| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. г̇илаанасуд̇д̇аван̣н̣анаа
9. Gilānasuttavaṇṇanā
375. баад̣̇аг̇аамод̇и наг̇арасса бад̣̇асад̣̇исо маханд̇аг̇аамо. д̇знзвааха ‘‘взсаалияам̣ вихарад̇и взл̣уваг̇аамагз’’д̇и. ахид̇анисзд̇хана-хид̇анияож̇ана-б̣яасанабарижжаж̇ана-лагкан̣о мид̇д̇абхааво язсу ад̇т̇и, д̇з мид̇д̇аа. яз бана д̣̇идтамад̇д̇асахааяаа, д̇з санд̣̇идтаа. яз сависзсам̣ бхад̇д̇иманд̇о, д̇з самбхад̇д̇аад̇и д̣̇ассзнд̇о ‘‘мид̇д̇аад̇и мид̇д̇ааваа’’д̇иаад̣̇имааха. ассаад̇и бхаг̇авад̇о. бан̃жамияам̣ адтамияам̣ жаад̇уд̣̇д̣̇асияам̣ бан̃жад̣̇асияанд̇и згзгасмим̣ багкз жад̇д̇ааро ваарз гад̇ваа маасасса адтаваарз.
375.Pādagāmoti nagarassa padasadiso mahantagāmo. Tenevāha ‘‘vesāliyaṃ viharati veḷuvagāmake’’ti. Ahitanisedhana-hitaniyojana-byasanapariccajana-lakkhaṇo mittabhāvo yesu atthi, te mittā. Ye pana diṭṭhamattasahāyā, te sandiṭṭhā. Ye savisesaṃ bhattimanto, te sambhattāti dassento ‘‘mittāti mittāvā’’tiādimāha. Assāti bhagavato. Pañcamiyaṃ aṭṭhamiyaṃ cātuddasiyaṃ pañcadasiyanti ekekasmiṃ pakkhe cattāro vāre katvā māsassa aṭṭhavāre.
взд̣̇анаанам̣ б̣алавабхаавзна каро парусо гагкал̣о. ааб̣аад̇ход̇и буб̣б̣агаммахзд̇уд̇ааяа гаммасамудтаано ааб̣аад̇хо сан̇каарад̣̇угкад̇аасан̇каад̇о саб̣б̣агаалигад̇д̇аа сарийрасса сабхааг̇арог̇о наама. нааяамийд̣̇исо ааб̣аад̇хо, аяам̣ бана б̣ахалад̇араб̣яаад̇хид̇ааяа ‘‘висабхааг̇арог̇о’’д̇и вуд̇д̇о. анд̇а-сад̣̇д̣̇о самийбабавад̇д̇од̇и ааха – ‘‘маран̣анд̇ам̣ маран̣асанд̇ига’’нд̇и. взд̣̇анаа…бз… агаронд̇о уггам̣саг̇ад̇абхаавид̇агааяаад̣̇ид̇ааяа. абийл̣ияамаанод̇и абийл̣ияамаано вияа. оваад̣̇амзва бхигкусан̇гхасса абалогананд̇и ааха – ‘‘оваад̣̇аанусаасаним̣ ад̣̇ад̇ваад̇и вуд̇д̇ам̣ ход̇ий’’д̇и. буб̣б̣абхааг̇авийрияам̣ наама паласамаабад̇д̇ияаа баригаммабхууд̇авибассанаавийрияам̣. ж̇ийвид̇амби ж̇ийвид̇асан̇кааро бад̇ид̇ум̣ ад̣̇ад̇ваа ад̇д̇абхаавасса абхисан̇каран̣ад̇о.
Vedanānaṃ balavabhāvena kharo pharuso kakkhaḷo. Ābādhoti pubbakammahetutāya kammasamuṭṭhāno ābādho saṅkhāradukkhatāsaṅkhāto sabbakālikattā sarīrassa sabhāgarogo nāma. Nāyamīdiso ābādho, ayaṃ pana bahalatarabyādhitāya ‘‘visabhāgarogo’’ti vutto. Anta-saddo samīpapavattoti āha – ‘‘maraṇantaṃ maraṇasantika’’nti. Vedanā…pe… akaronto ukkaṃsagatabhāvitakāyāditāya. Apīḷiyamānoti apīḷiyamāno viya. Ovādameva bhikkhusaṅghassa apalokananti āha – ‘‘ovādānusāsaniṃ adatvāti vuttaṃ hotī’’ti. Pubbabhāgavīriyaṃ nāma phalasamāpattiyā parikammabhūtavipassanāvīriyaṃ. Jīvitampi jīvitasaṅkhāro patituṃ adatvā attabhāvassa abhisaṅkharaṇato.
