| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. г̇илаанасуд̇д̇аван̣н̣анаа
9. Gilānasuttavaṇṇanā
375. навамз б̣зл̣уваг̇аамагзд̇и взсаалияаа самийбз звам̣наамаго баад̣̇аг̇аамо ад̇т̇и, д̇асмим̣. яат̇аамид̇д̇анд̇иаад̣̇ийсу мид̇д̇аад̇и мид̇д̇аава. санд̣̇идтаад̇и д̇ад̇т̇а д̇ад̇т̇а сан̇г̇амма д̣̇идтамад̇д̇аа наад̇ид̣̇ал̣хамид̇д̇аа . самбхад̇д̇аад̇и судту бхад̇д̇аа синзхаванд̇о д̣̇ал̣хамид̇д̇аа. язсам̣ яад̇т̇а яад̇т̇а зваруубаа бхигкуу ад̇т̇и, д̇з д̇ад̇т̇а д̇ад̇т̇а вассам̣ убзт̇аад̇и ад̇т̇о. гасмаа звамааха? д̇зсам̣ паасувихаарад̇т̇ааяа. д̇зсам̣ гира б̣зл̣уваг̇аамагз сзнаасанам̣ наббаход̇и, бхигкааби манд̣̇аа. саманд̇аа взсаалияаа бана б̣ахууни сзнаасанаани, бхигкааби сулабхаа. д̇асмаа звамааха.
375. Navame beḷuvagāmaketi vesāliyā samīpe evaṃnāmako pādagāmo atthi, tasmiṃ. Yathāmittantiādīsu mittāti mittāva. Sandiṭṭhāti tattha tattha saṅgamma diṭṭhamattā nātidaḷhamittā . Sambhattāti suṭṭhu bhattā sinehavanto daḷhamittā. Yesaṃ yattha yattha evarūpā bhikkhū atthi, te tattha tattha vassaṃ upethāti attho. Kasmā evamāha? Tesaṃ phāsuvihāratthāya. Tesaṃ kira beḷuvagāmake senāsanaṃ nappahoti, bhikkhāpi mandā. Samantā vesāliyā pana bahūni senāsanāni, bhikkhāpi sulabhā. Tasmā evamāha.
ат̇а гасмаа ‘‘яат̇аасукам̣ г̇ажчат̇аа’’д̇и на виссаж̇ж̇зси? д̇зсам̣ анугамбааяа. звам̣ гирасса ахоси – ‘‘ахам̣ д̣̇асамаасамад̇д̇ам̣ тад̇ваа бариниб̣б̣ааяиссаами. сажз имз д̣̇уурам̣ г̇ажчиссанд̇и, мам̣ бариниб̣б̣аанагаалз д̣̇адтум̣ на сагкиссанд̇и. ат̇а нзсам̣ ‘сад̇т̇аа бариниб̣б̣ааяанд̇о амхаагам̣ сад̇имад̇д̇амби на ад̣̇ааси. сажз ж̇аанзяяаама, на звам̣ д̣̇уурз васзяяаамаа’д̇и виббадисааро бхавзяяа. взсаалияаа саманд̇аа бана вассам̣ васанд̇аа маасасса адта ваарз ааг̇анд̇ваа д̇хаммам̣ сун̣иссанд̇и, суг̇ад̇оваад̣̇ам̣ лабхиссанд̇ий’’д̇и на виссаж̇ж̇зси.
Atha kasmā ‘‘yathāsukhaṃ gacchathā’’ti na vissajjesi? Tesaṃ anukampāya. Evaṃ kirassa ahosi – ‘‘ahaṃ dasamāsamattaṃ ṭhatvā parinibbāyissāmi. Sace ime dūraṃ gacchissanti, maṃ parinibbānakāle daṭṭhuṃ na sakkhissanti. Atha nesaṃ ‘satthā parinibbāyanto amhākaṃ satimattampi na adāsi. Sace jāneyyāma, na evaṃ dūre vaseyyāmā’ti vippaṭisāro bhaveyya. Vesāliyā samantā pana vassaṃ vasantā māsassa aṭṭha vāre āgantvā dhammaṃ suṇissanti, sugatovādaṃ labhissantī’’ti na vissajjesi.
