| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਗਿਲਾਨવਤ੍ਥੁਕਥਾ
Gilānavatthukathā
੩੬੫. ਮਞ੍ਚਕੇ ਨਿਪਾਤੇਸੁਨ੍ਤਿ ਏવਂ ਧੋવਿਤ੍વਾ ਅਞ੍ਞਂ ਕਾਸਾવਂ ਨਿવਾਸੇਤ੍વਾ ਮਞ੍ਚਕੇ ਨਿਪਜ੍ਜਾਪੇਸੁਂ; ਨਿਪਜ੍ਜਾਪੇਤ੍વਾ ਚ ਪਨਾਯਸ੍ਮਾ ਆਨਨ੍ਦੋ ਮੁਤ੍ਤਕਰੀਸਕਿਲਿਟ੍ਠਂ ਕਾਸਾવਂ ਧੋવਿਤ੍વਾ ਭੂਮਿਯਂ ਪਰਿਭਣ੍ਡਂ ਅਕਾਸਿ। ਯੋ ਭਿਕ੍ਖવੇ ਮਂ ਉਪਟ੍ਠਹੇਯ੍ਯ, ਸੋ ਗਿਲਾਨਂ ਉਪਟ੍ਠਹੇਯ੍ਯਾਤਿ ਯੋ ਮਂ ਓવਾਦਾਨੁਸਾਸਨੀਕਰਣੇਨ ਉਪਟ੍ਠਹੇਯ੍ਯ, ਸੋ ਗਿਲਾਨਂ ਉਪਟ੍ਠਹੇਯ੍ਯ; ਮਮ ਓવਾਦਕਾਰਕੇਨ ਗਿਲਾਨੋ ਉਪਟ੍ਠਾਤਬ੍ਬੋਤਿ ਅਯਮੇવੇਤ੍ਥ ਅਤ੍ਥੋ। ਭਗવਤੋ ਚ ਗਿਲਾਨਸ੍ਸ ਚ ਉਪਟ੍ਠਾਨਂ ਏਕਸਦਿਸਨ੍ਤਿ ਏવਂ ਪਨੇਤ੍ਥ ਅਤ੍ਥੋ ਨ ਗਹੇਤਬ੍ਬੋ। ਸਙ੍ਘੇਨ ਉਪਟ੍ਠਾਤਬ੍ਬੋਤਿ ਯਸ੍ਸੇਤੇ ਉਪਜ੍ਝਾਦਯੋ ਤਸ੍ਮਿਂ વਿਹਾਰੇ ਨਤ੍ਥਿ, ਆਗਨ੍ਤੁਕੋ ਹੋਤਿ ਏਕਚਾਰਿਕੋ ਭਿਕ੍ਖੁ, ਸੋ ਸਙ੍ਘਸ੍ਸ ਭਾਰੋ, ਤਸ੍ਮਾ ਸਙ੍ਘੇਨ ਉਪਟ੍ਠਾਤਬ੍ਬੋ। ਨੋ ਚੇ ਉਪਟ੍ਠਹੇਯ੍ਯ, ਸਕਲਸ੍ਸ ਸਙ੍ਘਸ੍ਸ ਆਪਤ੍ਤਿ। વਾਰਂ ਠਪੇਤ੍વਾ ਜਗ੍ਗਨ੍ਤੇਸੁ ਪਨ ਯੋ ਅਤ੍ਤਨੋ વਾਰੇ ਨ ਜਗ੍ਗਤਿ, ਤਸ੍ਸੇવ ਆਪਤ੍ਤਿ। ਸਙ੍ਘਤ੍ਥੇਰੋਪਿ વਾਰਕੋ ਨ ਮੁਚ੍ਚਤਿ। ਸਚੇ ਸਕਲੋ ਸਙ੍ਘੋ ਏਕਸ੍ਸ ਭਾਰਂ ਕਰੋਤਿ, ਏਕੋ વਾ વਤ੍ਤਸਮ੍ਪਨ੍ਨੋ ਭਿਕ੍ਖੁ ਅਹਮੇવ ਜਗ੍ਗਿਸ੍ਸਾਮੀਤਿ ਪਟਿਜਗ੍ਗਤਿ, ਸਙ੍ਘੋ ਆਪਤ੍ਤਿਤੋ ਮੁਚ੍ਚਤਿ।
365.Mañcake nipātesunti evaṃ dhovitvā aññaṃ kāsāvaṃ nivāsetvā mañcake nipajjāpesuṃ; nipajjāpetvā ca panāyasmā ānando muttakarīsakiliṭṭhaṃ kāsāvaṃ dhovitvā bhūmiyaṃ paribhaṇḍaṃ akāsi. Yo bhikkhave maṃ upaṭṭhaheyya, so gilānaṃ upaṭṭhaheyyāti yo maṃ ovādānusāsanīkaraṇena upaṭṭhaheyya, so gilānaṃ upaṭṭhaheyya; mama ovādakārakena gilāno upaṭṭhātabboti ayamevettha attho. Bhagavato ca gilānassa ca upaṭṭhānaṃ ekasadisanti evaṃ panettha attho na gahetabbo. Saṅghena upaṭṭhātabboti yassete upajjhādayo tasmiṃ vihāre natthi, āgantuko hoti ekacāriko bhikkhu, so saṅghassa bhāro, tasmā saṅghena upaṭṭhātabbo. No ce upaṭṭhaheyya, sakalassa saṅghassa āpatti. Vāraṃ ṭhapetvā jaggantesu pana yo attano vāre na jaggati, tasseva āpatti. Saṅghattheropi vārako na muccati. Sace sakalo saṅgho ekassa bhāraṃ karoti, eko vā vattasampanno bhikkhu ahameva jaggissāmīti paṭijaggati, saṅgho āpattito muccati.
