| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
224. г̇илаанавад̇т̇угат̇аа
224. Gilānavatthukathā
365. ман̃жагз нибаад̇зсунд̇и зд̇т̇а ман̃жагз нибаад̇анам̣ наама ман̃жагз нибаж̇ж̇аабананд̇и ааха ‘‘ман̃жагз нибаж̇ж̇аабзсу’’нд̇и. муд̇д̇агарийсагилидтанд̇и муд̇д̇агарийсзхи гилидтам̣. яод̇и яо гожи. манд̇и мама. д̇амад̇т̇ам̣ д̣̇ассзнд̇о ааха ‘‘оваад̣̇аанусаасанийгаран̣знаа’’д̇и. мама оваад̣̇асса жа анусаасанияаа жа гаран̣знаад̇и ад̇т̇о. зд̇т̇аад̇и ‘‘яо бхигкавз мам̣ убадтахзяяаа’’д̇иаад̣̇ибаатз. суд̇д̇асса нзяяад̇т̇ад̇д̇аа аг̇ахзд̇аб̣б̣ад̇т̇ам̣ д̣̇ассзнд̇о ааха ‘‘бхаг̇авад̇о жаа’’д̇иаад̣̇и. яассаад̇и г̇илаанасса. убаж̇жхааяаад̣̇аяод̇и зд̇т̇а аад̣̇исад̣̇д̣̇зна аажарияасад̣̇д̇хивихааригаанд̇зваасигасамаанубаж̇жхааяагасамаанаажарияагасан̇каад̇з бан̃жа ж̇анз сан̇г̇ан̣хаад̇и. згажаариго ваа ход̇ийд̇и самб̣анд̇хо. сан̇гхад̇т̇зробийд̇и бисад̣̇д̣̇о баг̇зва ан̃н̃зсанд̇и д̣̇ассзд̇и.
365.Mañcake nipātesunti ettha mañcake nipātanaṃ nāma mañcake nipajjāpananti āha ‘‘mañcake nipajjāpesu’’nti. Muttakarīsakiliṭṭhanti muttakarīsehi kiliṭṭhaṃ. Yoti yo koci. Manti mama. Tamatthaṃ dassento āha ‘‘ovādānusāsanīkaraṇenā’’ti. Mama ovādassa ca anusāsaniyā ca karaṇenāti attho. Etthāti ‘‘yo bhikkhave maṃ upaṭṭhaheyyā’’tiādipāṭhe. Suttassa neyyatthattā agahetabbatthaṃ dassento āha ‘‘bhagavato cā’’tiādi. Yassāti gilānassa. Upajjhāyādayoti ettha ādisaddena ācariyasaddhivihārikaantevāsikasamānupajjhāyakasamānācariyakasaṅkhāte pañca jane saṅgaṇhāti. Ekacāriko vā hotīti sambandho. Saṅghattheropīti pisaddo pageva aññesanti dasseti.
366. абхиггаманд̇ам̣ ваад̇и зд̇т̇а абхимукам̣ гамад̇ийд̇и абхиггаманд̇од̇и вуд̇д̇з вад̣дханад̇т̇од̇и ааха ‘‘вад̣дханд̇ам̣ ваа’’д̇и. ааб̣аад̇хам̣ наавигарод̇ийд̇и самб̣анд̇хо. иминаа анд̇абажжаяасса саруубам̣ д̣̇ассзд̇и. ид̣̇ам̣ наама бхож̇ананд̇и самб̣анд̇хо. сам̣вид̇хаад̇унд̇и зд̇т̇а сам̣вибуб̣б̣о д̇хаад̇хаад̇у гарад̇хаад̇вад̇т̇о, гарад̇хаад̇у жа саб̣б̣ад̇хаад̇вад̇т̇о, д̇асмаа вуд̇д̇ам̣ ‘‘бхзсаж̇ж̇ам̣ яож̇зд̇у’’нд̇и . ассаад̇и г̇илаанубадтаагасса. анд̇арасад̣̇д̣̇асса маж̇жхад̇т̇аад̣̇аяо бадигкибанд̇о ааха ‘‘гааран̣ам̣ вужжад̇ий’’д̇и.
366.Abhikkamantaṃ vāti ettha abhimukhaṃ kamatīti abhikkamantoti vutte vaḍḍhanatthoti āha ‘‘vaḍḍhantaṃ vā’’ti. Ābādhaṃ nāvikarotīti sambandho. Iminā antapaccayassa sarūpaṃ dasseti. Idaṃ nāma bhojananti sambandho. Saṃvidhātunti ettha saṃvipubbo dhādhātu karadhātvattho, karadhātu ca sabbadhātvattho, tasmā vuttaṃ ‘‘bhesajjaṃ yojetu’’nti . Assāti gilānupaṭṭhākassa. Antarasaddassa majjhatthādayo paṭikkhipanto āha ‘‘kāraṇaṃ vuccatī’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 224. г̇илаанавад̇т̇угат̇аа • 224. Gilānavatthukathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇илаанавад̇т̇угат̇аа • Gilānavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / г̇илаанавад̇т̇угат̇ааван̣н̣анаа • Gilānavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇илаанавад̇т̇угат̇ааван̣н̣анаа • Gilānavatthukathāvaṇṇanā