‘‘зд̇д̇агам̣ гаалам̣ ад̇иггамид̇ваа вудтахиссаамий’’д̇и кан̣абарижчзд̣̇авад̇ий самаабад̇д̇и кан̣игасамаабад̇д̇и. ниг̇г̇умб̣ам̣ ниж̇ж̇адам̣ гад̇ваад̇и руубасад̇д̇агааруубасад̇д̇агавасзна бавад̇д̇ияамаанам̣ вибассанаабхааванам̣ саб̣б̣асо килавирахзна ниг̇г̇умб̣ам̣, аб̣яаагулад̇ааяа ниж̇ж̇адам̣ гад̇ваа. махаавибассанаавасзнаад̇и бажжзгам̣ сависзсам̣ вид̇т̇аарид̇аанам̣ адтаарасаад̣̇ийнам̣ махаавибассанаанам̣ васзна вибассид̇ваа самаабаннаа яаа самаабад̇д̇и, саа судту вигкамбхзд̇и взд̣̇анам̣ махааб̣алавад̇ааяа буб̣б̣аарамман̣асса, махаанубхаавад̇ааяа д̇ат̇аабавад̇д̇ид̇авибассанаавийрияасса. яат̇аа наамаад̇иаад̣̇инаа д̇асса нид̣̇ассанам̣ д̣̇ассзд̇и. взд̣̇анаад̇и д̣̇угкавзд̣̇анаа. жуд̣̇д̣̇асахаагаарзхийд̇и д̇ассзва сад̇д̇агад̣̇ваяасса васзна вад̣̇ад̇и. саннзд̇ваад̇и анд̇аранд̇араа самаабаннаж̇жхаанасамаабад̇д̇исамбхууд̇зна вибассанаабийд̇исинзхзна д̇змзд̇ваа. самаабад̇д̇ийд̇и паласамаабад̇д̇и.
‘‘Ettakaṃ kālaṃ atikkamitvā vuṭṭhahissāmī’’ti khaṇaparicchedavatī samāpatti khaṇikasamāpatti. Niggumbaṃ nijjaṭaṃ katvāti rūpasattakārūpasattakavasena pavattiyamānaṃ vipassanābhāvanaṃ sabbaso khilavirahena niggumbaṃ, abyākulatāya nijjaṭaṃ katvā. Mahāvipassanāvasenāti paccekaṃ savisesaṃ vitthāritānaṃ aṭṭhārasādīnaṃ mahāvipassanānaṃ vasena vipassitvā samāpannā yā samāpatti, sā suṭṭhu vikkhambheti vedanaṃ mahābalavatāya pubbārammaṇassa, mahānubhāvatāya tathāpavattitavipassanāvīriyassa. Yathānāmātiādinā tassa nidassanaṃ dasseti. Vedanāti dukkhavedanā. Cuddasahākārehīti tasseva sattakadvayassa vasena vadati. Sannetvāti antarantarā samāpannajjhānasamāpattisambhūtena vipassanāpītisinehena temetvā. Samāpattīti phalasamāpatti.
г̇илаанаа вудтид̇од̇и г̇илаанабхаавад̇о вудтид̇о. сарийрасса г̇арут̇ад̣̇д̇хабхааваббад̇д̇и мад̇хурагад̇аад̇и ааха – ‘‘сан̃ж̇аад̇аг̇арубхааво сан̃ж̇аад̇ат̇ад̣̇д̇хабхааво’’д̇и. наанаагаарад̇од̇и бурад̇т̇имаад̣̇ибхзд̣̇ад̇о. сад̇ибадтаанад̇хаммаад̇и буб̣б̣з ад̇д̇анаа бхаавияамаанаа сад̇ибадтаанад̇хаммаа. баагадаа на хонд̇и гааяажид̇д̇аанам̣ агамман̃н̃ад̇ааяа. д̇анд̇и д̇хаммаад̇и барияад̇д̇ид̇хаммаа на н̃ааяанд̇и.
Gilānā vuṭṭhitoti gilānabhāvato vuṭṭhito. Sarīrassa garuthaddhabhāvappatti madhurakatāti āha – ‘‘sañjātagarubhāvo sañjātathaddhabhāvo’’ti. Nānākāratoti puratthimādibhedato. Satipaṭṭhānadhammāti pubbe attanā bhāviyamānā satipaṭṭhānadhammā. Pākaṭā na honti kāyacittānaṃ akammaññatāya. Tanti dhammāti pariyattidhammā na ñāyanti.