੩੬੬. ਅਭਿਕ੍ਕਮਨ੍ਤਂ વਾ ਅਭਿਕ੍ਕਮਤੀਤਿਆਦੀਸੁ વਡ੍ਢਨ੍ਤਂ વਾ ਆਬਾਧਂ ‘‘ਇਦਂ ਨਾਮ ਮੇ ਪਰਿਭੁਞ੍ਜਨ੍ਤਸ੍ਸ વਡ੍ਢਤਿ, ਇਦਂ ਪਰਿਭੁਞ੍ਜਨ੍ਤਸ੍ਸ ਪਰਿਹਾਯਤਿ, ਇਦਂ ਪਰਿਭੁਞ੍ਜਨ੍ਤਸ੍ਸ ਤਿਟ੍ਠਤੀ’’ਤਿ ਯਥਾਭੂਤਂ ਨਾવਿਕਰੋਤੀਤਿ ਏવਮਤ੍ਥੋ ਦਟ੍ਠਬ੍ਬੋ। ਨਾਲਨ੍ਤਿ ਨ ਪਤਿਰੂਪੋ, ਨ ਯੁਤ੍ਤੋ ਉਪਟ੍ਠਾਤੁਂ। ਭੇਸਜ੍ਜਂ ਸਂવਿਧਾਤੁਨ੍ਤਿ ਭੇਸਜ੍ਜਂ ਯੋਜੇਤੁਂ ਅਸਮਤ੍ਥੋ ਹੋਤਿ। ਆਮਿਸਨ੍ਤਰੋਤਿ ਆਮਿਸਂ ਅਸ੍ਸ ਅਨ੍ਤਰਨ੍ਤਿ ਆਮਿਸਨ੍ਤਰੋ। ਅਨ੍ਤਰਨ੍ਤਿ ਕਾਰਣਂ વੁਚ੍ਚਤਿ; ਆਮਿਸਕਾਰਣਾ ਯਾਗੁਭਤ੍ਤਪਤ੍ਤਚੀવਰਾਨਿ ਪਤ੍ਥੇਨ੍ਤੋ ਉਪਟ੍ਠਾਤੀਤਿ ਅਤ੍ਥੋ।
366.Abhikkamantaṃ vā abhikkamatītiādīsu vaḍḍhantaṃ vā ābādhaṃ ‘‘idaṃ nāma me paribhuñjantassa vaḍḍhati, idaṃ paribhuñjantassa parihāyati, idaṃ paribhuñjantassa tiṭṭhatī’’ti yathābhūtaṃ nāvikarotīti evamattho daṭṭhabbo. Nālanti na patirūpo, na yutto upaṭṭhātuṃ. Bhesajjaṃ saṃvidhātunti bhesajjaṃ yojetuṃ asamattho hoti. Āmisantaroti āmisaṃ assa antaranti āmisantaro. Antaranti kāraṇaṃ vuccati; āmisakāraṇā yāgubhattapattacīvarāni patthento upaṭṭhātīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੪. ਗਿਲਾਨવਤ੍ਥੁਕਥਾ • 224. Gilānavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਗਿਲਾਨવਤ੍ਥੁਕਥਾવਣ੍ਣਨਾ • Gilānavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗਿਲਾਨવਤ੍ਥੁਕਥਾવਣ੍ਣਨਾ • Gilānavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੨੪. ਗਿਲਾਨવਤ੍ਥੁਕਥਾ • 224. Gilānavatthukathā
