| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. คิลานสุตฺตวณฺณนา
4. Gilānasuttavaṇṇanā
๑๐๕๐. น โข ปเนตนฺติ น โข เอตํ, โนติ จ อเมฺหหีติ อโตฺถติ อาห ‘‘น โข อเมฺหหี’’ติอาทิฯ อสฺสสนฺตีติ อสฺสาสนียาติ อาห ‘‘อสฺสาสกเรหี’’ติฯ มริสฺสตีติ มาริโส, เอกนฺตภาวิมรโณ, โส ปน มรณาธีนวุตฺติโกติ วุตฺตํ ‘‘มรณปฎิพโทฺธ’’ติฯ อธิมุเจฺจหีติ อธิมุตฺติํ อุปฺปาเทหิฯ ตํ ปน ตถา จิตฺตสฺส ปณิธานํ ฐปนนฺติ อาห ‘‘ฐเปหี’’ติฯ อาคมนียคุเณสูติ ปุพฺพภาคคุเณสุฯ ปมาณํ นาม นตฺถิ อนนฺตาปริมาณตฺตาฯ นานากรณํ นตฺถิ วิมุตฺติยา นินฺนานตฺตาฯ
1050.Na kho panetanti na kho etaṃ, noti ca amhehīti atthoti āha ‘‘na kho amhehī’’tiādi. Assasantīti assāsanīyāti āha ‘‘assāsakarehī’’ti. Marissatīti māriso, ekantabhāvimaraṇo, so pana maraṇādhīnavuttikoti vuttaṃ ‘‘maraṇapaṭibaddho’’ti. Adhimuccehīti adhimuttiṃ uppādehi. Taṃ pana tathā cittassa paṇidhānaṃ ṭhapananti āha ‘‘ṭhapehī’’ti. Āgamanīyaguṇesūti pubbabhāgaguṇesu. Pamāṇaṃ nāma natthi anantāparimāṇattā. Nānākaraṇaṃ natthi vimuttiyā ninnānattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. คิลานสุตฺตํ • 4. Gilānasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. คิลานสุตฺตวณฺณนา • 4. Gilānasuttavaṇṇanā