ананд̇арам̣ аб̣аахиранд̇и д̇хаммавасзна буг̇г̇алавасзна жа анд̇араб̣аахирам̣ агад̇ваа. зд̇д̇аганд̇иаад̣̇инаа вуд̇д̇амзвад̇т̇ам̣ виварад̇и. д̣̇ахарагаалзд̇и ад̇д̇ано д̣̇ахарагаалз. на звам̣ ход̇ийд̇и ‘‘ахам̣ бхигкусан̇гхам̣ барихариссаамий’’д̇иаад̣̇иго маанад̇ан̣хаамуулаго иссаамажчарияаанам̣ бавад̇д̇иаагааро д̇ат̇ааг̇ад̇асса на ход̇и, над̇т̇зва баг̇зва д̇зсам̣ самужчиннад̇д̇аад̇и ааха – ‘‘б̣од̇хибаллан̇гзязваа’’д̇иаад̣̇и. бадисан̇каран̣зна взтзна миссагзна. ман̃н̃зд̇и яат̇аавуд̇д̇ам̣ бадисан̇каран̣асан̃н̃ид̇зна взтамиссагзна вияа ж̇арасагадам̣. арахад̇д̇апалавзтзнаад̇и арахад̇д̇апаласамаабад̇д̇исан̃н̃ид̇зна ад̇т̇абхаававзтзна.
Anantaraṃ abāhiranti dhammavasena puggalavasena ca antarabāhiraṃ akatvā. Ettakantiādinā vuttamevatthaṃ vivarati. Daharakāleti attano daharakāle. Na evaṃ hotīti ‘‘ahaṃ bhikkhusaṅghaṃ pariharissāmī’’tiādiko mānataṇhāmūlako issāmacchariyānaṃ pavattiākāro tathāgatassa na hoti, nattheva pageva tesaṃ samucchinnattāti āha – ‘‘bodhipallaṅkeyevā’’tiādi. Paṭisaṅkharaṇena veṭhena missakena. Maññeti yathāvuttaṃ paṭisaṅkharaṇasaññitena veṭhamissakena viya jarasakaṭaṃ. Arahattaphalaveṭhenāti arahattaphalasamāpattisaññitena atthabhāvaveṭhena.
паласамаабад̇д̇ияаа ад̇хиббзд̇ад̇д̇аа ‘‘згажжаанам̣ взд̣̇анаананд̇и логияаанам̣ взд̣̇анаана’’нд̇и вуд̇д̇ам̣. ад̇д̇ад̣̇ийбаад̇и зд̇т̇а ад̇д̇а-сад̣̇д̣̇зна д̇хаммо зва вуд̇д̇о, свааяамад̇т̇о хздтаа вибхаавид̇о зва. нававид̇хо логуд̇д̇арад̇хаммо взд̣̇ид̇аб̣б̣о. со хи жад̇уухи огхзхи анаж̇жход̇т̇аран̣ийяад̇о ‘‘д̣̇ийбо’’д̇и вуд̇д̇о. д̇амааг̇г̇зд̇и д̇амаяог̇аабхаавзна сад̣̇звагасса логасса аг̇г̇з. саб̣б̣зсанд̇и саб̣б̣зсам̣ сигкаагаамаанам̣. д̇з ‘‘д̇хаммад̣̇ийбаа вихарат̇аа’’д̇и вуд̇д̇аа жад̇усад̇ибадтаанаг̇ожараава бхигкуу аг̇г̇з бхависсанд̇и.
Phalasamāpattiyā adhippetattā ‘‘ekaccānaṃ vedanānanti lokiyānaṃ vedanāna’’nti vuttaṃ. Attadīpāti ettha atta-saddena dhammo eva vutto, svāyamattho heṭṭhā vibhāvito eva. Navavidho lokuttaradhammo veditabbo. So hi catūhi oghehi anajjhottharaṇīyato ‘‘dīpo’’ti vutto. Tamaaggeti tamayogābhāvena sadevakassa lokassa agge. Sabbesanti sabbesaṃ sikkhākāmānaṃ. Te ‘‘dhammadīpā viharathā’’ti vuttā catusatipaṭṭhānagocarāva bhikkhū agge bhavissanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. г̇илаанасуд̇д̇ам̣ • 9. Gilānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. г̇илаанасуд̇д̇аван̣н̣анаа • 9. Gilānasuttavaṇṇanā