карод̇и парусо. ааб̣аад̇ход̇и висабхааг̇арог̇о. б̣аал̣хаад̇и б̣алавад̇ияо. мааран̣анд̇игаад̇и маран̣анд̇ам̣ маран̣асанд̇игам̣ баабанасамад̇т̇аа. сад̇о самбаж̇аано ад̇хиваасзсийд̇и сад̇им̣ суубадтид̇ам̣ гад̇ваа н̃аан̣зна барижчинд̣̇ид̇ваа ад̇хиваасзси. авихан̃н̃амаанод̇и взд̣̇анаанувад̇д̇анавасзна абараабарам̣ баривад̇д̇анам̣ агаронд̇о абийл̣ияамаано ад̣̇угкияамаано жа ад̇хиваасзси. анааманд̇зд̇ваад̇и аж̇аанаабзд̇ваа. анабалогзд̇ваад̇и аж̇аанаабзд̇ваава оваад̣̇аанусаасаним̣ ад̣̇ад̇ваад̇и вуд̇д̇ам̣ ход̇и. вийриязнаад̇и буб̣б̣абхааг̇авийриязна жзва паласамаабад̇д̇ивийриязна жа. бадибан̣аамзд̇ваад̇и вигкамбхзд̇ваа. ж̇ийвид̇асан̇кааранд̇и зд̇т̇а ж̇ийвид̇амби ж̇ийвид̇асан̇кааро. язна ж̇ийвид̇ам̣ сан̇карийяад̇и чиж̇ж̇амаанам̣ гхадзд̇ваа табийяад̇и, со паласамаабад̇д̇ид̇хаммоби ж̇ийвид̇асан̇кааро. со ид̇ха ад̇хиббзд̇о. ад̇хидтааяаад̇и ад̇хидтахид̇ваа бавад̇д̇зд̇ваа ж̇ийвид̇атабанасамад̇т̇ам̣ паласамаабад̇д̇им̣ самаабаж̇ж̇зяяанд̇и аяамзд̇т̇а сан̇кзбад̇т̇о.
Kharoti pharuso. Ābādhoti visabhāgarogo. Bāḷhāti balavatiyo. Māraṇantikāti maraṇantaṃ maraṇasantikaṃ pāpanasamatthā. Sato sampajāno adhivāsesīti satiṃ sūpaṭṭhitaṃ katvā ñāṇena paricchinditvā adhivāsesi. Avihaññamānoti vedanānuvattanavasena aparāparaṃ parivattanaṃ akaronto apīḷiyamāno adukkhiyamāno ca adhivāsesi. Anāmantetvāti ajānāpetvā. Anapaloketvāti ajānāpetvāva ovādānusāsaniṃ adatvāti vuttaṃ hoti. Vīriyenāti pubbabhāgavīriyena ceva phalasamāpattivīriyena ca. Paṭipaṇāmetvāti vikkhambhetvā. Jīvitasaṅkhāranti ettha jīvitampi jīvitasaṅkhāro. Yena jīvitaṃ saṅkharīyati chijjamānaṃ ghaṭetvā ṭhapīyati, so phalasamāpattidhammopi jīvitasaṅkhāro. So idha adhippeto. Adhiṭṭhāyāti adhiṭṭhahitvā pavattetvā jīvitaṭhapanasamatthaṃ phalasamāpattiṃ samāpajjeyyanti ayamettha saṅkhepattho.
гим̣ бана бхаг̇аваа ид̇о буб̣б̣з паласамаабад̇д̇им̣ на самаабаж̇ж̇ад̇ийд̇и? самаабаж̇ж̇ад̇и. саа бана кан̣игасамаабад̇д̇и. кан̣игасамаабад̇д̇и жа анд̇осамаабад̇д̇ияам̣язва взд̣̇анам̣ вигкамбхзд̇и, самаабад̇д̇ид̇о вудтид̇амад̇д̇асса гадтабаад̇зна ваа гаталабаад̇зна ваа чиннасзваало вияа уд̣̇агам̣, буна сарийрам̣ взд̣̇анаа аж̇жход̇т̇арад̇и. яаа бана руубасад̇д̇агам̣ аруубасад̇д̇аган̃жа ниг̇г̇умб̣ам̣ ниж̇ж̇адам̣ гад̇ваа махаавибассанаавасзна самаабаннаа самаабад̇д̇и , саа судту вигкамбхзд̇и. яат̇аа наама бурисзна богкаран̣им̣ ог̇аахзд̇ваа хад̇т̇зхи жа баад̣̇зхи жа судту абаб̣яул̣хасзваало жирзна уд̣̇агам̣ од̇т̇арад̇и, звамзва д̇ад̇о вудтид̇асса жирзна взд̣̇анаа уббаж̇ж̇ад̇и. ид̇и бхаг̇аваа д̇ам̣д̣̇ивасам̣ махааб̣од̇хибаллан̇гз абхинавам̣ вибассанам̣ бадтабзнд̇о вияа руубасад̇д̇агам̣ аруубасад̇д̇аган̃жа ниг̇г̇умб̣ам̣ ниж̇ж̇адам̣ гад̇ваа жуд̣̇д̣̇асахаагаарзхи саннзд̇ваа махаавибассанааяа взд̣̇анам̣ вигкамбхзд̇ваа ‘‘д̣̇асамаасз маа уббаж̇ж̇ид̇т̇аа’’д̇и самаабад̇д̇им̣ самаабаж̇ж̇и, самаабад̇д̇ивигкамбхид̇аа взд̣̇анаа д̣̇аса маасз на уббаж̇ж̇иязва.
