| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੨੪. ਗਿਲਾਨવਤ੍ਥੁਕਥਾ
224. Gilānavatthukathā
੩੬੫. ਮਞ੍ਚਕੇ ਨਿਪਾਤੇਸੁਨ੍ਤਿ ਏਤ੍ਥ ਮਞ੍ਚਕੇ ਨਿਪਾਤਨਂ ਨਾਮ ਮਞ੍ਚਕੇ ਨਿਪਜ੍ਜਾਪਨਨ੍ਤਿ ਆਹ ‘‘ਮਞ੍ਚਕੇ ਨਿਪਜ੍ਜਾਪੇਸੁ’’ਨ੍ਤਿ। ਮੁਤ੍ਤਕਰੀਸਕਿਲਿਟ੍ਠਨ੍ਤਿ ਮੁਤ੍ਤਕਰੀਸੇਹਿ ਕਿਲਿਟ੍ਠਂ। ਯੋਤਿ ਯੋ ਕੋਚਿ। ਮਨ੍ਤਿ ਮਮ। ਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਓવਾਦਾਨੁਸਾਸਨੀਕਰਣੇਨਾ’’ਤਿ। ਮਮ ਓવਾਦਸ੍ਸ ਚ ਅਨੁਸਾਸਨਿਯਾ ਚ ਕਰਣੇਨਾਤਿ ਅਤ੍ਥੋ। ਏਤ੍ਥਾਤਿ ‘‘ਯੋ ਭਿਕ੍ਖવੇ ਮਂ ਉਪਟ੍ਠਹੇਯ੍ਯਾ’’ਤਿਆਦਿਪਾਠੇ। ਸੁਤ੍ਤਸ੍ਸ ਨੇਯ੍ਯਤ੍ਥਤ੍ਤਾ ਅਗਹੇਤਬ੍ਬਤ੍ਥਂ ਦਸ੍ਸੇਨ੍ਤੋ ਆਹ ‘‘ਭਗવਤੋ ਚਾ’’ਤਿਆਦਿ। ਯਸ੍ਸਾਤਿ ਗਿਲਾਨਸ੍ਸ। ਉਪਜ੍ਝਾਯਾਦਯੋਤਿ ਏਤ੍ਥ ਆਦਿਸਦ੍ਦੇਨ ਆਚਰਿਯਸਦ੍ਧਿવਿਹਾਰਿਕਅਨ੍ਤੇવਾਸਿਕਸਮਾਨੁਪਜ੍ਝਾਯਕਸਮਾਨਾਚਰਿਯਕਸਙ੍ਖਾਤੇ ਪਞ੍ਚ ਜਨੇ ਸਙ੍ਗਣ੍ਹਾਤਿ। ਏਕਚਾਰਿਕੋ વਾ ਹੋਤੀਤਿ ਸਮ੍ਬਨ੍ਧੋ। ਸਙ੍ਘਤ੍ਥੇਰੋਪੀਤਿ ਪਿਸਦ੍ਦੋ ਪਗੇવ ਅਞ੍ਞੇਸਨ੍ਤਿ ਦਸ੍ਸੇਤਿ।
365.Mañcake nipātesunti ettha mañcake nipātanaṃ nāma mañcake nipajjāpananti āha ‘‘mañcake nipajjāpesu’’nti. Muttakarīsakiliṭṭhanti muttakarīsehi kiliṭṭhaṃ. Yoti yo koci. Manti mama. Tamatthaṃ dassento āha ‘‘ovādānusāsanīkaraṇenā’’ti. Mama ovādassa ca anusāsaniyā ca karaṇenāti attho. Etthāti ‘‘yo bhikkhave maṃ upaṭṭhaheyyā’’tiādipāṭhe. Suttassa neyyatthattā agahetabbatthaṃ dassento āha ‘‘bhagavato cā’’tiādi. Yassāti gilānassa. Upajjhāyādayoti ettha ādisaddena ācariyasaddhivihārikaantevāsikasamānupajjhāyakasamānācariyakasaṅkhāte pañca jane saṅgaṇhāti. Ekacāriko vā hotīti sambandho. Saṅghattheropīti pisaddo pageva aññesanti dasseti.
੩੬੬. ਅਭਿਕ੍ਕਮਨ੍ਤਂ વਾਤਿ ਏਤ੍ਥ ਅਭਿਮੁਖਂ ਕਮਤੀਤਿ ਅਭਿਕ੍ਕਮਨ੍ਤੋਤਿ વੁਤ੍ਤੇ વਡ੍ਢਨਤ੍ਥੋਤਿ ਆਹ ‘‘વਡ੍ਢਨ੍ਤਂ વਾ’’ਤਿ। ਆਬਾਧਂ ਨਾવਿਕਰੋਤੀਤਿ ਸਮ੍ਬਨ੍ਧੋ। ਇਮਿਨਾ ਅਨ੍ਤਪਚ੍ਚਯਸ੍ਸ ਸਰੂਪਂ ਦਸ੍ਸੇਤਿ। ਇਦਂ ਨਾਮ ਭੋਜਨਨ੍ਤਿ ਸਮ੍ਬਨ੍ਧੋ। ਸਂવਿਧਾਤੁਨ੍ਤਿ ਏਤ੍ਥ ਸਂવਿਪੁਬ੍ਬੋ ਧਾਧਾਤੁ ਕਰਧਾਤ੍વਤ੍ਥੋ, ਕਰਧਾਤੁ ਚ ਸਬ੍ਬਧਾਤ੍વਤ੍ਥੋ, ਤਸ੍ਮਾ વੁਤ੍ਤਂ ‘‘ਭੇਸਜ੍ਜਂ ਯੋਜੇਤੁ’’ਨ੍ਤਿ । ਅਸ੍ਸਾਤਿ ਗਿਲਾਨੁਪਟ੍ਠਾਕਸ੍ਸ। ਅਨ੍ਤਰਸਦ੍ਦਸ੍ਸ ਮਜ੍ਝਤ੍ਥਾਦਯੋ ਪਟਿਕ੍ਖਿਪਨ੍ਤੋ ਆਹ ‘‘ਕਾਰਣਂ વੁਚ੍ਚਤੀ’’ਤਿ।
366.Abhikkamantaṃ vāti ettha abhimukhaṃ kamatīti abhikkamantoti vutte vaḍḍhanatthoti āha ‘‘vaḍḍhantaṃ vā’’ti. Ābādhaṃ nāvikarotīti sambandho. Iminā antapaccayassa sarūpaṃ dasseti. Idaṃ nāma bhojananti sambandho. Saṃvidhātunti ettha saṃvipubbo dhādhātu karadhātvattho, karadhātu ca sabbadhātvattho, tasmā vuttaṃ ‘‘bhesajjaṃ yojetu’’nti . Assāti gilānupaṭṭhākassa. Antarasaddassa majjhatthādayo paṭikkhipanto āha ‘‘kāraṇaṃ vuccatī’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੪. ਗਿਲਾਨવਤ੍ਥੁਕਥਾ • 224. Gilānavatthukathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਗਿਲਾਨવਤ੍ਥੁਕਥਾ • Gilānavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਗਿਲਾਨવਤ੍ਥੁਕਥਾવਣ੍ਣਨਾ • Gilānavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗਿਲਾਨવਤ੍ਥੁਕਥਾવਣ੍ਣਨਾ • Gilānavatthukathāvaṇṇanā
