| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. ගිලානසුත්‌තවණ්‌ණනා
2. Gilānasuttavaṇṇanā
22. දුතියෙ හිතානීති භබ්‍යානි. වුද්‌ධිකරානීති ආරොග්‍යාදිවුද්‌ධිකරානි. අනුච්‌ඡවිකන්‌ති උපට්‌ඨානකිරියාය අනුරූපං. වාතාපමාරරොගෙනාති වාතරොගෙන ච අපමාරරොගෙන ච, වාතනිදානෙන වා අපමාරරොගෙන. නිට්‌ඨප්‌පත්‌තගිලානොති ‘‘ඉමිනා රොගෙන න චිරස්‌සෙව මරිස්‌සතී’’ති නිට්‌ඨං පත්‌තො ගිලානො. ඛිපිතකං නාම වමථුරොගො. කච්‌ඡූති ථුල්‌ලකච්‌ඡුආබාධො. තිණපුප්‌ඵකජරො විසමවාතසම්‌ඵස්‌සජරොගො. යෙසන්‌ති යෙසං රොගානං. පටිජග්‌ගනෙනාති පටිකාරමත්‌තෙන. ඵාසුකන්‌ති බ්‍යාධිවූපසමනෙන සරීරස්‌ස ඵාසුභාවො. බ්‍යාධිනිදානසමුට්‌ඨානජානනෙන පණ්‌ඩිතො, පටිකාරකිරියාය යුත්‌තකාරිතාය දක්‌ඛො, උට්‌ඨානවීරියසම්‌පත්‌තියා අනලසො.
22. Dutiye hitānīti bhabyāni. Vuddhikarānīti ārogyādivuddhikarāni. Anucchavikanti upaṭṭhānakiriyāya anurūpaṃ. Vātāpamārarogenāti vātarogena ca apamārarogena ca, vātanidānena vā apamārarogena. Niṭṭhappattagilānoti ‘‘iminā rogena na cirasseva marissatī’’ti niṭṭhaṃ patto gilāno. Khipitakaṃ nāma vamathurogo. Kacchūti thullakacchuābādho. Tiṇapupphakajaro visamavātasamphassajarogo. Yesanti yesaṃ rogānaṃ. Paṭijagganenāti paṭikāramattena. Phāsukanti byādhivūpasamanena sarīrassa phāsubhāvo. Byādhinidānasamuṭṭhānajānanena paṇḍito, paṭikārakiriyāya yuttakāritāya dakkho, uṭṭhānavīriyasampattiyā analaso.
පදපරමො පුග්‌ගලො කථිතො සම්‌මත්‌තනියාමොක්‌කමනස්‌ස අයොග්‌ගභාවතො. අලභන්‌තොව තථාගතප්‌පවෙදිතං ධම්‌මවිනයං සවනාය ඔක්‌කමති නියාමං කුසලෙසු ධම්‌මෙසු සම්‌මත්‌තං පච්‌චෙකබොධිං. යන්‌ති, යතො. ඔවාදං ලභිත්‌වාති ආභිසමාචාරිකවත්‌තං ඔවාදමත්‌තං. එත්‌තකොපි හි තස්‌ස හිතාවහොති. තන්‌නිස්‌සිතොවාති විපඤ්‌චිතඤ්‌ඤුනිස්‌සිතොව හොති. පුනප්‌පුනං දෙසෙතබ්‌බොව සම්‌මත්‌තනියාමොක්‌කමනස්‌ස යොග්‌ගභාවතො.
Padaparamopuggalo kathito sammattaniyāmokkamanassa ayoggabhāvato. Alabhantova tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ paccekabodhiṃ. Yanti, yato. Ovādaṃ labhitvāti ābhisamācārikavattaṃ ovādamattaṃ. Ettakopi hi tassa hitāvahoti. Tannissitovāti vipañcitaññunissitova hoti. Punappunaṃ desetabbova sammattaniyāmokkamanassa yoggabhāvato.
ගිලානසුත්‌තවණ්‌ණනා නිට්‌ඨිතා.
Gilānasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. ගිලානසුත්‌තං • 2. Gilānasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 2. ගිලානසුත්‌තවණ්‌ණනා • 2. Gilānasuttavaṇṇanā