Kiṃ pana bhagavā ito pubbe phalasamāpattiṃ na samāpajjatīti? Samāpajjati. Sā pana khaṇikasamāpatti. Khaṇikasamāpatti ca antosamāpattiyaṃyeva vedanaṃ vikkhambheti, samāpattito vuṭṭhitamattassa kaṭṭhapātena vā kaṭhalapātena vā chinnasevālo viya udakaṃ, puna sarīraṃ vedanā ajjhottharati. Yā pana rūpasattakaṃ arūpasattakañca niggumbaṃ nijjaṭaṃ katvā mahāvipassanāvasena samāpannā samāpatti , sā suṭṭhu vikkhambheti. Yathā nāma purisena pokkharaṇiṃ ogāhetvā hatthehi ca pādehi ca suṭṭhu apabyuḷhasevālo cirena udakaṃ ottharati, evameva tato vuṭṭhitassa cirena vedanā uppajjati. Iti bhagavā taṃdivasaṃ mahābodhipallaṅke abhinavaṃ vipassanaṃ paṭṭhapento viya rūpasattakaṃ arūpasattakañca niggumbaṃ nijjaṭaṃ katvā cuddasahākārehi sannetvā mahāvipassanāya vedanaṃ vikkhambhetvā ‘‘dasamāse mā uppajjitthā’’ti samāpattiṃ samāpajji, samāpattivikkhambhitā vedanā dasa māse na uppajjiyeva.
г̇илаанаа вудтид̇од̇и г̇илаано худ̇ваа буна вудтид̇о. мад̇хурагаж̇аад̇о вияаад̇и сан̃ж̇аад̇аг̇арубхааво сан̃ж̇аад̇ат̇ад̣̇д̇хабхааво суулз уд̇д̇аасид̇абурисо вияа. на багкааяанд̇ийд̇и на багаасанд̇и, наанаагаарад̇о на убадтаханд̇и. д̇хаммааби мам̣ наббадибханд̇ийд̇и сад̇ибадтаанад̇хаммаа маяхам̣ баагадаа на хонд̇ийд̇и д̣̇ийбзд̇и. д̇анд̇ид̇хаммаа бана т̇зрасса суббаг̇ун̣аа. на уд̣̇аахарад̇ийд̇и бажчимаоваад̣̇ам̣ на д̣̇зд̇и, д̇ам̣ санд̇хааяа вад̣̇ад̇и.
Gilānā vuṭṭhitoti gilāno hutvā puna vuṭṭhito. Madhurakajāto viyāti sañjātagarubhāvo sañjātathaddhabhāvo sūle uttāsitapuriso viya. Na pakkhāyantīti na pakāsanti, nānākārato na upaṭṭhahanti. Dhammāpi maṃ nappaṭibhantīti satipaṭṭhānadhammā mayhaṃ pākaṭā na hontīti dīpeti. Tantidhammā pana therassa suppaguṇā. Na udāharatīti pacchimaovādaṃ na deti, taṃ sandhāya vadati.
