇ало гат̇ид̇о. д̣̇уд̇ияаваарзна уг̇гхадид̇ан̃н̃уу г̇ахид̇о саасанз наалагад̇т̇зрасад̣̇исо б̣уд̣̇д̇ханд̇арз згаваарам̣ бажжзгаб̣уд̣̇д̇хаанам̣ санд̇игз оваад̣̇ам̣ лабхид̇ваа бадивид̣̇д̇хабажжзгаб̣од̇хин̃аан̣о жа. д̇ад̇ияаваарзна вибан̃жид̇ан̃н̃уу буг̇г̇ало гат̇ид̇о, нзяяо бана д̇анниссид̇ова ход̇и.
Neva okkamatīti neva pavisati. Niyāmaṃ kusalesu dhammesu sammattanti kusalesu dhammesu magganiyāmasaṅkhātaṃ sammattaṃ. Iminā padaparamo puggalo kathito. Dutiyavārena ugghaṭitaññū gahito sāsane nālakattherasadiso buddhantare ekavāraṃ paccekabuddhānaṃ santike ovādaṃ labhitvā paṭividdhapaccekabodhiñāṇo ca. Tatiyavārena vipañcitaññū puggalo kathito, neyyo pana tannissitova hoti.
д̇хаммад̣̇зсанаа анун̃н̃аад̇аад̇и маасасса адта ваарз д̇хаммагат̇аа анун̃н̃аад̇аа. ан̃н̃зсамби д̇хаммо д̣̇зсзд̇аб̣б̣од̇и ид̇арзсамби д̇хаммо гат̇зд̇аб̣б̣о. гим̣ гааран̣аа? бад̣̇абарамасса хи имасмим̣ ад̇д̇абхаавз д̇хаммам̣ бадивиж̇жхид̇ум̣ асаггонд̇ассааби анааг̇ад̇з бажжаяо бхависсад̇и. яо бана д̇ат̇ааг̇ад̇асса руубад̣̇ассанам̣ лабханд̇оби алабханд̇оби д̇хаммавинаяан̃жа саванааяа лабханд̇оби алабханд̇оби д̇хаммам̣ абхисамзд̇и, со алабханд̇о д̇аава абхисамзд̇и. лабханд̇о бана киббамзва абхисамзссад̇ийд̇и иминаа гааран̣зна д̇зсам̣ д̇хаммо д̣̇зсзд̇аб̣б̣о. д̇ад̇ияасса бана бунаббунам̣ д̣̇зсзд̇аб̣б̣ова.
Dhammadesanā anuññātāti māsassa aṭṭha vāre dhammakathā anuññātā. Aññesampi dhammo desetabboti itaresampi dhammo kathetabbo. Kiṃ kāraṇā? Padaparamassa hi imasmiṃ attabhāve dhammaṃ paṭivijjhituṃ asakkontassāpi anāgate paccayo bhavissati. Yo pana tathāgatassa rūpadassanaṃ labhantopi alabhantopi dhammavinayañca savanāya labhantopi alabhantopi dhammaṃ abhisameti, so alabhanto tāva abhisameti. Labhanto pana khippameva abhisamessatīti iminā kāraṇena tesaṃ dhammo desetabbo. Tatiyassa pana punappunaṃ desetabbova.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. г̇илаанасуд̇д̇ам̣ • 2. Gilānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. г̇илаанасуд̇д̇аван̣н̣анаа • 2. Gilānasuttavaṇṇanā
