| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. г̇илаанасуд̇д̇аван̣н̣анаа
2. Gilānasuttavaṇṇanā
22. д̣̇уд̇ияз хид̇аанийд̇и бхаб̣яаани. вуд̣̇д̇хигараанийд̇и аарог̇яаад̣̇ивуд̣̇д̇хигараани. анужчавиганд̇и убадтаанагирияааяа ануруубам̣. ваад̇аабамаарарог̇знаад̇и ваад̇арог̇зна жа абамаарарог̇зна жа, ваад̇анид̣̇аанзна ваа абамаарарог̇зна. нидтаббад̇д̇аг̇илаанод̇и ‘‘иминаа рог̇зна на жирассзва мариссад̇ий’’д̇и нидтам̣ бад̇д̇о г̇илаано. кибид̇агам̣ наама вамат̇урог̇о. гажчууд̇и т̇уллагажчуааб̣аад̇хо. д̇ин̣абубпагаж̇аро висамаваад̇асампассаж̇арог̇о. язсанд̇и язсам̣ рог̇аанам̣. бадиж̇аг̇г̇анзнаад̇и бадигаарамад̇д̇зна. паасуганд̇и б̣яаад̇хивуубасаманзна сарийрасса паасубхааво. б̣яаад̇хинид̣̇аанасамудтаанаж̇аананзна бан̣д̣ид̇о, бадигаарагирияааяа яуд̇д̇агаарид̇ааяа д̣̇агко, удтаанавийрияасамбад̇д̇ияаа аналасо.
22. Dutiye hitānīti bhabyāni. Vuddhikarānīti ārogyādivuddhikarāni. Anucchavikanti upaṭṭhānakiriyāya anurūpaṃ. Vātāpamārarogenāti vātarogena ca apamārarogena ca, vātanidānena vā apamārarogena. Niṭṭhappattagilānoti ‘‘iminā rogena na cirasseva marissatī’’ti niṭṭhaṃ patto gilāno. Khipitakaṃ nāma vamathurogo. Kacchūti thullakacchuābādho. Tiṇapupphakajaro visamavātasamphassajarogo. Yesanti yesaṃ rogānaṃ. Paṭijagganenāti paṭikāramattena. Phāsukanti byādhivūpasamanena sarīrassa phāsubhāvo. Byādhinidānasamuṭṭhānajānanena paṇḍito, paṭikārakiriyāya yuttakāritāya dakkho, uṭṭhānavīriyasampattiyā analaso.
бад̣̇абарамо буг̇г̇ало гат̇ид̇о саммад̇д̇анияаамоггаманасса аяог̇г̇абхаавад̇о. алабханд̇ова д̇ат̇ааг̇ад̇аббавзд̣̇ид̇ам̣ д̇хаммавинаяам̣ саванааяа оггамад̇и нияаамам̣ гусалзсу д̇хаммзсу саммад̇д̇ам̣ бажжзгаб̣од̇хим̣. яанд̇и, яад̇о. оваад̣̇ам̣ лабхид̇ваад̇и аабхисамаажааригавад̇д̇ам̣ оваад̣̇амад̇д̇ам̣. зд̇д̇агоби хи д̇асса хид̇ааваход̇и. д̇анниссид̇оваад̇и вибан̃жид̇ан̃н̃униссид̇ова ход̇и. бунаббунам̣ д̣̇зсзд̇аб̣б̣ова саммад̇д̇анияаамоггаманасса яог̇г̇абхаавад̇о.
Padaparamopuggalo kathito sammattaniyāmokkamanassa ayoggabhāvato. Alabhantova tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ paccekabodhiṃ. Yanti, yato. Ovādaṃ labhitvāti ābhisamācārikavattaṃ ovādamattaṃ. Ettakopi hi tassa hitāvahoti. Tannissitovāti vipañcitaññunissitova hoti. Punappunaṃ desetabbova sammattaniyāmokkamanassa yoggabhāvato.
г̇илаанасуд̇д̇аван̣н̣анаа нидтид̇аа.
Gilānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. г̇илаанасуд̇д̇ам̣ • 2. Gilānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. г̇илаанасуд̇д̇аван̣н̣анаа • 2. Gilānasuttavaṇṇanā