ананд̇арам̣ аб̣аахиранд̇и д̇хаммавасзна ваа буг̇г̇алавасзна ваа убхаяам̣ агад̇ваа. ‘‘зд̇д̇агам̣ д̇хаммам̣ барасса на д̣̇зсзссаамий’’д̇и хи жинд̇знд̇о д̇хаммам̣ аб̣бханд̇арам̣ гарод̇и наама, ‘‘зд̇д̇агам̣ барасса д̣̇зсзссаамий’’д̇и жинд̇знд̇о б̣аахирам̣ гарод̇и наама. ‘‘имасса буг̇г̇аласса д̣̇зсзссаамий’’д̇и жинд̇знд̇о бана буг̇г̇алам̣ аб̣бханд̇арам̣ гарод̇и наама, ‘‘имасса на д̣̇зсзссаамий’’д̇и жинд̇знд̇о буг̇г̇алам̣ б̣аахирам̣ гарод̇и наама. звам̣ агад̇ваа д̣̇зсид̇од̇и ад̇т̇о. аажарияамудтийд̇и яат̇аа б̣аахирагаанам̣ аажарияамудти наама ход̇и, д̣̇ахарагаалз гассажи агат̇зд̇ваа бажчимагаалз маран̣аман̃жз нибаннаа бияаманаабасса анд̇зваасигасса гат̇знд̇и, звам̣ д̇ат̇ааг̇ад̇асса ‘‘ид̣̇ам̣ махаллагагаалз бажчиматаанз гат̇зссаамий’’д̇и мудтим̣ гад̇ваа барихарид̇ваа табид̇ам̣ гин̃жи над̇т̇ийд̇и д̣̇ассзд̇и.
Anantaraṃ abāhiranti dhammavasena vā puggalavasena vā ubhayaṃ akatvā. ‘‘Ettakaṃ dhammaṃ parassa na desessāmī’’ti hi cintento dhammaṃ abbhantaraṃ karoti nāma, ‘‘ettakaṃ parassa desessāmī’’ti cintento bāhiraṃ karoti nāma. ‘‘Imassa puggalassa desessāmī’’ti cintento pana puggalaṃ abbhantaraṃ karoti nāma, ‘‘imassa na desessāmī’’ti cintento puggalaṃ bāhiraṃ karoti nāma. Evaṃ akatvā desitoti attho. Ācariyamuṭṭhīti yathā bāhirakānaṃ ācariyamuṭṭhi nāma hoti, daharakāle kassaci akathetvā pacchimakāle maraṇamañce nipannā piyamanāpassa antevāsikassa kathenti, evaṃ tathāgatassa ‘‘idaṃ mahallakakāle pacchimaṭhāne kathessāmī’’ti muṭṭhiṃ katvā pariharitvā ṭhapitaṃ kiñci natthīti dasseti.
ахам̣ бхигкусан̇гханд̇и ахамзва бхигкусан̇гхам̣ барихариссаамийд̇и ваа, мамуд̣̇д̣̇зсигод̇и ахам̣ уд̣̇д̣̇исид̇аб̣б̣адтзна уд̣̇д̣̇зсо ассаад̇и мамуд̣̇д̣̇зсиго, мамзва уд̣̇д̣̇иссид̇ваа мам̣ бажжаасийсамаано бхигкусан̇гхо ход̇у мама ажжаязна маа ваа ахоси, яам̣ ваа д̇ам̣ ваа ход̇ууд̇и ид̇и ваа бана яасса ассаад̇и ад̇т̇о. на звам̣ ход̇ийд̇и б̣од̇хибаллан̇гзязва иссаамажчзраанам̣ виг̇ад̇ад̇д̇аа звам̣ на ход̇и. са гинд̇и со гим̣. аасийд̇игод̇и асийд̇исам̣важчариго, ид̣̇ам̣ бажчимаваяам̣ ануббад̇д̇абхаавад̣̇ийбанад̇т̇ам̣ вуд̇д̇ам̣. взтамиссагзнаад̇и б̣аахаб̣анд̇хажаггаб̣анд̇хаад̣̇инаа бадисан̇каран̣зна взтамиссагзна. ман̃н̃зд̇и ж̇арасагадам̣ вияа взтамиссагзна ман̃н̃з яаабзд̇и, арахад̇д̇апалавзтанзна жад̇уирияаабат̇агаббанам̣ д̇ат̇ааг̇ад̇асса ход̇ийд̇и д̣̇ассзд̇и.
Ahaṃ bhikkhusaṅghanti ahameva bhikkhusaṅghaṃ pariharissāmīti vā, mamuddesikoti ahaṃ uddisitabbaṭṭhena uddeso assāti mamuddesiko, mameva uddissitvā maṃ paccāsīsamāno bhikkhusaṅgho hotu mama accayena mā vā ahosi, yaṃ vā taṃ vā hotūti iti vā pana yassa assāti attho. Na evaṃ hotīti bodhipallaṅkeyeva issāmaccherānaṃ vigatattā evaṃ na hoti. Sa kinti so kiṃ. Āsītikoti asītisaṃvacchariko, idaṃ pacchimavayaṃ anuppattabhāvadīpanatthaṃ vuttaṃ. Veṭhamissakenāti bāhabandhacakkabandhādinā paṭisaṅkharaṇena veṭhamissakena. Maññeti jarasakaṭaṃ viya veṭhamissakena maññe yāpeti, arahattaphalaveṭhanena catuiriyāpathakappanaṃ tathāgatassa hotīti dasseti.
