| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. คิลานสุตฺตวณฺณนา
2. Gilānasuttavaṇṇanā
๒๒. ทุติเย หิตานีติ ภพฺยานิฯ วุทฺธิกรานีติ อาโรคฺยาทิวุทฺธิกรานิฯ อนุจฺฉวิกนฺติ อุปฎฺฐานกิริยาย อนุรูปํฯ วาตาปมารโรเคนาติ วาตโรเคน จ อปมารโรเคน จ, วาตนิทาเนน วา อปมารโรเคนฯ นิฎฺฐปฺปตฺตคิลาโนติ ‘‘อิมินา โรเคน น จิรเสฺสว มริสฺสตี’’ติ นิฎฺฐํ ปโตฺต คิลาโนฯ ขิปิตกํ นาม วมถุโรโคฯ กจฺฉูติ ถุลฺลกจฺฉุอาพาโธฯ ติณปุปฺผกชโร วิสมวาตสมฺผสฺสชโรโคฯ เยสนฺติ เยสํ โรคานํฯ ปฎิชคฺคเนนาติ ปฎิการมเตฺตนฯ ผาสุกนฺติ พฺยาธิวูปสมเนน สรีรสฺส ผาสุภาโวฯ พฺยาธินิทานสมุฎฺฐานชานเนน ปณฺฑิโต, ปฎิการกิริยาย ยุตฺตการิตาย ทโกฺข, อุฎฺฐานวีริยสมฺปตฺติยา อนลโสฯ
22. Dutiye hitānīti bhabyāni. Vuddhikarānīti ārogyādivuddhikarāni. Anucchavikanti upaṭṭhānakiriyāya anurūpaṃ. Vātāpamārarogenāti vātarogena ca apamārarogena ca, vātanidānena vā apamārarogena. Niṭṭhappattagilānoti ‘‘iminā rogena na cirasseva marissatī’’ti niṭṭhaṃ patto gilāno. Khipitakaṃ nāma vamathurogo. Kacchūti thullakacchuābādho. Tiṇapupphakajaro visamavātasamphassajarogo. Yesanti yesaṃ rogānaṃ. Paṭijagganenāti paṭikāramattena. Phāsukanti byādhivūpasamanena sarīrassa phāsubhāvo. Byādhinidānasamuṭṭhānajānanena paṇḍito, paṭikārakiriyāya yuttakāritāya dakkho, uṭṭhānavīriyasampattiyā analaso.
ปทปรโม ปุคฺคโล กถิโต สมฺมตฺตนิยาโมกฺกมนสฺส อโยคฺคภาวโตฯ อลภโนฺตว ตถาคตปฺปเวทิตํ ธมฺมวินยํ สวนาย โอกฺกมติ นิยามํ กุสเลสุ ธเมฺมสุ สมฺมตฺตํ ปเจฺจกโพธิํฯ ยนฺติ, ยโตฯ โอวาทํ ลภิตฺวาติ อาภิสมาจาริกวตฺตํ โอวาทมตฺตํฯ เอตฺตโกปิ หิ ตสฺส หิตาวโหติฯ ตนฺนิสฺสิโตวาติ วิปญฺจิตญฺญุนิสฺสิโตว โหติฯ ปุนปฺปุนํ เทเสตโพฺพว สมฺมตฺตนิยาโมกฺกมนสฺส โยคฺคภาวโตฯ
Padaparamopuggalo kathito sammattaniyāmokkamanassa ayoggabhāvato. Alabhantova tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ paccekabodhiṃ. Yanti, yato. Ovādaṃ labhitvāti ābhisamācārikavattaṃ ovādamattaṃ. Ettakopi hi tassa hitāvahoti. Tannissitovāti vipañcitaññunissitova hoti. Punappunaṃ desetabbova sammattaniyāmokkamanassa yoggabhāvato.
คิลานสุตฺตวณฺณนา นิฎฺฐิตาฯ
Gilānasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. คิลานสุตฺตํ • 2. Gilānasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๒. คิลานสุตฺตวณฺณนา • 2. Gilānasuttavaṇṇanā