ид̣̇аани д̇амад̇т̇ам̣ багаасзнд̇о яасмим̣ аананд̣̇а самаязд̇иаад̣̇имааха. д̇ад̇т̇а саб̣б̣анимид̇д̇аананд̇и руубанимид̇д̇аад̣̇ийнам̣. згажжаанам̣ взд̣̇анаананд̇и логияаанам̣ взд̣̇анаанам̣. д̇асмаад̇ихаананд̣̇аад̇и яасмаа иминаа паласамаабад̇д̇ивихаарзна паасу ход̇и, д̇асмаа д̇умхзби д̇ад̣̇ад̇т̇ааяа звам̣ вихарат̇аад̇и д̣̇ассзд̇и. ад̇д̇ад̣̇ийбаад̇и махаасамуд̣̇д̣̇аг̇ад̇аа д̣̇ийбам̣ вияа ад̇д̇аанам̣ д̣̇ийбам̣ бад̇идтам̣ гад̇ваа вихарат̇а. ад̇д̇асаран̣аад̇и ад̇д̇аг̇ад̇игаава хот̇а, маа ан̃н̃аг̇ад̇игаа. д̇хаммад̣̇ийбад̇хаммасаран̣абад̣̇зсуби зсзва наяо. зд̇т̇а жа д̇хаммод̇и нававид̇хо логуд̇д̇арад̇хаммо взд̣̇ид̇аб̣б̣о. д̇амад̇аг̇г̇зд̇и д̇амааг̇г̇з, маж̇жхз д̇а-гааро бад̣̇асанд̇хивасзна вуд̇д̇о. ид̣̇ам̣ вуд̇д̇ам̣ ход̇и – имз аг̇г̇ад̇амаад̇и д̇амад̇аг̇г̇аад̇и . звам̣ саб̣б̣ам̣ д̇амасод̇ам̣ чинд̣̇ид̇ваа ад̇ивияа аг̇г̇з уд̇д̇амабхаавз зд̇з, аананд̣̇а, мама бхигкуу бхависсанд̇и, д̇зсам̣ аг̇г̇з бхависсанд̇и. яз гзжи сигкаагаамаа, саб̣б̣зсам̣ д̇зсам̣ жад̇усад̇ибадтаанаг̇ожараава бхигкуу аг̇г̇з бхависсанд̇ийд̇и арахад̇д̇анигуудзна д̣̇зсанам̣ г̇ан̣хийд̇и.
Idāni tamatthaṃ pakāsento yasmiṃ ānanda samayetiādimāha. Tattha sabbanimittānanti rūpanimittādīnaṃ. Ekaccānaṃ vedanānanti lokiyānaṃ vedanānaṃ. Tasmātihānandāti yasmā iminā phalasamāpattivihārena phāsu hoti, tasmā tumhepi tadatthāya evaṃ viharathāti dasseti. Attadīpāti mahāsamuddagatā dīpaṃ viya attānaṃ dīpaṃ patiṭṭhaṃ katvā viharatha. Attasaraṇāti attagatikāva hotha, mā aññagatikā. Dhammadīpadhammasaraṇapadesupi eseva nayo. Ettha ca dhammoti navavidho lokuttaradhammo veditabbo. Tamataggeti tamaagge, majjhe ta-kāro padasandhivasena vutto. Idaṃ vuttaṃ hoti – ime aggatamāti tamataggāti . Evaṃ sabbaṃ tamasotaṃ chinditvā ativiya agge uttamabhāve ete, ānanda, mama bhikkhū bhavissanti, tesaṃ agge bhavissanti. Ye keci sikkhākāmā, sabbesaṃ tesaṃ catusatipaṭṭhānagocarāva bhikkhū agge bhavissantīti arahattanikūṭena desanaṃ gaṇhīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. г̇илаанасуд̇д̇ам̣ • 9. Gilānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. г̇илаанасуд̇д̇аван̣н̣анаа • 9. Gilānasuttavaṇṇanā
